Worldlink ads

मस्र्याङ्दी गाउँपालिकामा स्थानीय पाठ्यक्रम

आदर्श समाज सम्वाददाता
असाेज १४, २०७८
Sthaniya pathyakramssss

लमजुङ । लमजुङको मस्र्याङ्दी गाउँपालिका स्थानीयस्तरमा पाठ्यक्रम बनाउने दोस्रो पालिका बनेको छ । यसअघि जिल्लाको मध्यनेपाल नगरपालिकाले स्थानीय पाठ्यक्रम निर्माण गरेको थियो ।
‘मस्र्याङ्दी गाउँपालिका भूलभूले लमजुङ’ नामक मस्र्याङ्दी गाउँपालिकाद्वारा नवनिर्मित पाठ्यक्रमको संविधान सभा सदस्य जमिन्द्रमान घलेले विमोचन गरे । घलेले स्थानीय विषयवस्तुका आधारमा निर्मित पाठ्यक्रमअनुसार पठनपाठन हुँदा बालबालिकालाई आफ्नो गाउँपालिकाबारे जानकार हुन पाउने अवसर मिल्ने बताए
मस्र्याङ्दी गाउँपालिकाका अध्यक्ष अर्जुन गुरुङले शिक्षकलाई पाठ्यक्रमअनुसार अध्यापन गराउन निर्देशन दिएको बताए । उनले पाठ्यपुस्तकमा आफ्नो गाउँपालिकाभित्रका बालबालिकालाई गाउँपालिकाको समग्र वस्तुस्थिति भेषभूषा, धर्म, संस्कृति, कला, भूगोल, विभूतिलगायत समेटिएको जानकारी दिए । कक्षा १ देखि ५ कक्षासम्मका बालबालिकाका लागि स्थानीय पाठ्यक्रम निर्माण गरिएको उनको भनाइ थियो ।
सोही पाठ्यक्रम अनुसार चालु शैक्षिक सत्रदेखि नै विद्यालयमा अध्यापन गराउने तयारी भएको गाउँपालिकाले जनाएको छ । शिक्षा शाखा प्रमुख देवराज पौडेलले अब हरेक विद्यालयमा पाठ्यक्रम पुग्ने र सोहीअनुसार शिक्षकले विद्यार्थीलाई अध्यापन गराउने जानकारी दिए
विद्यार्थीले आफ्नै गाउँ, आफ्नै ठाउँको बारेमा जानकारी पाउन सकून् भनेर र उनीहरूमा ज्ञान बढोस् भन्नका लागि गाउँपालिकाले पाठ्यक्रम बनाएको सो गाउँपालिकाका उपाध्यक्ष होमबहादुर विकले बताए । उनकाअनुसार स्थानीय पाठ्यक्रम निर्माणका लागि शिक्षा शाखा प्रमुख पौडेलको संयोजकत्वमा ६ सदस्यीय समिति बनेको थियो ।
मस्र्याङ्दी गाउँपालिकामा ५५ वटा विद्यालय छन् । यसमा ५३ वटा सामुदायिक र २ वटा संस्थागत विद्यालय छन् । ९ वटा माध्यमिक विद्यालय छ । माध्यमिक विद्यालयमा ८ वटा सामुदायिक र १ संस्थागत विद्यालय छ ।

Related News

सम्बन्धित समाचार

    • डोबाटे मन्त्रीमा नियुक्त, लिए सपथ

      आदर्श समाज सम्वाददाता असाेज २५, २०७८
      पोखरा । गण्डकी प्रदेशका विनाविभागीय मन्त्री डोबाटे विश्वकर्माले मन्त्रीको सपथ लिएका छन् । उनलाई प्रदेशप्रमुख पृथ्वीमान गुरुङले उनलाई पद तथा…
    • लमजुङ–पोखरा सम्पर्क समितिको शुभकामना

      आदर्श समाज सम्वाददाता असाेज २५, २०७८
      पोखरा । लमजुङ–पोखरा सम्पर्क समिति र लमजुङ पोखरा बचत तथा ऋण सहकारी संस्थाले दसैं, तिहार, छठ तथा नेपाल संवत् अवसरमा…
    • पोखरा २७ मा नेकपा (एस) कमिटी

      आदर्श समाज सम्वाददाता असाेज २५, २०७८
      लेखनाथ । नेकपा एकीकृत समाजवादीले पोखरा २७ मा वडा कमिटी गठन गरेको छ । शनिबार आयोजित कार्यकर्ता भेलाले सुधीरमणि लामिछानेको…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • जिप दुर्घटनामा २ को मृत्यु, १७ घाइते

      आदर्श समाज सम्वाददाता असाेज २५, २०७८
      वालिङ । वालिङ १०, मदिखोला नजिकै जिप दुर्घटना हुँदा २ जनाको मृत्यु भएको छ । मृत्यु हुनेमा गल्याङ नगरपालिका १०…

    hero news full width

    Jewellery

    sanil ads

    wordlink ads