Worldlink ads

इन्टरनेट जडानमा अनुदान

रासस
असाेज १२, २०७८
INTERNET

पाल्पा । रिब्दीकोट गाउँपालिकाभित्रका नागरिकले सूचना प्रविधिको अत्यधिक प्रयोग गरी घर तथा टोलबाट नै सरकारी सेवा उपभोग गर्न थालेका छन् । गाउँपालिकाले पछिल्लो समय घरघरमा इन्टरनेट जडानमा अनुदान र स्मार्ट सूचना केन्द्रमा फोटोकपीसहितको इन्टरनेटको सुविधाले सरकारी कार्यालय धाउनुपर्ने बाध्यता हटेको हो ।

गाउँपालिका अध्यक्ष नारायणबहादुर जिसीका अनुसार इन्टरनेटको प्रयोग सरकारी कार्यालयका सेवा सुविधाहरुको प्रयोग, स्थानीय उत्पादनको बजारीकरण, कला संस्कृति, विकास निर्माणका गतिविधिको संरक्षण गर्ने स्मार्ट टोल कार्यक्रम सञ्चालनमा ल्याएको हो । इन्टरनेट जडानका लागि पाँच हजार अनुदानसमेत प्रदान गरिएको जानकारीदिनुभयो ।

इन्टरनेट जडानपछि ग्रामीण बस्तीमा मानिसहरु जिल्ला सदरमुकाम तानसेन तथा सरकारी कार्यालयहरुमा धाउनुपर्ने झन्झट टरेको छ । विद्युत् महसुल, बैंकिङ, शेयर कारोबार गर्न कार्यालय नै धाउनुपर्ने बाध्यता हटेपछि नागरिकहरु उत्साहित देखिएका हुन् ।

गाउँपालिकाभित्रका नागरिकलाई पायक पर्ने टोलमा स्मार्ट सूचना केन्द्रको स्थापना गरिएको छ । घरमा इन्टरनेटका पहुँच नभएका परिवारका निम्ति स्मार्ट सूचना केन्द्रबाट सेवा उपभोगको व्यवस्था गरिएको छ । हालसम्म आठ सूचना केन्द्र र ३०० घरपरिवारमा इन्टरनेट जडान गरिएको अध्यक्षले जिसीले बताउनुभयो । प्रतिपरिवार पाँच हजारका दर अनुदानसमेत प्रदान गरिएको छ । ग्रामीण क्षेत्रमा इन्टरनेट जडानमा दश हजारभन्दा बढी खर्च हुन्छ ।

स्थानीय बासिन्दा कमला खनालले स्मार्ट सूचना केन्द्रमा पुगेर विद्युत्को महसुल, मोबाइल तथा टिभीमा रिचार्ज गर्न सजिलो भएको छ । घरबाट बाहिर रहेका परिवारका सदस्यहरुसँग कुराकानी गर्न सुविधा र खर्च कमी आएको खनालको दाबी छ । कोभिडका समयमा बालबालिका अनलाइनमार्फत अध्ययन गर्न पाउँदा खुसी छाएको थियो ।

सूचना केन्द्रबाट सूचना तथा विज्ञापन, फोटोकपी, प्रिन्टिङ, स्क्यानिङ, इमेल इन्टरनेट, जन्म दर्ता, मृत्यु दर्ता, विवाह दर्ता, योजना फरफारकमा सहजीकरण, मोबाइल तथा टिभी रिचार्ज, हवाई टिकट, फ्री वाइफाई जोन, रकम ट्रान्सफर्मर तथा शेयर आवेदनसम्बन्धी जानकारी, बिल भुक्तानी, विद्युत् तथा इन्टरनेट महसुल तिर्न सहज भएको गाउँपालिकाले जनाएको छ ।

गाउँपालिका प्रमुख प्रशासकीय अधिकृत प्रेमचन्द्र अर्यालले गत आर्थिक वर्ष रु १२ लाख बजेट विनियोजन गरेर स्मार्ट टोल विस्तार कार्यक्रम थालिएको थियो । इन्टरनेट जडानका निम्ति चाहिने समान वितरण गरिएको थियो ।

मुख्यमन्त्री ग्रामीण विकास कार्यक्रमअन्तर्गत सञ्चालित यो आवमा १२ लाख बजेट विनियोजन गरिएको प्रजिअ प्रेमचन्द्र अर्यालले बताउनुभयो । ग्रामीण बस्ती इन्टरनेट जडान आर्थिक रुपमा बोझिलो थियो । स्थानीय सरकारले बस्ती स्तरमा इन्टरनेट जडान पछि स्थानीयवासीको खर्च कमी हुने उहाँकोे दाबी छ ।

Related News

सम्बन्धित समाचार

    • एनसेलको चाडपर्व अफर

      आदर्श समाज सम्वाददाता असाेज २१, २०७८
      पोखरा । एनसेल आजियाटाले चाडपर्व अवसरमा विभिन्न छुट सुविधा दिने भएको छ । दसैं अवसरमा एनसेल ग्राहकका परिवारजन, साथीभाइ र…
    • माइक्रोसफ्ट च्याम्पियनसिपको विजेता घोषणा

      आदर्श समाज सम्वाददाता असाेज २१, २०७८
      पोखरा । सूचना प्रविधि क्षेत्रको विश्वको सबैभन्दा ठूलो प्रतियोगिता माइक्रोसफ्ट अफिस स्पेसलिस्ट वल्र्ड च्याम्पियनसीप–२०२१ नेपालको राष्ट्रिय विजेता घोषणा तथा अवार्ड…
    • टेलिकमकाे दसैं अफर, के छन् सुविधा ?

      आदर्श समाज सम्वाददाता असाेज १८, २०७८
      काठमाडौं ।  नेपाल टेलिकमले चाडपर्वका अवसरमा मंगलबारदेखि विभिन्न डाटा, भ्वाइस प्याक तथा रिचार्ज गर्दा बोनससहितको ‘फेस्टिबल अफर’ उपलब्ध गराउने भएको…
    • नेपाल टेलिकमको नमस्ते पे एप

      आदर्श समाज सम्वाददाता भाद्र ३१, २०७८
      पोखरा । नेपाल दूरसञ्चारको नेपाल टेलिकमले नमस्ते पे सञ्चालनमा ल्याएको छ । नेपाल टेलिकम र राष्ट्रिय वाणिज्य बैंकको सहकार्यमा एप…
    • पोखरामा डिसहोम फाइबर नेट शुभारम्भ

      आदर्श समाज सम्वाददाता भाद्र २४, २०७८
      पोखरा । डिस मिडिया नेटवर्क लिमिटेडले पोखरामा डिसहोम फाइबर नेटको औपचारिक सुरुआत गरेको छ । बुधबार पोखरा ८ नयाँबजारस्थित भट्टराई…

    hero news full width

    Jewellery

    sanil ads

    wordlink ads