पोखरा । पोखरेली युवा सांस्कृतिक परिवारले सञ्चालन गर्दै आएको समता काव्य सन्ध्याको ३४१ औं शृंखला शनिबार सम्पन्न भयो ।
नेपाल संगीत नाट्य प्रज्ञा प्रतिष्ठानका संस्थापक सदस्यसचिव एवं परिवारका सल्लाहकार संस्कृतिकर्मी तीर्थ श्रेष्ठले ३ दशकसम्म अविछिन्नरुपमा चलेको कविताको अघोषित पाठशालाबाट सिक्ने कुरा जस्ले जतिबेला जोसँग सिक्न सकिन्छ ।
काव्य सन्ध्यामा कवि तीर्थ श्रेष्ठ, डा. ईश्वरमणि अधिकारी, कौशलचन्द्र जिसी, शिव त्रिपाठी, रोशन तिमिल्सिना, दीपेन्द्र अरुण, सलिना पौडेल लगायतका कविले रचना सुनाएका थिए ।
परिवारका साहित्य संयोजक रीता अधिकारीले आमन्त्रित कविलाई स्वागत गरेकी थिइन् । परिवारका अध्यक्ष मोती भुजेलको अध्यक्षतामा भएको काव्य सन्ध्याको सञ्चालन सहसचिव शिव त्रिपाठीले गरेका थिए ।