Worldlink ads

अन्नपूर्णका पर्यटकीयस्थल खुलाइने

रासस
असाेज ७, २०७८
Nepal, Annapurna Circuit

फाइल तस्बिर

म्याग्दी । अन्नपूर्ण गाउँपालिकाका पर्यटकीयस्थल यही असोज १५ गतेदेखि भ्रमणका लागि खुलाइने भएका छन् । कोरोना महामारी फैलिएपछि गत वैशाखदेखि बन्द भएका पर्यटकीयस्थल करिब छ महिनापछि खुल्न लागेका हुन् । कार्यपालिकाको बैठकले पर्यटकीयस्थल र तातोपानी कुण्ड स्नानका लागि खुलाउने निर्णय गरेको हो ।

कार्यपालिकाका प्रवक्ता कृष्णप्रसाद बरुवालले कोरोना सङ्क्रमणको दर घटेको, खोपको व्यवस्था भएको, थलिएको पर्यटन व्यवसाय उठाउन तथा जनजीवनलाई सहज र आर्थिक गतिविधिलाई चलायमान बनाउन पर्यटकस्थल खुलाउने निर्णय लिइएको बताउनुभयो ।

“पहिलो लहरको कोरोना महामारी भित्रिएपछि बन्द गरिएका पर्यटकीयस्थल र तातोपानी कुण्ड औपचारिकरूपमा १८ महिनापछि खुलाउन लागिएको हो”, उहाँले भन्नुभयो, “गत माघ, फागुन र चैत महिनामा न्यून सङ्ख्यामा पाहुना आए पनि औपचारिक हिसाबले खुलाइएको थिएन ।”

अन्नपूर्ण आधार शिविर, भुरुङ, पाउद्धार, रातोपानी र सेकार्कुको कुण्ड, घोडेपानी, पुनहिल, मोहरे, फूलबारी, खोपारा लेक, बयली, रुप्से, अन्धगल्छी, महभिर तथा नारच्याङ झरनालगायत पर्यटकीयस्थलका होटल तथा लज खुलाउने निर्णय गरिएको गाउँपालिकाले जनाएको छ ।

गाउँपालिकाका अध्यक्ष डमबहादुर पुनले पर्यटकीयस्थलका बासिन्दा, होटल व्यवसायी र मजदुरलाई कोरोना भाइरसविरुद्धको खोप लगाउन प्राथमिकता दिइएको बताउनुभयो । प्रमुख पर्यटकीयस्थल घोडेपानीका १८ वर्षमाथिका १४० जनालाई बुधबार कोरोनाविरुद्धको खोप लगाइसकिएको छ ।

तातोपानी, रातोपानीलगायत पर्यटकीयस्थलका बासिन्दालाई पनि कोरोनाविरुद्धको खोप लगाउन प्राथमिकता दिइने गाउँपालिकाले जनाएको छ । अन्नपूर्णका पर्यटकीयस्थल पाहुना र पर्यटकको पर्खाइमा रहेका घोडेपानी टोल सुधार समितिका अध्यक्ष बिरेन गर्बुजाले बताउनुभयो । करोडौँ लगानी गरेर होटल तथा लज खोलेका व्यवसायी पर्यटक नआउँदा समस्यामा परेका थिए । स्वास्थ्य सुरक्षा सतर्कता अपनाएर पर्यटन क्षेत्रलाई सञ्चालन गरिने होटल व्यवसायीहरुले बताउनुभयो ।

पर्यटकीयस्थल बन्द हुँदा अन्नपूर्ण गाउँपालिकालाई गत वर्ष रु एक करोडभन्दा बढी आम्दानी गुमेको छ । तातोपानी र पुनहिलमा प्रवेश शुल्क तथा चमेनागृह सञ्चालनका लागि गत वर्ष ठेक्का लगाइएको थिएन ।

Related News

सम्बन्धित समाचार

    • मुक्तिनाथ सपनाले ट्रेकिङ गाइड

      धनबहादुर गुरुङ मंसिर ११, २०७८
      पोखरा । सीता राई (४०) को आधाआधि उमेर ट्रेकिङ क्षेत्रमै बित्यो । २० वर्षको उमेरमा पोखरा झरेकी उनको जीवनमा अफ…
    • पर्यटकीय आकर्षण हुडिकोट चौतारो

      आदर्श समाज सम्वाददाता कार्तिक ३०, २०७८
      पोखरा । सिलिंगे महिला चेतना समूहको सक्रियतामा पुनर्निमित पोखरा ३३, भरतपोखरीको हुडिकोटस्थित २ सय वर्ष पुरानो चौतारो सोमबार उद्घाटन गरिएको…
    • ट्रेकिङ गाइडलाई तालिम

      आदर्श समाज सम्वाददाता कार्तिक ३०, २०७८
      पोखरा । थ्री सिस्टर्स एडभेन्चर ट्रेकिङ कम्पनीको आयोजनामा पोखरामा प्राथमिक उपचार तालिम भएको छ । कम्पनीले काठमाडौं इन्भारोनमेन्टल एजुकेसन प्रोजेक्ट…
    • पर्यटक लोभ्याउँदै धितालको नौमती बाजा पार्क

      हरि बास्ताेला कार्तिक २४, २०७८
      गण्डकी । अस्तामको नौमती बाजा भनेपछि पोखरा र आसपासका क्षेत्रमा हुरुक्कै हुने गर्दछन् । विवाह, व्रतबन्धलगायतका विभिन्न चाडबाडमा अधिकांशको पहिलो…
    • दसैँतिहारमा होम स्टे पर्यटनमा राहत

      रासस कार्तिक २३, २०७८
      गण्डकी । कोरोना महामारीका कारण दुई वर्षयता थलिएको घरबास (होमस्टे) पर्यटनमा दसैं तिहारको समयमा आन्तरिक पर्यटकको चहलपहल बढेसँगै केही राहत…

    hero news full width

    sanil ads

    wordlink ads

    trending post

    ट्रेन्डिङ्ग