म्युजियम मार्गको भेला

आदर्श समाज सम्वाददाता
मंसिर १६, २०७८
mangsir 2

पोखरा । गुणस्तरीय विकाससँगै सभ्य समाज निर्माणमा स्थानीय समुदायको महत्वपूर्ण भूमिका हुनेमा बुधबार आयोजित एक कार्यक्रममा जोड दिइएको छ । पोखरा १७ घारीपाटनस्थित म्युजियममार्ग टोल सुधार समितिद्वारा आयोजित भेलामा वक्ताले लक्षित योजना तथा कार्यक्रम समयमै सम्पन्न गर्न स्थानीयको जागरुकता अपरिहार्य हुने बताए । पोखरा महानगरपालिका कार्यपालिका सदस्य राधिका शाही योगीले भेलाको उद्घाटन गर्दै सामाजिक संघसंस्थाले सुषुप्त अवस्थामा रहेको श्रमलाई उत्पादनको क्षेत्रमा लगाउनु पर्ने बताइन् ।
महानगरले विशेषगरी सडक, खानेपानी, शिक्षा, स्वास्थ्य तथा ढल निर्माणलाई प्राथमिकतामा राखेर काम गर्दै आएको बताउँदै उनले सीमित स्रोतसाधनको बाबजुद वडाको समग्र विकासमा निर्माणमा उपयोगकर्ता स्थानीय वासिन्दा सचेत हुनुपर्नेमा जोड दिए ।
खानेपानी उपभोक्ता समिति पोखरा १७ का अध्यक्ष कृष्णप्रसाद पौडेलले तीनै तहका सरकारको सहयोगमा वडामा ४५ किमी पाइप बिस्तार गरिएको र साढे १८ किमी क्षेत्रमा पाइप बिस्तार गर्नुपर्ने आवश्यकता औंल्याए । वडामा खानेपानीको पाइप बिस्तारका लागि पोखरा महानगरपालिकाबाट ८५ लाख, स्व. रवीन्द्र अधिकारीको पहलमा ३४ लाख र प्रदेश सभा सदस्य कृष्ण थापाबाट ५० लाख रुपैयाँ आर्थिक सहयोग प्राप्त भएको उनले जानकारी दिए । २०५१ सालमा बिस्तार गरिएको जीर्ण अवस्थाको २ इञ्चको पाइपबाट खानेपानीको असुविधा झेल्दै आएकोमा सो मार्गमा प्रदेशसभा सदस्य कृष्ण थापाको १० लाख रुपैयाँको सहयोगमा ३ इञ्चको पाइप बिस्तार गरिएको टोल सुधार समितिका अध्यक्ष हरिप्रसाद बास्तोलाले जानकारी दिए ।
कार्यक्रममा शुभकामना आमा समूहका अध्यक्ष हिरादेवी अधिकारी र समाजसेवी लिलबहादुर जिसीले बोलेका थिए । संस्थाका कोषाध्यक्ष अनवीर थापाले ९० हजार रुपैयाँ बरावरको आयव्यय प्रस्तुत गरेको कार्यक्रममा उपाध्यक्ष पार्वती खड्काले स्वागत एवं सचिव भगवान् श्रेष्ठले सञ्चालन गरेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width