बतास फाउन्डेसनलाई सहयोग

आदर्श समाज सम्वाददाता
असाेज १, २०७८
Tamu Samaj UK Photo

पोखरा । तमु परिवार न्युयोर्क इन्कले बतास फाउन्डेसनलाई ५ लाख २० हजार सहयोग गरेको छ । पश्चिमाञ्चल क्षेत्रीय अस्पतालमा बृहत् अक्सिजन प्लान्ट स्थापनाका लागि समाजले फाउन्डेसनलाई सहयोग गरेको हो ।
सहयोग बराबरको चेक बिहीबार तमु परिवारतर्फबाट पोखरा १० का अध्यक्ष राजकुमार गुरुङले बतास फाउन्डेसनका अध्यक्ष आनन्दराज बतासलाई हस्तान्तरण गरेका हुन् । अमेरिका न्युयोर्कमा एक दशकदेखि तमु परिवार क्रियाशील छ । न्युयोर्क इन्कका अध्यक्ष देवीजंग गुरुङले अत्यावश्यक अक्सिजनको विषयमा बतासको ध्यान केन्द्रित हुनु सकारात्मक रहेको भन्दै समाजले सहयोग गरेको अध्यक्ष गुरुङले जानकारी दिए । तमु परिवार न्युयोर्कले कोरोनाकालमा गण्डकी मेडिकल कलेजको कोभिड उपचार केन्द्रमा निशुल्क खाना खुवाउन ५० हजार आर्थिक सहयोग गरेको थियो । बतास फाउन्डेसनले अस्पतालमा अक्सिजन प्लान्ट स्थापना र आइसियु बेड थप्नका लागि पहल गरेको हो । फाउन्डेसनले ‘रु. १०० दान गरौं, महामारीमा प्राण राखौं’ भन्ने उद्घोषका साथ आर्थिक संकलन अभियान चलाएको फाउन्डेसनका अध्यक्ष आनन्दराज बतासले जनाएका छन् ।
अस्पतालमा अक्सिजन प्लान्टका लागि ५ करोड अनुमानित बजेट लाग्ने छ । अक्सिजन प्लान्ट प्रदेशकै ठूलो हुने र दैनिक १ सय ५० सिलिन्डर अक्सिजन उत्पादन क्षमताको हुनेछ । गत जेठमा सुरू भएको आर्थिक संकलन अभियानमा अहिलेसम्म ३ करोड ७ लाख रूपैयाँ संकलन भइसकेको छ । कोभिड–१९ को दोस्रो लहर सँगै स्वास्थ्य संकट उत्पन्न हुँदा अस्पतालमा अक्सिजन अभाव भएपछि मानवीय संवेदनशीलताको मध्यनजर गर्दै विभिन्न दाताले आर्थिक सहयोगमा चासो देखाएका थिए । बतासलाई अक्सिजनमा उत्साह दिन विभिन्न संघसंस्थाले आर्थिक सहयोग प्रदान गरिरहेका छन् ।
फाउण्डेसनले बनाउने भनिएको प्लान्ट निर्माण कार्य ढिला भएकाले चौतर्फीरुपमा चासो व्यक्त गरिएको थियो । बतासले भने प्रक्रिया अघि बढिसकेको तर प्लान्टका सामान आउन ढिला भएका कारण केही समस्या भएको दाबी गरेको छ । फाउण्डेसनका अध्यक्ष आनन्दराज बतासको अध्यक्षतामा अक्सिजन प्लान्ट स्थापनाका लागि समिति बनेको छ । पोखरा महानगरपालिकाका प्रमुख मानबहादुर जिसी संरक्षक रहेको उक्त आयोजनामा ओटोवेज प्रालिका अध्यक्ष नारायण पौडेल कोषाध्यक्ष छन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width