स्वराज ९६३ ट्याक्टर सार्वजनिक

आदर्श समाज सम्वाददाता
असाेज २३, २०७८
Swaraj Tractor Photo

पोखरा । ओम्नी अटोमोबाइल्सले नयाँ विशेषतासहित स्वराज ९६३ फोर ह्बिलर ड्राइभ ट्याक्टर सार्वजनिक गरेको छ । यो ट्याक्टर सबैभन्दा नयाँ र सुलभ भएको कम्पनीले जनाएको छ ।
स्वराज ट्याक्टरका अन्तर्राष्ट्रिय विजनेसका जनरल म्यानेजर, ओम्नी अटोमोबाइलका प्रबन्ध निर्देशक सन्दीप मेहताले सो ट्याक्टर शुक्रबार सार्वजनिक गरे । पहाडका लागि उपयुक्त मानिएको स्वराज ९६३ फोर व्हिलर ड्राइभ नयाँ र शक्तिशाली टर्कमा उपलब्ध रहेको स्वराजका सर्भिस म्यानेजर अभयकान्त मिश्राले जानकारी दिए ।
आफ्ना स्तरमा सबैभन्दा कम इन्जिन रेडम आइपिएम, हाई, मिडियम र लो सिंक्रोमेस ट्रान्समिसनको फिचर रहेको मिश्राले बताए । न्यूनतम ५ किमी प्रतिघन्टाको क्रिप स्पिड, १२ पिटिओ, स्पिड, मल्टी स्पिड साथै रिवभर्स पिटिओ, ८ फर्वर्ड र २ रिवर्स पिटिओको फिचरमा ट्याक्टर बजारमा उपलब्ध हुनेछन् । २ हजार २ सम्म उठाउन सक्ने हाईड्रोलिक, ठूलो र चौडा फ्रन्ट टायर यसका विषेशता हुन् । स्वराजको आफ्नै प्लान्टबाट बनेको यसमा सबै गरेर १५ वटा गियर छन् । ग्राउण्ड क्लियरेन्स बढी भएको यसमा क्लज प्लेट १२ इन्चको रहेको छ । ट्याक्टरमा सिंगल पिस बोनेटसहित ठूलो प्लेटफर्म भएकाले खुट्टा राख्न सहज हुनेछ । यो ट्याक्टरको नयाँ फिचरले गर्दा डोजर र लोडर पनि जडान गर्न सकिने मिश्राले बताए ।
स्वाराजले सन् १९७४ देखि ट्रयाक्टर बनाउँदै आएको छ । नेपालमा ३ दशकदेखि व्यापार गरिरहेको यो कम्पनीले २६ हजार बढी ग्राहकलाई सेवा दिएको दाबी छ । नेपालमा स्वाराज ट्रयाक्टरका ७ वितरक छन् ।
ट्याक्टर सार्वजनिक भएपछि ओम्नीले दसैंतिहारमा खरिद गर्नेहरुका लागि अफर पनि ल्याएको छ । ५ लाखसम्मको दुर्घटना बिमा, टिभी र फ्रिज स्युअर सट पुरस्कार रहेको प्रबन्ध निर्देशक सन्दीप मेहताले जानकारी दिए । लक्की ड्र बाट बम्पर उपहारस्वरुप मोटरसाइकल पनि रहेको उनले बताए । नेपालकै इतिहासमा ६ वर्षको वारेन्टी दिएको उनको भनाइ छ ।

Related News

सम्बन्धित समाचार

hero news full width