महानगरका कर्मचारी आन्दोलित

आदर्श समाज सम्वाददाता
मंसिर ७, २०७८
Mahanagr Ka ba Mayor Gaypanpatra pic 01

पोखरा । पोखरा महानगरपालिका स्थानीय तहतर्फका कर्मचारी आन्दोलित बनेका छन् । आफूहरुको लामो समयदेखि वृत्ति विकास र स्थायित्व नभएको भन्दै सो माग पूरा गर्न एक साताको अल्टिमेटम दिएका छन् ।
महानगर स्थानीय तहतर्फका कर्मचारीले सोमबार महानगर कार्यवाहक प्रमुख मञ्जुदेवी गुरुङ र प्रमुख प्रशासकीय अधिकृत महेश बराललाई पाँचबुँदे ज्ञापनपत्र बुझाएका छन् ।
महानगरपालिका संयुक्त कर्मचारी समिति अध्यक्ष इन्जिनियर झपटबहादुर थापाको नेतृत्वमा विभिन्न कर्मचारी संघ संगठनका प्रतिनिधिसहितको टोलीले ज्ञापनपत्र बुझाएको हो । आफूहरुको माग एक साताभित्र सुनुवाइ नभए आन्दोलनमा उत्रिने समिति अध्यक्ष इ. थापाले बताए । स्थानीय सरकारको रुपमा रहेको महानगरले आफैंले कानुन बनाएर कार्यान्वयन गर्न सक्ने भए पनि कर्मचारीको समस्या समाधानमा उदासीन बनेको उनको आरोप छ ।
आन्दोलित कर्मचारीले सरकारले कर्मचारी समायोजन ऐन बनाएर निजामती सेवातर्फका कर्मचारीलाई २ तह वृद्धि गरी स्थानीय तहमा पठाएको उल्लेख गर्दै लोक सेवा आयोगले निर्धारण गरेको पाठ्यक्रम परीक्षा प्रणालीमा उत्तीर्ण भै कामकाज गरेका स्थानीय तहका कर्मचारीलाई विभेद गरिएको बताएका छन् । महानगरले कानुन बनाएर स्थानीय तहका कर्मचारीको व्यवस्थापन नगर्दा १५ वर्षदेखि कर्मचारीको बढुवा रोकिएको उनीहरुको गुनासो छ । साथै, २०६४ असोज मसान्तअघि अस्थायी र करारमा नियुक्त भएका कर्मचारीको सम्बन्धमा सम्मानित अदालतले गरेको परमादेश कार्यान्वयन गर्नसमेत कर्मचारीले माग गरेका छन् । कर्मचारीले अस्थायी, करार र ज्यालादारी कर्मचारीले खाइपाइ आएको सेवासुविधा कटौती गरिएको भन्दै आपत्ति जनाएका छन् । विगतमा कार्यालयले कर्मचारी सञ्चयकोष, महँगी भत्ता, पोशाक भत्ता लगायतमा गरेको व्यवस्था कायम गर्न पनि माग गरे ।
अस्थायी, करार र ज्यालादारी कर्मचारीको सेवा सुनिश्चितपछि मात्रै नयाँ दरबन्दी सिर्जना गरी कर्मचारीको भर्ना प्रक्रिया अघि बढाइनु पर्ने र अन्यत्रबाट महानगरमा जथाभावी कर्मचारी ल्याउने काम बन्द गरिनुपर्नेसमेत माग छ । साथै महानगरको कर तथा राजस्व करमैत्री बनाइनु पर्ने, सेवा प्रवाह नागरिकमैत्री हुनुपर्ने, बेरुजु र बेथितिको सुधार गर्दै सुशासनमैत्री बनाउन तत्काल कार्ययोजना बनाइनुपर्ने पनि उनीहरुको माग छ ।
पोखरा महानगरमा गाभिएपछि तत्कालीन लेखनाथ नगरपालिका र विभिन्न गाविस एवं उपमहानगर समेतका गरी स्थायी, अस्थायी, करार र ज्यालादारी गरी झन्डै ५ सय जना कर्मचारी स्थानीय तहतर्फ कार्यरत छन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width