पोखरा । नेपाली कांग्रेस गण्डकीको नयाँ नेतृत्वका लागि शनिबार मतदान हुँदैछ । शुक्रबार २ प्यानल र केही स्वतन्त्र उम्मेदवारले मनोनयन दर्ता गराएका छन् । यहाँ केन्द्रीय गुटको प्रत्यक्ष प्रभाव देखिएको छ । उम्मेदवारभन्दा पनि संस्थापन (शेरबहादुर देउवा) र संस्थापन इतर (रामचन्द्र पौडेल लगायत) बीचको प्रतिस्पर्धा छ । संस्थापन पक्षबाट अर्जुन जोशीको नेतृत्वमा प्यानल बनेको छ भने संस्थापनइतरबाट शुक्रराज शर्माको नेतृत्वमा अर्को प्यानल उभिएको छ ।
सभापतिमा अर्जुन जोशी र शुक्रराज शर्मा, उपसभापतिमा संस्थापनबाट मेखलाल श्रेष्ठ र नेत्र महत तथा संस्थापन इतरबाट हरिप्रसाद श्रेष्ठ र कल्पना तिवारीले मनोनयन दर्ता गराए । महामन्त्रीमा संस्थापनबाट कुमार खड्का र ईश्वर पाण्डे तथा संस्थापनइतरबाट किरणबाबु श्रेष्ठ र विष्णुप्रसाद लामिछानेले उम्मेदवारी दिएका छन् । सहमहामन्त्रीमा संस्थापन पक्षबाट महिलामा ओमकला गौतम र संस्थापनइतरबाट कोपिला रानाभाट तथा खुलामा संस्थापनबाट राजनराज पन्त र झुलबहादुर आलेले उम्मेदवारी दिए भने संस्थापनइतरबाट रामचन्द्र जोशी र रमेश पाण्डेको उम्मेदवारी परेको छ।
सहमहामन्त्रीमा २ जनाले स्वतन्त्र उम्मेदवारी पनि दिएका छन् । युवराज बस्ताकोटी र गणेश सापकोटा स्वतन्त्र उम्मेदवार हुन् । जिल्लातर्फबाट प्रदेश सदस्यका लागि महिलामा ७ र पुरुषमा ८ जिल्लाबाट मात्रै प्रतिस्पर्धा हुने भएको छ । महिलामा कास्की, म्याग्दी, स्याङ्जा, बागलुङ, लमजुङ, गोरखा र नवलपुरमा मात्रै प्रतिस्पर्धा छ । प्रत्यक्षमा पनि कास्की, स्याङ्जा, म्याग्दी, नवलपुर, पर्वत, लमजुङ, बागलुङ र गोरखाका उम्मेदवारबीच मतदान हुनेछ । दुवै पदमा प्रत्येक जिल्लाबाट १/१ जना निर्वाचित हुनेछन् । यस्तै, प्रदेशसभा निर्वाचन क्षेत्रबाट महिलामा ७ जना, खुलामा २४ जना, खस आर्य महिलामा ८ जना, खस आर्य खुलामा १५ जना, आदिवासी जनजाति महिलामा ९ जना, आदिवासी जनजाति खुलामा १० जनाले मनोनयन दर्ता गराए ।
मधेसी कोटामा २ जना, दलितको महिला र खुलामा ३/३ जना, थारु र मुस्लिममा २/२ जना तथा अपांग अल्पसंख्यकमा ५ जनाको उम्मेदवारी परेको छ । विधानको व्यवस्था अनुसार निर्वाचन क्षेत्रबाट महिलामा ४, खुलामा ८, खस आर्य महिला र पुरुषमा समान ४/४, आदिवासी जनजाति महिला र पुरुषमा समान ५/५, मधेसी, मुस्लिम, थारु, अपांग तथा अल्पसंख्यकमा १/१ र दलित महिला–पुरुष दुवैमा २/२ जना निर्वाचित हुने व्यवस्था छ । शनिबार हुने मतदानबाट ५९ सदस्यीय निर्वाचित कार्यसमिति तयार हुनेछ भने २० प्रतिशतपछि मनोयन हुन्छन् ।
