पोखरा । नेपाली कांग्रेसको आसन्न १४ औं महाधिवेशनमा विश्वशंकर पालिखेले कास्की जिल्ला सदस्यमा उम्मेदवारी घोषणा गरेका छन् । ५ दशकदेखि कांग्रेसमा आवद्ध रहेको बताउँदै उनले अब व्यावसायिकबाट सक्रिय राजनीतिक यात्रा सुरु गरेको मंगलबार पत्रकार सम्मेलनमार्फत घोषणा गरे ।
पद कहिले पनि सानो वा ठूलो नहुने भन्दै उनले जिम्मेवारीबोध नै सबैभन्दा बढी महत्वपूर्ण भएको बताए । पार्टीको नीति नियम आत्मसाथ गर्दै कांगे्रसलाई अझै सुदृढ र बलियो बनाउँदै लैजानु आफ्नो दायित्व रहेको उनले बताए ।
प्रजातन्त्र स्थापनाका लागि पालिखे परिवारको महत्वपूर्ण योगदान रहेको उल्लेख गर्र्दै उनले आफ्ना बुबा दयाशंकर पालिखे जीवनपर्यन्त पार्टीमा आवद्ध भए पनि कहिल्यै पदमोह नभएको स्मरण पनि गरे ।
२०२९ सालमा पृथ्वीनारायण क्यामपसबाट नेविसंंघको सदस्यता लिएर विश्वशंकरले राजनीतिक यात्राको थालनी गरेका थिए । त्यस्तै उनले २०४६ सालको जनआन्दोलनमा कास्की कांग्रेसको तर्फबाट सक्रिय भूमिका निर्वाह गरेका थिए । २०५७ देखि २०६० सालसम्म तत्कालीन प्रधानमन्त्री गिरिजाप्रसाद कोइरालाका पालामा नेपाल पर्यटन बोर्डमा कार्यकारी बोर्ड सदस्य भएर पर्यटन प्रवद्र्धनमा महत्वपूर्ण भूमिका खेलेका थिए । पालिखेसँग नेपाल ट्रायथोलन संघको संस्थापक अध्यक्ष, नेपाल चीन जनमैत्री संघ पोखराको अध्यक्ष, पश्चिमाञ्चल क्षेत्रीय होटल संघ पोखराको अध्यक्ष, पोखरा उद्योग वाणिज्य संघको अध्यक्ष लगायत अन्य संघसंस्थाहरुको महत्वपूर्ण पदमा रहेर काम गरेको अनुभव रहेको छ । उनी रेडियो अन्नपूर्णको संस्थापक अध्यक्ष समेत हुन् ।
खेलबाट पर्यटन प्रवद्र्धनमा टेवा पु¥याउन उनले २०५० सालमा साहसिक खेल ट्रायथोलन संघको स्थापना गरेका थिए । पोखरा क्षेत्रीय अन्तर्राष्ट्रिय विमानस्थल निर्माणमा उनको महत्वपूर्ण भूमिका छ । त्यस्तै ‘जाऔं है पोखरा’, पोखरा भ्रमण वर्ष–२००७, उज्यालो पोखरा, पानीको मुहान शुद्धिकरण र नेपाल भेन्टिलेटर सोसाइटी कास्कीको संयोजकसमेत भएर काम गरिसकेका पालिखेको सामाजिक कार्यमा महत्वपूर्ण योगदान छ ।
Related News
सम्बन्धित समाचार
पोखरा भिलेज अब चारतारे
पोखरा १० का सामुदायिक विद्यालयलाई स्टे्सनरी सहयोग
भुजेल समाजको रक्तदान
स्पोर्टस् अवार्डमा सहयोग प्रतिबद्धता
हेमजामा नागरिक आरोग्य कार्यक्रम
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१