पोखरा । अमेरिकी १ मिलियन डलरको ग्लोबल स्टार्टअप पुरस्कार रहेको हल्ट प्राइजअन्तर्गतको हल्ट प्राइज एट पोखरा विश्वविद्यालयको २०२१/२०२२ संस्करणको समूह र विषय पोखरामा घोषणा भएको छ ।
विश्वविद्यालयमा अध्यनरत विद्यार्थीहरुमा अन्तरनिहित नवीनतम सोंचलाई उजागर र मार्गनिर्देश गरी उद्यमशीलतालाई प्रोत्साहन गर्ने प्रयास स्वरुप उक्त कार्यक्रम हुन लागेको पोखरामा आयोजित पत्रकार सम्मेलनमा जानकारी दिइएको छ । हरेक वर्ष विभिन्न विधाहरुमा उद्यमशील परियोजनाहरुको चुनौती प्रतियोगिताको रुपमा सञ्चालन हुने उक्त कार्यक्रममा यसवर्ष हल्ट प्राइज फाउन्डेसनले २०२४ सालभित्र २ हजार जनालाई रोजगारी प्रदान गर्नका लागि चुनौती सार्वजनिक गरेको हल्ट प्राइज पोखरा विश्वविद्यालयका क्याम्पस निर्देशक प्रशान्त भुषालले बताए ।
यस चुनौतीको आधारमा विद्यार्थीहरुले आफ्नो व्यापारिक योजना प्रस्तुत गर्ने उनले बताए । आफ्नै क्याम्पसबाट सुरु हुने उक्त प्रतियोगिताका विजयीहरु रिजनल समिटमा प्रतिस्पर्धा गर्ने छन् । त्यहाँबाट छनोट भएको टोली ग्लोबल एक्सेरेलेसनबाट गाला एन्ड अवार्ड सेरेमनी गरी ४ वटा चरणमा विजयी हुनेछन् । यस अन्तर्रााष्ट्रयस्तरको कार्यक्रममा विजयी टोलीले १ मिलियल डलरको ग्लोबल स्टार्टअप पुरस्कार प्राप्त गर्नेछन् ।
१ सय २० भन्दा बढी देशका ३ हजारभन्दा बढी विश्वविद्यालय तथा क्याम्पसहरु आबद्ध हल्ट प्राइज फाउन्डेसनको परिकल्पनाकार पूर्व अमेरिकी राष्ट्रपति विल क्लिन्टनलगायत विश्व प्रसिद्ध व्यक्तित्वहरु हुन् । सन् २०१७ मा स्थापित हल्ट प्राइज पोखरा विश्वविद्यालयलाई यस वर्ष भने वर्ष २०२०/२१ का सहायक क्याम्पस निर्देशक प्रशान्त भुषालले नेतृत्व गर्नेछन् ।
उक्त कार्यक्रममा उनले २१ सदस्यीय आयोजना कमिटी घोषणा गरेका थिए । कार्यक्रममा हल्ट प्राइज नेपालका कम्युनिटी बिल्डर आशीष लामिछानेले स्थापना भएको ४ वर्ष बितिसक्दा सयौंको संख्यामा व्यापारिक परियोजनाहरु प्रस्तुत भइसक्दा पनि थोरैले मात्र आफूलाई बजारमा स्थापित गर्न सकेको बताए ।
यस वर्ष धेरैभन्दा धेरै योजनालाई मूर्त रुप दिनु नै हाम्रो प्रमुख उद्देश्य रहने उनले जनाए । यसै गरी विगतमा भएका उपलब्धिलाई कायम गर्दै यस वर्ष थप सुदृढ ढंगले हल्ट प्राइज फाउन्डेसनद्वारा निर्देशित सम्पूर्ण कार्य कुशलतापूर्वक सम्पन्न गर्ने आयोजकको प्रतिबद्धता रहेको छ ।
Related News
सम्बन्धित समाचार
कथा सुन्न भक्तजनको आकर्षण
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१