पोखरा । कास्कीका गुरुङहरु तो ल्होसार–२०७८ सामूहिकरुपमा मनाउने तयारीमा छन् । तमु (गुरुङ) कलाकार संघ गण्डकी प्रदेश समितिको र गुरुङ फिल्म एसोसिएसन (जिफान)मा तमुहरुको नयाँ वर्ष ( ल्होसार)मनाउन जुटेका हुन् ।
आगामी पुस १५ देखि सुरु हुने बाघ वर्ग अर्थात् तो ल्हो अवसरमा सामूहिक रुपमा मनाउन बिहीबार तमु धिं नेपालमा विभिन्न तमु संघ सस्थाहरुले छलफल गरेको बताइएको छ । तो ल्हो आगमनमा सामूहिक कार्यक्रमलाई भव्यरुपले मनाउन तमु कलाकार संघका तर्फबाट सुरेन्द्र गुरुङ, जिफानका तर्फबाट भोजबहादुर गुरुङ, तमु धिं नेपालका हुमबहादुर गुरुङ, नेपाल आदिवासी जनजाति महासंघ कास्कीका धर्म गुरुङ, तमु ह्युला छोंज धिंका आसबहादुर गुरुङ र दिलमाया गुरुङ, तमु धिं नेपाल केन्द्रीय आमा समितिकी पवित्रादेवी गुरुङ, तमु प्ये ल्हु संघका निमबहादुर गुरुङ र तमु सांस्कृतिक प्रतिष्ठान नेपालका श्रीजंग गुरुङ रहेको सचिवालय गठन गरेको छ।
कार्यक्रममा तमु धिं नेपालका अध्यक्ष हुमबहादुर गुरुङ तमु कलाकार संघका अध्यक्ष सुरेन्द्र गुरुङ, जिफानका भोजबहादुर गुरुङ, नेपाल आदिवासी जनजाति महासंघ कास्कीका अध्यक्ष धर्म गुरुङ, तमु ह्युला छोंज धिंका आसबहादुर गुरुङ, तमु धिं नेपाल केन्द्रीय आमा समितिकी कार्यवाहक अध्यक्ष पवित्रादेवी गुरुङ,ङ्योए तमु धिंका अध्यक्ष मनबहादुर गुरुङ, तमु सांस्कृतिक प्रतिष्ठान नेपालका निवर्तमान अध्यक्ष चिजकाजी गुरुङले सामूहिक ल्होसार प्रभावकारी बनाउन सुझाव दिए ।