Worldlink ads

बजारमा बीएस ६ सुजुकी एक्सेस १२५ स्कुटर

आदर्श समाज सम्वाददाता
श्रावण १८, २०७८
Suzuki access presss

पोखरा । नेपाली बजारमा सुजुकी कम्पनीको बिएस ६ प्रविधिको सुजुकी एक्सेस स्कुटर भित्रिएको छ । सुजुकी मोटरसाइकल तथा स्कुटरको नेपालका लागि आधिकारिक आयातकर्ता तथा वितरक भिजी अटोमोबाइल्स प्रालिले बजारमा ल्याएको हो । निषेधाज्ञाकै समयमा नेपाल प्रवेश गरेको उक्त स्कुटर सुजुकीको बहुप्रतीक्षित स्कुटर हो ।

भारतीय बजारमा टप ३ मा रहन सफल स्कुटरमध्येमा पर्छ । सुजकी एक्सेस स्कुटर विगतमा नेपालमा पनि धेरै मध्यम वर्गका बीच र व्यावसायिक प्रयोजनमा निकै रुचाइएको स्कुटरमा पर्छ । एक्सेस स्कुटरमा अगाडि ग्यास सिलिन्डर अटाउने, फराकिलो सिट तथा आराम दाइ यात्रा हुनुका साथै यसमा अगाडिको भागमा स्टिलको कभरसमेत रहेको छ । यसले गर्दा यो दैनिक प्रयोजनका लागि निकै नै उपयोगी रहेको छ भने यसको मर्मत खर्च पनि अरुभन्दा कम आउने बताइएको छ ।

हाल नेपालमा भित्रिएको सुजुकी एक्सेस १२५ स्कुटरमा फोर स्ट्रोक सिंगल सिलिन्डर एयरकुल्ड जडित इन्जिन प्रयोग गरिएको छ । नयाँ परिमार्जित एक्सेस १२५ स्कुटरमा भारत स्टेज ६ अर्थात् बीएस ६ प्रविधि जडान गरिएको छ भने एफआई प्रविधिसमेत रहेको हुँदा उत्कृष्ट माइलेज आउने आकलन गर्न सकिन्छ ।

२ भल्बयुक्त इन्जिन प्रयोग भएको यस स्कुटरमा इन्जिनले ६७५० आरपीएममा ८.७ पीएस पावर र ५५०० आरपीएममा १० एनएम टर्क जेनेरेट गर्छ । एलइडी हेडल्याम्प तथा बाहिरबाटै पेट्रोल भर्न सकिने सुविधाले यसको सजावटमा समेत आकर्षण थपेको छ । एसमा सुजुकी स्टार्ट सिस्टम प्रयोग गरिएको छ र किक स्टार्ट दुवै व्यवस्था रहेको छ । स्कुटरमा २२ लिटर बराबरको स्टोरेज राखिएको छ भने मोबाइल चार्जिङ प्वाइन्टसमेत जडान गरिएको छ । दुवै चक्कामा अलोय ह्विल प्रयोग गरिएको सो स्कुटरको जम्मा तौल १०३ केजी छ ।

१६० एमएमके ग्राउन्ड क्लिरियन्स भएको हुँदा यो सेग्मेन्टमै उत्कृष्ट प्रोडक्ट गनिन्छ । पूर्ण डिजिटल मिटरको साथमा क्लासिक स्टाइल, इन्जिन डायग्नोसि, ब्याट्री डायग्नोसिससहित ट्रिप मिटर ३ कलरमा उपलब्ध छन् ।

बजारमा उपलब्ध सुजुकी बिएस ६ को सेतो, नीलो, खैरो र कालो रङमध्ये नीलो अधिक रुचाइएको भिजी अटोमोबाइल्सले जनाएको छ ।

Related News

सम्बन्धित समाचार

    • पोखरामा स्कोडाको सोरुम खुलेसँगै कुशाकको बुकिङ खुला

      आदर्श समाज सम्वाददाता श्रावण २८, २०७८
      पोखरा । जर्मनी प्रविधिको स्कोडा गाडीको सोरुम पोखरामा खुलेको छ । पोखराको नयाँबजारस्थित एसएसएल मोटर्स प्रालि स्कोडाको लागि पोखरा क्षेत्रको…
    • पोखरामा कुशाकको बुकिङ खुला

      आदर्श समाज सम्वाददाता श्रावण १३, २०७८
      जर्मनी प्रविधिको स्कोडा गाडीको लागि पोखरा क्षेत्रको आधिकारिक बिक्रेता एस.एस.एल. मोटर्स बनेको छ । स्कोडाको लागि नेपालको आधिकारिक वितरक एमएडब्ल्यु…
    • महिन्द्रा मनसुन सर्भिस क्याम्प

      आदर्श समाज सम्वाददाता श्रावण १३, २०७८
      पोखरा । महिन्द्रा फोरह्वीलरको नेपालका लागि एकमात्र अधिकृत बिक्रेता अग्नि समूहको सहायक कम्पनी बालाजु अटोवक्र्स प्रालिले देशव्यापी रुपमा महिन्द्रा मनसुन…
    • ५७८ निसान म्याग्नाइट बिक्री

      आदर्श समाज सम्वाददाता श्रावण ५, २०७८
      पोखरा । नेपालका लागि निसान र ड्याटसनको आधिकारिक बिक्रेता पायोनियर मोटोपर्कले ५ सय ७८ वटा निसान म्याग्नाइट हस्तान्तरण गरेको छ ।…
    • होन्डा ग्राजियाको बिएसभीआई मोडल

      आदर्श समाज सम्वाददाता श्रावण ४, २०७८
      पोखरा  । पोखराका लागि होन्डाको आधिकारिक बिक्रेता कुँवर ब्रदर्स एन्ड सन्स प्रालिले सोमबारदेखि होन्डा ग्राजियाको बिएसभीआई मोडल लन्च गरेको छ…

    hero news full width

    Jewellery

    sanil ads

    wordlink ads