Worldlink ads

रोस्टर प्रशिक्षक प्रशिक्षण

आदर्श समाज सम्वाददाता
मंसिर १७, २०७८
education

पोखरा । शिक्षा तालिम केन्द्र गण्डकी प्रदेशले रोस्टर प्रशिक्षकका लागि प्रदेशस्तरीय प्रशिक्षक प्रशिक्षण कार्यक्रम गरेको छ ।
तालिम केन्द्र दमौलीको विस्तारित शाखा अमरसिंहमा भएको एकहप्ते प्रशिक्षणमा केन्द्रले गण्डकी प्रदेशका माध्यमिक तहका नेपाली, अंग्रेजी, गणित, विज्ञान र सामाजिक विषयका १ सय ५० शिक्षकलाई प्रशिक्षित दिइएको हो ।
कार्यक्रम समापनमा शिक्षा तालिम केन्द्र गण्डकी प्रदेशका प्रमुख नेपालहरि रानाभाटले रोष्टर प्रशिक्षणले गण्डकी प्रदेशमा विषयगत रुपमा दक्ष, योग्य र अब्बल प्रशिक्षक तयार भएको बताए । रानाभाटले अब हुने टिपिडी तालिममा उनीहरुमध्येले नै अन्य शिक्षकलाई प्रशिक्षण दिने बताउँदै प्रशिक्षकलाई आफ्नो ज्ञान र क्षमताको प्रदर्शन गर्न तयारी अवस्थामा रहन आग्रह गरे ।
तालिमले प्रशिक्षकमा ताजगीकरण, सिकाइका नवीनतम कला, शिक्षण सिकाइ सहजीकरणको नवीन विधिको ज्ञान, सिकाइमा सूचना प्रविधिको प्रयोगसम्बन्धी ज्ञानको विकास भएको बताउँदै प्रशिक्षण सफल भएको दाबी गरे ।
तालिम केन्द्रका प्रमुख नेपालहरि रानाभाट र विज्ञान विषय प्रशिक्षक रुद्रमणि पौडेलले सहभागीहरुलाई प्रमाणपत्र वितरण गरेका थिए । तालिम केन्द्र गण्डकी प्रदेशका शाखा अधिकृत विदुरहरि आचार्यले सञ्चालन गरेको कार्यक्रममा सहभागीतर्फबाट जूना थापा र गोपालबाबु मरहठ्ठाले आफ्ना भनाइ राखेका थिए ।

Related News

सम्बन्धित समाचार

    • सहारा एकेडेमीको अक्षयकोषमा १५ लाख सहयोग

      आदर्श समाज सम्वाददाता माघ ५, २०७८
      पोखरा । सहारा क्लब पोखराले सञ्चालन गर्दै आएको सहारा एकेडेमीको अक्षयकोषमा रकम संकलन भएको छ । अक्षयकोषका लागि क्लब र ओएभिएस…
    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…

    hero news full width