पोखरा । अखिल नेपाल फुटबल संघ (एन्फा) को आयोजना भएको ‘ए’ डिभिजन फुटसल लिग अन्तर्गत दोस्रो दिन ३ खेल भएका छन् । आइतबार भएका खेलमा लुम्बिनी, ढुकु फुटसल हब बिजयी भएका छन् । फुटसल फाइभ धरान र शंखमुल फुटसलको खेल बराबरी खेले ।
पहिलो खेलमा रुपन्देहीको लुम्बिनी फुटसलले रुपन्देहीकै झरना स्पोटर््स क्लबलाई ६–२ गोल अन्तरले पराजित गरेको हो । लुम्बिनीका लागि रुपेन बराइलीले २ तथा अन्जन थापा, गेली शेर्पा, रेइफी महर्जन र रोजन दाहालले १÷१ गोल गरे । झरनाका लागि अमीत गुरुङ र मोहनबहादुर थापाले १÷१ गोल गरे । खेलमा लुम्बिनीका रेइफी महर्जन म्यान अफ दि म्याच भए ।
दोस्रो खेलमा फुटसल फाइभ धरान र काठमाडौंको शंखमुल फुटसलले ३–३ को बराबरी खेले । धरानका विजय श्रेष्ठ, सरोज तामाङ र प्रवेश जोशीले गोल गरे । शंखमुलका लागि म्यान अफ दि म्याच क्रिजल श्रेष्ठ, सुशान श्रेष्ठ र लक्ष्मण थापाले गोल गरेका हुन् ।
आइतबार भएको अन्तिम खेलमा काठमाडौंको ढुकु फुटसल हबले पोखराको सविन मेमोरियललाई ८–६ गोल अन्तरले पराजित गरेको हो । ढुकुका लागि उर्केन शेर्पा, अभय राना र विक्रान्त नरसिङ रानाले २/२ तथा अमीत लामा र पेम्बा नार्बु लामाले १ /१ एक गोलको योगदान दिए । सविनको तर्फबाट अविनास तामाङ र मनीष क्षेत्रीले २/२ तथा सुनील विक र सरोज गुरुङ १/१ गोल फर्काए । खेलमा ढुकुका उर्केन शेर्पा म्यान अफ दी म्याच चुनिए । प्रत्येक खेलका म्यान अफ दि म्याचले नगद ५/५ हजार र ट्रफी प्राप्त गरेका थिए ।
लिगअन्तर्गत सोमबार २ खेल हुने एन्फा फुटसल कमिटीले जनाएको छ । पहिलो खेलमा प्रभातफेरीले राइजिङ क्लब धरानसँग र स्काई गोल्सले झरना स्पोर्टस् क्लबसँग प्रतिस्पर्धा गर्नेछ । असोज २२ गतेसम्म पोखराको बहुद्देश्यीय कभर्ड हलमा हुने लिग विजेताले नगद १० लाख रुपैयाँ प्राप्त गर्नेछ । उपविजेताले ५ लाख रुपैयाँ प्राप्त गर्नेछ । यस्तै सर्वोकृष्ट खेलाडी, उत्कृष्ट गोलकिपर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउनेछन् ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१