पोखरा । बागलुङ बडीगाड गाउँपालिका ७ की लक्ष्मी गुरुङलाई गर्भवती भएकै बेला २०७७ साउन २४ मा अचानक पेट दुख्यो । उनी छट्पटाउन थालिन् । परिवार आत्तियो । नजिकै उपचार गर्ने ठाउँ भएन । जिपलाई खबर गरेको लामो समयसम्म आएन ।
अघिल्लो राति खबर गरेकोमा भोलिपल्ट २५ गते बिहान ६ बजमात्र जिप आइपुुग्यो । लक्ष्मीलाई बुर्तिवाङ झारियो । बुर्तिबाङ स्वास्थ्य चौकीमा उपचार सम्भव नभएपछि चिकित्सकले गण्डकी प्रदेशको तत्कालीन सामाजिक विकास मन्त्रालयमा खबर गरे । प्रदेशले तुरन्तै हेलिकोप्टर बुर्तिबाङ पठायो र लक्ष्मीको हेली उद्धार गरियो ।
पश्चिमाञ्चल क्षेत्रीय अस्पताल पोखरामा ल्याएपछि उनी सुत्केरी भइन् । २ दिनसम्म के कसो हुने हो भन्ने लक्ष्मीको पीडा एकाएक खुसीमा बदलियो । जीवन बचाउने प्रदेश सरकारको अमूल्य सहयोगले उनी दंग थिइन् । आफ्नो गाउँमा पनि सहरमा जस्तै विकासहोस् र आफूजस्तै अरुले दुख नपाउन् भन्ने उनको कामना छ ।
गण्डकी प्रदेश स्वास्थ्य तथा जनसंख्या मन्त्रालय सचिव डा. विनोदविन्दु शर्माले प्रदेशका दुर्गम क्षेत्रबाट सुत्केरी तथा गर्भवती महिलाको उद्धार गर्दा विविध समस्या झेल्नुपरेको बताउँछन् । भनेकै समयमा हेलिकोप्टर नपाउनु, लो भिजनमा उड्न नसक्नु र ल्यान्डिङमै पनि समस्या भोग्नुपरेको उनको भनाइ छ । सबै अवस्थामा समस्या नरहे पनि केहीमा प्रशासनिक र प्राविधिकको चुनौती पार गरेर सुत्केरी तथा गर्भवती महिलाहरु गरिहेको उनले जनाए । प्रदेशको आफ्नै हेलिकोेप्टर भएमा कुनै समस्या कम हुने भन्दै मन्त्रालयले एयर एम्बुलेन्सको अवधारणा अघि बढाएको डा. शर्माले बताए । गण्डकी प्रदेश सरकारले कास्की बाहेक प्रदेशका १० जिल्लाबाट ५४ जना सुत्केरी तथा गर्भवती महिलाको हेली उद्धार गरिसकेको छ । जसले गर्दा दुर्गम क्षेत्रमा रहेकालाई हाम्रो पनि सरकार छ भन्ने आभाष मिलेको छ ।
सरकारले कास्की बाहेक प्रदेशका १० जिल्लाबाट ५४ जना सुत्केरी तथा गर्भवती महिलाको हेली उद्धार गरिसकेको छ
हेलिकोप्टर खरिदमा प्रदेश मुख्यमन्त्री कृष्णचन्द्र नेपाली पोखरेल पनि सकरात्मक रहेको डा. शर्माको भनाइ छ । ‘जनतासँग मुख्यमन्त्री’ कार्यक्रममार्फत मुख्यमन्त्री पोखरेलले हेलिकोप्टर खरिदका लागि आफू सकारात्मक रहेको बताएका हुन् । खरिद प्रक्रिया विषयमा सोच बनाएर बहस सुरु गरिसकेको उनको भनाइ थियो । यसका लागि केन्द्रीय सरकारसँग पनि अनुरोेध गर्ने उनी बताउँछन् । ‘सपना नदेखि साकार हुने कुरा त भएन,’ उनले भने, ‘हामीले लाइनमा राखिदियौं भने अर्को सरकारले गर्ला नि ।’
गण्डकी प्रदेश पर्यटकीय राजधानी भएका कारण पनि आपतकालीन उद्धारमा प्रदेशको आफ्नै हेलिकोप्टर भए सहज हुने उनको तर्क छ । विकास निर्माणका काम छाडेर हेली खरिद गर्ने बहस चलाउँदा जनताबाट नकारात्मक टिप्पणी आउनु जायज भए पनि भोलिको अपरिहार्य आवश्यकताभित्र पर्नेमा उनी ढुक्क छन् । ‘हामीसँग हेली भयो भने त सुत्केरी तथा गर्भवती महिलासँगै दुर्गम क्षेत्रमा भएका बिरामी र अप्ठेरोमा परेको पर्यटकको उद्धार गर्न पनि सहज हुन्छ,’ उनले भने, ‘यो भनेर हामीले भोलि नै ल्याइहाल्ने पनि होइन, बहस पनि हुन्छ, यसलाई प्रदेश सरकार नागरिकको स्वास्थ्यप्रति गम्भीर छ भन्ने रुपमा बुझ्नुपर्छ ।’
एयर एम्बुलेन्स भएमा दुर्गम क्षेत्रमा रहेका सुत्केरी तथा गर्भवतीसँगै अन्य रोगका बिरामीलाई उद्धार गर्न सहज पर्ने स्वास्थ्य तथा जनसंख्या मन्त्री मधुमाया अधिकारी गुरुङ बताउँछिन् । प्रदेश सरकारले स्थापनादेखि नै सुत्केरी तथा गर्भवती महिलाका स्वास्थ्यमा गम्भीरता साथ लागेको उनको भनाइ छ । आमा र शिशु बचाउन मन्त्रालयले काम गर्दै आएको छ । अहिले पनि प्रदेश सरकारले निशुल्क सुत्केरी सेवा, आमा प्रतीक्षालय, सुत्केरी खर्च, पोषण कार्यक्रम लगायत कामलाई निरन्तरता दिंदै आएको छ । मन्त्रालयले जिल्ला अस्पताल सुढृढीकरण गर्दै दक्ष जनशक्ति र उपकरणको व्यवस्था गर्नेतर्फ मन्त्रालयको ध्यान केन्द्रित भएको छ । सम्बन्धित जिल्ला अस्पताल सबल हुँदाहुँदै पनि जटिल अवस्थाका बिरामीलाई दुर्गम क्षेत्रबाट उद्धारका लागि हेलिकोप्टर नै उपयुक्त रहने मन्त्रालयले जनाएको छ ।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१