सभापतिमा अर्जुन जोशी र शुक्रराज शर्माको मनोनयन दर्ता हुँदा २ महामन्त्रीमा कुमार खड्का, ईश्वर पाण्डे, किरणबाबु श्रेष्ठ र विष्णुप्रसाद लामिछानेले उम्मेदवारी दिए
गण्डकी कांग्रेसको अधिवेशनले नयाँ समिति त बनाउँछ नै यसले पार्टीभित्रैका नेता कार्यकर्ताबीचमा तुष सिर्जना गरेको छ । सुरुमा देउवा पक्षले यहाँ नेतृत्वसहित प्यानल तयार गरेको थियो । पौडेल पक्षले देउवालाई हराउन जहाँजहाँ जोशी प्यानलका उम्मेदवार छन्, उतै काउन्टर उम्मेदवार खडा गरेको छ । देउवा टीमबाट स्याङ्जाका मेखलाल उपसभापतिमा उठेका छन्, मेखलाललाई हराउन सोही जिल्लाबाट कल्पनालाई उपसभापतिको टिकट दिइएको छ । गोरखामा पनि देउवा पक्षबाट ईश्वर महामन्त्रीको उम्मेदवार छन् भने उनलाई हराउन पौडेल पक्षबाट किरणबाबु प्रतिस्पर्धा गर्दैछन् । पर्वतमा सभापति अर्जुन जोशीकै भतिज रामचन्द्रलाई सहमहामन्त्रीको टिकट दिइएको छ । सदस्यको केही कोटामा भने अझै प्यानल बनेको छैन ।
कांग्रेस वरिष्ठ नेता पौडेलको गृहप्रदेश गण्डकीमा यसअघि देउवा गुट कमजोर मानिन्थ्यो । तर जिल्ला सभापतिहरु हेर्दा देउवाको बहुमत देखिन्छ । तथापि महाधिवेशन प्रतिनिधि र प्रदेश अधिवेशन प्रतिनिधि भने छुट्याउन सक्ने अवस्था छैन । यहाँ २ प्यानलबीच कडा टक्कर पर्ने सम्भावना छ । गण्डकीको कार्यसमिति निर्वाचित गर्न १ हजार १ सय ६० हाराहारी मतदाता छन् ।
७ जना निर्विरोध
प्रदेश कार्यसमितिको ७ जना सदस्य निर्विरोध निर्वाचित भएका छन् । शुक्रबार उम्मेदवारको अन्तिम नामावली सार्वजनिक गर्ने क्रममा अरुको उम्मेदवारी र दाबी विरोध नपरेपछि जिल्लातर्फका ७ जना सदस्य सर्वसम्मत भएका हुन् । महिलामा पर्वतकी मीनाकुमारी केसी सर्वसम्मत भइन् । अर्की प्रतिस्पर्धी रीता थापाले नाम निकालेपछि उनी सर्वसम्मत बनेकी हुन् । मुस्ताङबाट पुष्पा भट्टचन शेरचन तथा मनाङबाट चिउडे लामा सर्वसम्मत बने । पहिलो सूची निकाल्दा लामा प्रदेशभित्रका प्रदेशसभाको खुला सदस्यमा मनोनयन दर्ता गराएकी थिइन् । पछि सच्याएर उनको नाम जिल्लातर्फ लगिएको हो । प्रत्यक्षतर्फ पनि मनाङका विनोद गुरुङ, तनहुँका लक्ष्मीप्रसाद आचार्य र मुस्ताङका सुवर्णकुमार विष्ट सर्वसम्मत भएका छन् । विनोद गुरुङले पनि खुलामा उम्मेदवारी दिएका थिए ।
Related News
सम्बन्धित समाचार
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
सहारा एकेडेमीमा यु–१४ फुटबल प्रशिक्षण
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१