पोखरा । राष्ट्रिय समावेशी आयोगका अध्यक्ष डा. रामकृष्ण तिमिल्सिनाले देशका सबै जातजाति, भाषा, धर्म, संस्कृतिको सामूहिक पहिचान नै राष्ट्रिय संस्कृति रहेको बताएका छन् ।
राष्ट्रिय समावेशी आयोग र नेपाल शिक्षण परिषद्द्वारा पोखरामा मंगलबा आयोजित समावेशीताकालागि वैदिक शिक्षाबारे अन्तक्र्रियामा बोल्दै डा. तिमिल्सिनाले सो कुरा बताएका छन् ।
वेदमा बहुमूल्य कुरा रहेको तर संस्कृत भाषामा भएको हुँदा सबैलाई ज्ञान हुन नसकेको उल्लेख गर्दै उनले त्यसलाई नेपालीमा रुपान्तरण गरी सहज गराउन सके वैदिक शिक्षाको महत्व सबैले थाहा पाउने उल्लेख गरे । गण्डकी प्रदेश समावेशीताको उर्बर क्षेत्र रहेको चर्चा गर्दै उनले यस क्षेत्रको जातीय तथा धार्मिक सद्भाव उदाहरणीय भएको बताए ।
मानव मिलन संस्थाका संस्थापक नेपालकेशरी डा. मनिभद्रमुनि महाराजले अल्पसंख्यकको रुपमा रहेको जैन, शिख आदि धर्म सम्प्रदायको संरक्षण सम्बद्र्धनको लागि आयोगको ध्यानाकर्षण गरे ।
क्षत्री समाज नेपालका अध्यक्ष प्राडा दिलबहादुर क्षत्रीले समावेशीताको लागि गहन अध्ययन र छलफल जरुरी रहेको तथा त्यसले दिने प्रतिवेदन सबैका लागि मान्य हुनुपर्ने बताए । ब्राह्मण समाज नेपालका अध्यक्ष प्राडा नारायणप्रसाद अधिकारीले समाजले समावेशीताको आवाज धेरैअघि देखि उठाउँदै आएको उल्लेख गरे ।
नेपाल संस्कृत विश्वविद्यालयका उपप्रा.डा. भोलानारायण रेग्मीले वैदिक शिक्षा आदिकालदेखि नै समावेशी शिक्षा भएको चर्चा गर्दै भने, ‘वेदले प्रवेश गराउँछ, निषेध होइन ।’ नेपाल शिक्षण परिषद्का अध्यक्ष आदित्यकुमार खनालको अध्यक्षतामा भएको उक्त कार्यक्रममा महामन्त्री बाशुदेवकृष्ण शास्त्रीले स्वागत तथा कोषाध्यक्ष अधिवक्ता युवराज गौतमले धन्यवाद व्यक्त गरेका थिए । कार्यक्रमको सञ्चालन राष्ट्रिय समावेशी आयोगका उपसचिव पुष्कर भट्टराईले गरेका थिए ।
यसैबीच, नेपाल शिक्षण परिषद् गुरुकुल प्रकल्प गण्डकी प्रदेशको संयोजनमा डा. भोलानारायण रेग्मी मनोनयन भएको परिषद्का महामन्त्री बाशुदेवकृष्ण शास्त्रीले जानकारी दिएका थिए ।
Related News
सम्बन्धित समाचार
कथा सुन्न भक्तजनको आकर्षण
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१