Worldlink ads

अति दुर्गममा टेलिकमको फोरजी सेवा

आदर्श समाज सम्वाददाता
मंसिर १२, २०७८
Nepal Telecom

काठमाडौं । नेपाल टेलिकमले अति दुर्गम र विकट आठ स्थानमा जिएसएम टुजी र फोरजी सेवा प्रवाह गरेको छ । सोलुखुम्बुको लुक्ला, स्याङबोचे (एयरपोर्ट), नाम्चेबजार र ताक्सिन्दु, गोरखाको छेकम्पार, बिही (गज्र्याङ डाँडा) र न्याक तथा मनाङको ओडार भ्यु–प्वाइन्ट हेलिकप्टरबाट उपकरण ढुवानी गरी नयाँ टावरबाट सेवा सञ्चालन गरेको हो ।

ती टावरबाट कम्पनीले सेवाग्राहीलाई टुजी र फोरजी सेवा उपलब्ध गराएको छ । सोलुखुम्बुको लुक्ला साइटबाट खुम्बु पासाङल्हामु गाउँपालिकाका–२ र ३ का लुक्ला, सुर्के, मुसे, नाजिपाङ, चौरीखर्क, स्याङमा र सगरमाथा पदमार्गलगायतका क्षेत्रमा टुजी र फोरजी सेवा उपलब्ध भएको नेपाली टेलिकमका प्रवक्ता राजेश जोशीले जानकारी दिनुभयो । स्याङबोचे एयरपोर्ट साइटबाट सोही गाउँपालिकाको–४ का वस्ती र नाम्चेबजार साइटबाट वडा नम्बर ३ र ५ का नाम्चे, कोङदे, जोरसल्लोलगायतका क्षेत्रमा सेवा उपलब्ध भएको छ ।

त्यसैगरी टाक्सिन्दु साइटबाट वडा नम्बर १ का नुनथला, खरिखोला, थामडाँडा, बुप्सा, पान्गोम र सगरमाथा पदमार्गलगायतका क्षेत्रमा सेवा उपलब्ध भएको छ । गोरखाको छेकम्पार साइटबाट चुमनुब्री गाउँपालिका–४ अन्तर्गतका छेकम्पार, छोकाङसहित छिमेकी राष्ट्र चीनसँग जोडिएका पर्यटकीय क्षेत्रमा सेवा उपलब्ध भएको छ । गोरखाकै बिही (गज्र्याङ डाँडा) नयाँ साइटबाट सोही गाउँपालिका–५ अन्तर्गत क्वाकडाँडा, बिही गाउँ, सराङ गुम्बा ल्हो, प्रोक, सामा, लार्केपाससहित मनास्लु ट्रेकिङ रुटलगायतका क्षेत्र र न्याक साइटबाट वडा नम्बर ३ अन्तर्गत न्याक, लिक्पा, डेंग, सिर्दिबास फिलिम, भान्सिङ र मनास्लु ट्रेकिङ रुटलगायतका क्षेत्रमा सेवा उपलब्ध भएको छ ।

मनाङको ओडार भ्यु प्वाइन्ट साइटबाट न्यासो गाउँपालिका अन्तर्गत ओडार, नाचे, थोंचे, धारापानी, तिल्चेलगायतका क्षेत्रमा सेवा उपलब्ध भएको छ । त्यसैगरी अन्य तीन (तीन) दुर्गम र विकट स्थानमा हेलिकप्टरबाटै सामान ढुवानी गरी निकट भविष्यमा नेपाल टेलिकमले टुजी र फोरजी सेवा सञ्चालन गर्ने तयारी गरिरहेको छ । सोलुखुम्बुको खुम्बु पासाङ ल्हामु गाउँपालिकाको फाक्दिङ र नाचिपाङ र दार्चुला जिल्लाको व्यास गाउँपालिकाको छाङरु साइटमा टावर स्थापना गरी सेवा सञ्चालन गरिनेछ ।

हाल यी स्थानमा संरचना निर्माण भइरहेको छ र निकट भविष्यमै टुजी तथा फोरजी सेवा सञ्चालनमा आउने छ । सेवा सञ्चालनमा आए पश्चात यी क्षेत्रका सेवाग्राहीले गुणस्तरीय भ्वाइस तथा डाटा सेवा प्रयोग गरी लाभ लिन सक्नेछन् । तुलनात्मकरुपमा लगानी बढी हुने तर व्यावसायिकरुपले प्रतिफल प्राप्त नहुने यस्ता अति दुर्गम र विकट स्थानसमेतसमेतमा नेपाल टेलिकमले दूरसञ्चार सेवा विस्तार गर्ने कार्यलाई निरन्तरता दिइरहेको छ । मुलुकका अत्यन्त दूर्गम र विकट स्थानमा रहेका वस्तीमा दूरसञ्चार र सूचना प्रविधिको पहुँच पुर्‍याउन नेपाल टेलिकमले दशकौं अगाडिदेखि नै परिवहनका विभिन्न उपाय अपनाउँदै आएको थियो ।

पहाडी भीरपाखा छिचोल्दै अति आवश्यक घरायसी सामग्री डोकामा बोकेर लग्नुपर्ने अवस्थामा दूरसञ्चारका ठूला र गहङ्गा उपकरण कम्पनीले हेलिकप्टरबाट ढुवानी गनुपर्ने वाध्यता रही आएको छ । विगतमा जस्तै यस वर्षपनि हेलिकप्टरबाट उपकरण ढुवानी गरी कम्पनीले यस आर्थिक वर्षमा अति दुर्गम र विकट आठ आठ स्थानमा जिएसएम टुजी र फोरजी सेवा प्रवाह गरेको छ । रासस

Related News

सम्बन्धित समाचार

    • गण्डकीका अनलाइनलाई निशुल्क इन्टरनेट

      आदर्श समाज सम्वाददाता पौष ६, २०७८
      पोखरा । अनलाइन पत्रकार संघ, गण्डकीमा आबद्ध अनलाइन पोर्टललाई वल्र्डलिंकले निशुल्क इन्टरनेट जडान सुविधा प्रदान गरेको छ । सो सम्बन्धमा…
    • एनसेलले ल्यायो ‘एनसेल बिजलाइट’ प्रिपेड प्लान

      आदर्श समाज सम्वाददाता पौष २, २०७८
      पोखरा । साना तथा मझौला व्यवसायी र कार्यालयले उनीहरुकै सञ्चार सेवाको आवश्यकता सम्बोधन गर्न तयार पारिएको एनसेलको आकर्षक योजनाबाट लाभ…
    • दुर्गम गाउँमा फोरजी, गाउँले हर्षित

      आदर्श समाज सम्वाददाता मंसिर २१, २०७८
      बागलुङ । मोबाइल कुराकानी त यस क्षेत्रका नागरिकले १० वर्ष पहिलेदेखि नै सुविधा पाएका छन् तर विकसित प्रविधिको पहुँच नहुँदा…
    • विद्युतीय चुल्हो प्रयोग गर्ने सपना पूरा हुँदै

      रासस कार्तिक १३, २०७८
      काठमाडौं । नेपालीका लागि विद्युतीय चुल्होमा खाना पकाउने विषय एकाध वर्ष पहिले एउटा दन्त्यकथा जस्तै थियो । बिजुलीको सहज उपलब्धता…
    • एनसेललाई वल्र्ड कम्युनिकेसन अवार्ड

      आदर्श समाज सम्वाददाता कार्तिक १२, २०७८
      काठमाडौं । एनसेल आजियाटा लिमिटेडले प्रतिष्ठित ‘वल्र्ड कम्युनिकेसन अवार्ड २०२१’ को २ विधा ‘द सोसियल कन्ट्रिव्युसन अवार्ड’ र ‘क्राइसिस रेस्पोन्स…

    hero news full width