पोखरा । गण्डकी प्रदेशका वन, वातावरण तथा भू–संरक्षण मन्त्री दीपक थापाले प्रदेशका सबै उच्च पहाडी क्षेत्रमा व्यनवसायिक टिमुर खेती बिस्तार गर्नुपर्नेमा जोड दिएका छन् । व्यावसायिक टिमुर खेतीले किसानलाई स्वरोजगार बनाउनुका साथै वैदेशिक मुद्रा आर्जनमा सहयोग पुग्ने उनले बताए ।
स्याङ्जाको पञ्चमुुलमा गरिएको व्यावसायिक टिमुर खेतीको अवलोकनपछि डिभिजन वन कार्यालय र सब डिभिजन वन कार्यालयका अधिकारीहरुसँगको अन्तक्र्रियामा उनले सो कुरा बताएका हुन् । ‘हामीमा अझैसम्म पनि सानो सानो कृषि कर्मबाट मनग्ये आम्दानी हुन्छ भन्ने सोचको विकास हुन सकेको छैन,’ उनले भने, ‘नागरिकहरु टिमुर खेतीलाई सानो कामको रुपमा लिन्छन्, तर यसको व्यावसायिक खेती र निकासीले अर्थतन्त्रको विकासमा योगदान दिइरहेको हुन्छ ।’
पछिल्लो समय गण्डकी प्रदेशका केही किसानमा व्यावसायिक टिम्मुर खेतीप्रति केही आकर्षण बढेको देखिएको भन्दै उनले ११ सय देखि २५ सय मिटरसम्मका सबै भूगोलमा यो खेती गर्न सके वैदेशिक मुद्रा आर्जन पनि हुने उल्लेख गरे ।
डिभिजन वन कार्यालय स्याङ्जाले पञ्चमुलको थाप्ले क्षेत्रमा १० हेक्टर निजी जग्गामा करिब १५ हजार टिमुरका बिरुवा रोपेको छ । कार्यालयका सहायक वन अधिकृत वसन्तकेशव अधिकारीका अनुसार उक्त जग्गामा लगाइएकामध्ये ९५ प्रतिशत बिरुवा राम्रो देखिएका छन् । अबको ३ वर्षपछि ती बिरुवाले उत्पादन दिने उनले जानकारी दिए ।
विज्ञहरुका अनुसार १ हेक्टर जमिनमा करिब २ देखि ४ हजार केजी टिम्मुर फल्छ । नेपालमा यसको बजार मूल्य प्रतिकेजी २ देखि ३ सय रुपैयाँ रहेको छ ।
अन्तक्र्रियाका क्रममा डिभिजन वन कार्यालयका स्याङ्जाका प्रमुख तोयनाथ पौडेलले कार्यालयले जिल्लाका अन्य क्षेत्रमा टिमुर खेतीको लागि सम्भाव्यता अध्ययन गरिरहेको र कार्यालयले सम्पादन गरिरहेका कामहरुको बारेमा जानकारी गराएका थिए ।
Related News
सम्बन्धित समाचार
फेदीखोलाको सर्केटारीमा प्रथम आलु प्रदर्शनी
रैथाने बाली संरक्षण गर्दै कृषि ज्ञान केन्द्र
विदेश पलायन रोक्न वालिङ नगरपालिकाले दियो दूधमा अनुदान
जलवायु परिवर्तनले कृषिमा असर
कृषि क्षेत्रमा पोखरा महानगरको फड्को, किसानलाई समर्थन मूल्यवापत २७ लाख हस्तान्तरण
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०