Worldlink ads

पैरावन गाउँ लायन्स नमुना उद्यमी गाउँ

आदर्श समाज सम्वाददाता
असाेज १, २०७८
Lions Model village Lamjung news bhadra 30

पोखरा, ३१ भदौ । लायन्स अन्तर्राष्ट्रिय डिष्ट्रिक्ट ३२५ बि १ नेपालको यस वर्षको लायन्स नमुना उद्यमी गाउँ बनाउने अभियानअन्तर्गत बुधबार लमजुङको मध्यनेपाल ७, पैरावन गाउँलाई ‘लायन्स नमुना उद्यमी गाउँ’ को रुपमा उद्घाटन गरिएको छ ।
गण्डकी प्रदेशका स्वास्थ्य तथा जनसंख्या मन्त्री मधुमाया अधिकारी गुरुङले सो गाउँलाई लायन्स उद्यमी नमुना गाउँ बनाउने अभियानको उद्घाटन गरिन् । उनले सामाजिक संस्था लायन्सले गरेका सेवा कार्यको प्रशंसा गर्दै पैरावन गाउँलाई नमुना उद्यमी गाउँ बनाउने लायन्सको अभियानमा सबैले सहयोग गर्नुपर्ने बताइन् । उनले सो गाउँ छनोट गरेकोमा पनि लायन्स डिष्ट्रिक्ट ३२५ वि १ परिवारप्रति धन्यवाद दिइन् ।
लायन्स अन्तर्राष्ट्रिय डिष्ट्रिक्ट ३२५ बि १ का डिष्ट्रिक्ट गभर्नर विश्वेश्वर आचार्यले लायन्सले हरेक वर्ष विभिन्न कार्यक्रम गरिरहेको र यो वर्ष दीगो विकासको कार्यक्रम गर्ने उद्देश्यले १४ जिल्लाका १४ गाउँमा नमुना उद्यमी गाउँ बनाउने योजनाअनुरुप सो गाउँमा कार्यक्रम ल्याएको प्रष्ट पारे । लायन्सले गर्ने नियमित सेवाका कार्यसँगै नमुना उद्यमी गाउँ बनाउने अभियानमा सहकार्य गर्न गभर्नर आचार्यले सबैलाई आग्रह समेत गरे ।
लायन्स मोडेल भिलेज लमजुङका प्रमुख तथा कार्यक्रम संयोजक चन्द्रप्रसाद अधिकारीले पैरावन गाउँमा यो वर्ष लायन्सका कार्यक्रम केन्द्रित गरी स्थानीय जनतालाई विभिन्न किसिमका तालिम, सीप सिकाउँदै कृषि, पशुपालनबाट गाउँलेको आयआर्जन बढाउने अभियानमा लायन्स लागेको बताए ।
कार्यक्रममा डिष्ट्रिक्ट तथा विभिन्न क्लब, संघ सस्थाबाट प्राप्त करिब १३ लाख बराबरको सामग्री गाउँलाई हस्तान्तरण गरिएको थियो । कार्यक्रममा १ हातेट्रयाक्टर, ३ ल्यापटप, ४२ बाटर फिल्टर, ४८ डस्टबिन, ४० मौरीघार, ९१ स्कुल ब्याग, १ सय स्बीटर, २ सिलाइ मसिन, ३ आरन हस्तान्तरण गरियो । यस्तै। बाद्यवादनका सामग्री, खेलकुद सामग्री, स्टेसनरी, तरकारी फलफूलका बिरुवा छात्रवृत्ति लगायत सामग्री हस्तान्तरण गरिएको डिष्ट्रिक्ट ३२५ वि १ नेपालका क्याबिनेट सेक्रेटरी दुर्गाप्रसाद हुमागाईंले बताए ।
कार्यक्रममा मध्यनेपाल नगरपालिकाका प्रवक्ता तथा वडा ७ अध्यक्ष गगन घिमिरे, ब्रिटिस नागरिक लि बिलियन, प्रधानमन्त्री कृषि आधुनिकीकरण परियोजनाका कृष्णप्रसाद तिवारी, लायन्स डिष्ट्रिक्ट ३२५ बि १ नेपालका एलआरपिसी चिफ राम बसेल, क्लस्टर चिफ मधुसुदन कोइराला, सेकेन्ड भिडिजी मणिश्रीरत्न बज्राचार्य, फस्ट भिडिजी महेन्द्र पौडेल, मोडल भिलेज उपभोक्ता समूह लमजुङ अध्यक्ष बुद्धिसागर पोख्रेल लागायतले बोलेका थिए ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads