लमजुङ । मनाङका सुरक्षा निकायका प्रमुखको एक टोलीले विश्वकै सर्वाधिक उचाईमा रहेको तिलिचो ताल क्षेत्रको स्थलगत निरीक्षण गरेको छ । प्रमुख जिल्ला अधिकारी विष्णु लामिछानेको नेतृत्वमा सो ताल क्षेत्रमा पर्यटकीय गन्तव्य सुरक्षित बनाउन सुरक्षा निकायका प्रमुखसहित सदरमुकाम चामेदेखि तिलिचोसम्म अवलोकन निरीक्षण गरेको हो । टोली चामेबाट भ्राताङ, पिसाङ, मनाङको हवाई मैदान रहेको हुम्डेस्थल हुँदै माथिल्लो मनाङ, खाङसार, तिलिचो बेसक्याम पुगेर उक्त तालको निरीक्षण गरेको हो ।
प्रजिअ लामिछानेका अनुसार ताल पुग्ने बाटा बाढीपहिरोले क्षतविक्षत बनाएको हुँदा पदमार्गको अवस्था, पर्यटकको सुरक्षा, स्थानीय होटल तथा रेस्टुरेन्टको वस्तुस्थिति, पर्यटकीय वातावरण लगायतका विषयमा निरीक्षण गरिएको हो । उनले भने, ‘अवलोकनक्रममा पदमार्गअन्तर्गतका होटल तथा पर्यटन व्यवसायीसँग वर्तमान अवस्थाबारे छलफल तथा अन्तरक्रिया समेत गरिएको थियो ।’
सो अवसरमा स्थानीय जनप्रतिनिधि, एक्यापका प्रतिनिधि तथा सरोकारवालासँग पर्यटन सुरक्षासँगै समुदायको शान्तिसुरक्षाको अवस्थाबारे छलफल भएको सशस्त्र प्रहरी मनाङका प्रमुख प्रहरी नायव उपरीक्षक अर्जुन पौडेल बताए । प्रनाउ पौडेलका अनुसार छलफलमा शान्तिसुरक्षा व्यवस्थित बनाउन पर्यटक सुरक्षा, उद्धार तथा व्यवस्थानका लागि सरोकारवाला सबैले सक्दो सहयोग गर्ने तथा उक्त पदमार्गमा आउने पर्यटकको सुरक्षा तथा विपद व्यवस्थापनमा आवश्यक समन्वय र सहकार्य गर्ने निर्णय भएको छ ।
तिलिचो चामेबाट करिब ४५ किमीको दूरीमा पर्छ । खाङसारबाट तारे गुम्बा, श्रीखर्क हुँदै लगभग ४ घन्टा पदयात्रापछि तिलिचो बेस क्याम्प पुग्न सकिन्छ । बेसक्याम्पमा एक रात बसाइँछि झन्डै साढे ३ घन्टाको उकालो हिंडेपछि मात्र ताल पुग्न सकिन्छ । दूरी हिसाबले नजिक भए पनि हाई अल्टिच्युट र जोखिमपूर्ण बाटोका कारण पर्यटकलाई कठिनाई हुने गरेको छ ।
पछिल्लो समय कोभिड–१९ प्रभाव र मनाङमा बाढीपहिरोले क्षतविक्षत बनाएसँगै मनाङमा पर्यटक आगमन सहज आगमन हुन सकेको अवस्था छैन । यद्यपि पछिल्ला दिनमा फाट्टफुट्ट पर्यटक आउन थालेको मनाङ पर्यटन एवं होटल व्यवसायी संघ अध्यक्ष विनोद गुरुङले बताए । तिलिचोमा बाह्यभन्दा आन्तरिक पर्यटक बढी मात्रामा पुग्ने गरेका छन् । विश्वप्रसिद्ध अन्नपूर्ण पदमार्गमा आउने हजारौं पर्यटक पछिल्लो समय तिलिचोसम्म पुग्ने गरेका छन् ।
बर्सेनी हजारौंको संख्यामा भ्रमणका लागि पर्यटक मनाङ आउने र तीमध्ये आधाभन्दा धेरै संख्यामा तिलिचोसम्म पुग्ने भएको हुँदा त्यहाँ जाने बाटो, ताल वरपर आवश्यक पार्क, ठाउँठाउँमा आवश्यक विश्रामस्थल, शौचालय लगायत संरचना निर्माण गरी तिलिचो प्रवद्र्धनका निम्ति स्थानीय सरकार लागिपरेको होटल व्यवसायी संघ अध्यक्ष विनोद गुरुङले जानकारी दिए ।
Related News
सम्बन्धित समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
मुग्लिन–पोखरा सडक विस्तार : म्याद सकियो, काम अधुरै
कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१मिटरमा जान नमान्ने ट्याक्सी फन्दामा
वैशाख ९, २०८१मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
वैशाख ९, २०८१