पोखरा । घरेलु टोली स्पोट्र्स क्यासलले राष्ट्रिय ‘ए’ डिभिजन फुटसल लिगको फाइनल प्रवेश गर्दा सविन मेमोरियल भने बाहिरिएको छ । क्यासलले द राइजिङ क्लब धरानलाई ८–६ गोलअन्तरले हराउँदै जीत हात पारेको हो । खेल सुरुवातमा क्यासले २ गोलको अग्रता लिए पनि जीत हात पार्न भने निकै हम्मे पर्यो । क्यासललाई फाइनलमा पुर्याउन सुमित श्रेष्ठ (मेस्सी) नायक बने । खेलको चौथो मिनेटमा किशोर गुरुङले गोल गर्दै क्यासललाई अग्रता दिलाए । छैटौं मिनेटमा विजय गुरुङले गोल गर्दै अग्रता दोब्बर पारे । राइजिङले नवौं मिनेटमा हेमन्त थापाको गोलमा खेलमा फर्कने आशा दिलाए । १२ औं मिनेटमा मिलन राईले बराबरी गोल फर्काए । १३ औं मिनेटमा सुदीप गुरुङले गोल गर्दै राइजिङलाई अग्रता दिलाए । २३ औं मिनेटमा हेमन्तले पनि व्यक्तिगत दोस्रो गोल गर्दै राइजिङलाई ४–२ को स्थितिमा पुर्याए ।
२८ औं मिनेटमा किशोरले व्यक्तिगत दोस्रो गोल गर्दै क्यासललाई अग्रता घटाउन मद्दत गरे । २८ औं मिनेटमा सुमितले पनि व्यक्तिगत दोस्रो गोल गर्दै खेल बराबरीमा ल्याए । यस्तै, ३१ औं मिनेटमा राइजिङका मिलनले व्यक्तिगत दोस्रो गोल गर्दै टोलीका लागि चौथो गोल गर्दा ३२ औं मिनेटमा सुदीपले पनि व्यक्तिगत दोस्रो गोलमा टोलीलाई ६–४ को स्थितिमा लगे । दबाबमा परेको क्यासलका लागि ३४ औं मिनेटमा सुमितले गोल गरे । उनले ४० औं मिनेटमा ह्याट्रिक पूरा गर्दै टोलीलाई खेलमा फर्काए । ४० औं मिनेटमा क्यासलका किशोरले पनि ह्याट्रिक पूरा गर्दै खेल बराबरीमा ल्याए । यस अघि ३९ औं मिनेटमा सुरज गुरुङले क्यासलका लागि गोल गरे ।
क्यासल लिग तालिकाको शीर्षस्थानमा रहँदै प्ले अफमा पुगेको थियो । यस्तै राइजिङ दोस्रो स्थानमा रहँदै प्ले अफमा पुगेको थियो । सविन मेमोरियल शंखमुलसँग ३–२ को हार व्यहोर्दै प्ले अफबाट बाहिरिएको छ । अब शंखमुलले फाइनल प्रवेशका लागि द राइजिङ क्लबसँग खेल्ने छ ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१