पोखरा । पोखरा महानगरपालिका वडा नम्बर १२ र १३ स्थित भद्रकाली तथा गणेश मन्दिर सेवा समितिको नवौं अधिवेशन तथा १८ औं साधारण सभाले योगेन्द्रमान श्रेष्ठलाई अध्यक्षमा चयन गरेको छ ।

शनिबार भएको अधिवेशनले २६ वर्षसम्म लगातार सचिवको कुशल जिम्मेवारी निभाएका श्रेष्ठलाई अध्यक्षमा चयन गरेको हो । समितिका सदस्यहरु गमबहादुर गुरुङ, शान्तकुमार श्रेष्ठ, लालबहादुर नेपाली, रामप्रसाद सिग्देल, दीपेन्द्रराज बस्ताकोटी, डिलाराम लामिछाने, वीरबहादुर थापा र हिरचन्द्र आचार्य रहेका छन् ।

पोखरा १२ का अध्यक्ष रामबहादुर कार्किले सभाको उद्घाटन गरेका थिए । गणेश तथा भद्रकाली सेवा समितका अध्यक्ष टीकाबहादुर कार्कीको अध्यक्षतामा भएको कार्यक्रमममा समितिका पूर्व अध्यक्ष कुसुमराज आचार्य, सल्लाहकार सदस्य प्रा. तारा बराल, मीनबहादुर गुरुङ, नादा तमु समाज पोखरा १२ का अध्यक्ष चेतबहादुर गुरुङ, कवि वामनप्रसाद ढेवाजू लगायतले बोलेका थिए । कार्यक्रम सञ्चालन सचिव योगेन्द्रमान श्रेष्ठले गरेका थिए । ज्ञानेन्द्रप्रसाद सिग्देलको संयोजक रहेको निर्वाचन मण्डलले समिति सर्वसम्मत चयन गराएको हो । समितिको पहिलो बैठकले कार्यविभाजन गर्नेछ ।