पोखरा । गण्डकी प्रदेश सरकारका कानुन, सञ्चार तथा प्रदेश सभा मामिला मन्त्री विन्दुकुमार थापाले स्वास्थ्यको क्षेत्रमा मातृशिशु अस्पतालको भूमिका उल्लेखनीय रहेको बताएका छन् । पोखरा १६ बाटुलेचौरस्थित मातृशिशु मितेरी अस्पतालको प्रयोगशालाको थप सेवा बिस्तारको उद्घाटन गर्दै मन्त्री थापाले जनतालाई छिटो छरितो स्वास्थ्य सेवा प्रदान गर्ने गरी अस्पतालले गरेका कार्यहरुको प्रंशसा गरे ।
उनले भने, ‘छोटो समयमा मातृशिशु मितेरी अस्पतालले स्वास्थ्यको क्षेत्रमा गरेका कामहरु प्रंशसा गर्न लायक छन् । नयाँ नयाँ प्रविधिको जडान गरी प्रयोगशालामार्फत जनतालाई शीघ्र स्वास्थ्य सेवा दिने लक्ष्य अस्पतालको महत्वपूर्ण छ ।’
मन्त्री थापाले गण्डकी प्रदेशका सांसद कृष्ण थापाको पहलमा निर्माण भएको मातृशिशु मितेरी अस्पताल अहिले आएर प्रदेशकै गौरव अस्पतालको रुपमा रहेको उल्लेख गरे । उनले मातृशिशु मितेरी अस्पताल गण्डकी प्रदेशको मातहत सञ्चालन भइरहेको र थप व्यवस्थित बनाउनुपर्ने जिम्मेवारी पनि सरकारको रहेको बताए ।
मन्त्री थापाले अस्पतालको भौतिक संरचनाको विकाससँगै थप जग्गा प्राप्तिका लागि पहलकदमी गर्ने बताए । ‘जग्गा प्राप्तिका विषयमा पहिले नै कुरा उठेको हो । त्यसको समाधान हालसम्म हुन सकिरहेको छैन । थप भौतिक पूर्वाधार निर्माणसमेत गर्नुपर्ने आवश्यकता देखिन्छ । यसका लागि मेरो पहलकदमी रहनेछ ।’,उनले भने ।
गण्डकी प्रदेश सरकारका सांसद कृष्ण थापाले मातृशिशु मितेरी अस्पतालको निर्माणमा हालसम्म १८ करोड लगानी भएको जानकारी दिए । उनले अब अस्पतालमा १ सय बेडको व्यवस्थापन गर्न तर्फ लाग्नुपर्ने बताए । सांसद थापाले मातृशिशु मितेरी अस्पतालमा नर्सिङ कलेजको स्थापना गरी शिशु र आमाको उपचार सेवामा थप टेवा पुर्याउनुपर्ने आवश्यकता औंल्याए ।
अस्पताल व्यवस्थापन समिति अध्यक्ष उषा बरुवालले मातृशिशु मितेरी अस्पतालमा आमा र नवजात शिशुको उपचार गरिने अस्पताल भएको बताउँदै हाल ५५ बेडमार्फत् निशुल्क रुपमा बिरामीको उपचार भइरहेको उल्लेख गरिन् । ‘२० बेडको कोभिड वार्डको व्यवस्थापन गरी निशुल्क उपचार दिइरहेका छौं,’उनले भनिन्,‘अब दन्त रोग सेवासमेत बिस्तार गरिनेछ ।’
कार्यक्रममा पोखरा १६ का अध्यक्ष जीवन आचार्य, वरिष्ठ इन्जिनियर महेन्द्र गोदार र शारदा मोहन काफ्ले लगायत उपस्थित थिए ।
Related News
सम्बन्धित समाचार
अमरसिंह माविको ६८ औं वार्षिकोत्सव
लायन्स लेखनाथमा कृष्णप्रसाद
‘ज्येष्ठ नागरिकलाई सम्मान गरौं’
फेवा महोत्सवमा ड्यामसाइडमा पनि विविध गतिविधि
‘मादलको घिन्ताङ गुञ्जाउँछौं सराङकोट’
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०