Worldlink ads

कान्तिपुर डेन्टलको दसैंतिहार अफर

आदर्श समाज सम्वाददाता
असाेज २३, २०७८
kantipur dental 2

पोखरा । कान्तिपुर डेन्टलले असोज १ देखि कात्तिक ३० सम्म दसैंतिहार अफर ल्याएको छ । जसमा दाँत सफा गर्ने सेवा १ हजार छुट गरी ५ सय रुपैयाँमै लिन सकिनेछ । मुखको ठूलो एक्सरे (ओपिजी) १ सय ५० छुट गरी ८ सय ५० मा नै सेवा लिन सकिने छ भने तारबाँधेर मिलाउने (अर्थाेडेन्टिस्ट ट्रिटमेन्ट) मा नयाँ बिरामीलाई ५ हजार छुट दिइने सिइओ प्रतीकमान श्रेष्ठले बताए । यही सेवा छुटबाहेकको अवधिका ५० हजारबाट सुरु हुने उनको भनाइ यियो ।
कान्तिपुर इन्स्टिच्युटले दसैंतिहार अफरअन्तर्गत कम्बो प्याकमा नाम दर्ता, डाक्टर परामर्श, सुझाव, ट्रिटमेन्ट प्लानिङ, मुखको ठूलो एक्सरे, दाँत सफा गर्ने लगायत सेवा १ हजार २ सय छुट गरी १ हजार ६ सय ५० मै दिने भएको छ । असोजदेखि शनिबार पनि सेवा दिइरहेको श्रेष्ठले जानकारी दिए ।
कान्तिपुर इन्स्टिच्युट अफ हेल्थ साइन्सेसले कलेज परिसरमा प्याथोलोजी ल्याब सञ्चालनमा ल्याएको छ । शुभारम्भ अवसरमा असोज १९ मा ५ सयभन्दा बढीको सुगर, युरिन, दन्त परीक्षण, डाक्टर परामर्शलगायत सेवा निशुल्क गरिएको उनले जानकारी दिए ।
कान्तिपुर इन्स्टिच्युट हेल्थ साइन्सेसमा सिटिइभिटीअन्तर्गत ४ विधामा शिक्षण गरिरहेको छ । सर्टिफिकेट इन डेन्टल साइन्स (डेन्टल हाइजिन एजुकेसन) र डिप्लोमा इन फार्मेसीतर्फ ४०/४० कोटा छन् । जसमध्ये ३/३ कोटा सिटिइभिटी स्कोलारसिप र १/१ मेरिट स्कोलारसिपको व्यवस्था गरिएको छ । पिसिएल इन डायग्नोस्टिक रेडियोग्राफी र सर्टिफिकेट इन मेडिकल ल्याब्रोरेटरी टेक्नोलोजीमा ३०/३० सिट रहेकोमा २/२ कोटा सिटिइभिटी स्कोलारसिप र १/१ कोटा मेरिट स्कोलारसिप रहेको श्रेष्ठले जानकारी दिए ।
लगानीअनुसार विद्यार्थी कोटा थप हुँदा शिक्षक विद्यार्थी अनुपात र सञ्चालन खर्च व्यवस्थापन सहज हुने श्रेष्ठको तर्क छ । सिटिइभिटीले स्वीकृति र अनुमति दिए थप विद्यार्थीलाई व्यवस्थापन गर्न सकिने उनी बताउँछन् । इन्स्टिच्युटमा एमडिएस डा. बेबिना श्रेष्ठ, क्लिनिक सुपरभाइजर डा. सिजन मरसानी, डा. रोजी श्रेष्ठ, डा. अपेक्षा नन्दले सेवा दिइरहेका छन् । यस्तै कन्सल्टेन्सनका लागि सर्जन डा. उज्वल कोइराला, डा.असल आचार्य र डा. दिलीप कुँवर रहेका छन् ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads