लेखनाथ । लेखनाथ जेसिजले आफ्नो सप्ताहव्यापी कार्यक्रम अन्र्तगत आयोजना गरेको मैत्रीपूर्ण फुटसलको उपाधि लेखनाथ पत्रकार मञ्चले हात पारेको छ ।
शनिबार आयोजक संस्था लेखनाथ जेसिज र लेखनाथ पत्रकार मञ्चबीच भएको प्रतियोगिताको निर्धारित समयमा ५–५ गोलको बराबरी भएपछि थप गरिएको ५ मिनेटको इञ्जुरी समयमा पत्रकार मञ्चले थप १ गोल अग्रता कायम गरेपछि पत्रकार मञ्च ट्रफी हात पार्न सफल भएको हो ।
प्रतियोगिताको उद्घाटन गर्दै लेखनाथ जेसिजका संस्थापक अध्यक्ष बाबुराम जमरकट्टेलले खेलकुद मानिसको स्वास्थ्यको लागि लाभदायक भएको बताउँदै यसले आपसी भाइचारामा पनि वृद्धि गर्ने जनाए ।
कार्यक्रममा लेखनाथ जेसिजका पूर्व अध्यक्ष अर्जुन ओझा, लेखनाथ पत्रकार मञ्चका निवर्तमान अध्यक्ष भिमपाणि बराल लगायतले शुभकामना व्यक्त गरेका थिए ।
क्लब अध्यक्ष नवराज पौडेलको सभापतित्वमा सम्पन्न कार्यक्रममा कार्यक्रमका संयोजक सञ्जिव न्यौपानेले स्वागत, सञ्चालन महासचिव चन्द्रप्रकाश ढुंगाना र धन्यवाद ज्ञापन निवर्तमान अध्यक्ष चिरञ्जीवी न्यौपानेले गरेका थिए ।