पोखरा । गण्डकी प्रदेशमा बिहीबार ३३ जना कोरोनामुक्त भएका छन् । अघिल्लो दिनको तुलनामा निको हुनेका संख्या अत्यन्तै कम हो । बुधबार गण्डकीमा ३ सय ७६ जना निको भइ घर फर्केका थिए । प्रदेशभर हालसम्म ६१ हजार ४ सय ३ जना कोरोनामुक्त भएका छन् । निको हुने प्रतिशत प्रदेशमा ९२ प्रतिशत हुन आउँछ ।
प्रदेश स्वास्थ्य निर्देशनालयका अनुसार बिहीबार ४ सय २७ संक्रमित थपिएका छन् । योसँगै प्रदेशभर संक्रमितको कुल संख्या ७७ हजार ७ सय १६ पुगेको छ । अघिल्लो दिन बुधबार ६ सय २५ र मंगलबार ५ सय ५९ जना संक्रमित भएका थिए । प्रदेशका ११ जिल्लामध्ये सबैभन्दा बढी कास्कीमा १ सय ६८ जनामा संक्रमण देखिएको छ । जिल्लामा हाल सक्रिय संक्रमित झण्डै १७ सय छन् । कास्कीमा ४ सय ५६ जना कोराना संक्रमितको मृत्यु भैसकेको छ ।
पछिल्लो ३ दिनको तुलनामा प्रदेशमा बिहीबार संक्रमित संख्या कमी भएको हो । त्यसो त १ हजार ९५ पिसिआर परीक्षणमा झन्डै ३९ प्रतिशतमा कोरोना संक्रमण पुष्टि भएकोले सन्तोष मान्ने अवस्था छैन । किनकि मृत्यु हुनेको संख्या पछिल्ला दिनमा क्रमशः बढ्दो छ । बुधबार ८ जना कोरोना संक्रमितको मृत्यु भएको प्रदेश स्वास्थ्य निर्देशनालयले जनाएकोमा बिहीबार थप ९ जनाको मृत्यु भएको जनाएको छ । योसँगै प्रदेशमा १ हजार ८३ जनाले ज्यान गुमाएका छन् । पर्वतका थप ५ मृतकको तथ्यांक अद्यावधिक गर्दा बिहीबार मृतकको तथ्यांक एक महिनायता सबैभन्दा उच्च हुन गएको हो । जसअनुसार पर्वतका ६, तनहुँ, कास्की र बागलुङका १/१ जना संक्रमितको मृत्यु पुष्टि भएको छ ।
तनहँु शुक्लागण्डकी १ की ७१ वर्षीया महिलाको बुधबार पोखरा स्वास्थ्य विज्ञान प्रतिष्ठानमा मृत्यु भयो । उनमा सोही दिन कोरोना पुष्टि भएको थियो । पर्वत कुष्मा १२ का ६८ वर्षीय पुरुषको बुधबार नै पोखरा स्वास्थ्य विज्ञान प्रतिष्ठानमा ज्यान गयो । उनमा असार १७ मा कोरोना देखिएको थियो । पोखरा १६ का ३० वर्षीय पुरुषमा साउन १० मा कोरोना पुष्टि भएकोमा बिहीबार सोही अस्पतालमा ज्यान गयो । बागलुङको बागलुङ नगरपालिका ३ का ८६ वर्षीय पुरुषको बिहीबार पोखरा स्वास्थ्य विज्ञान प्रतिष्ठानमा उपचार क्रममा मृत्यु भयो ।
यसैगरी, स्वास्थ्य कार्यालय पर्वतको तथ्यांक अद्यावधिक गर्दै थप ५ जनाको मृत्यु भएको जनाइएको छ । जसमा कुष्मा १ का ७५ वर्षीय पुरुषको वैशाख १२ मा, जलजला ७ का ५२ वर्षीय पुरुषको जेठ २० मा, मोदी २ की ६५ वर्षीया महिलाको असार १६ मा, पैंयु ४ का ४० वर्षीय पुरुषको वैशाख २८ मा र फलेबास १० का ७५ वर्षीय पुरुषको असार ३० मा मृत्यु भएको प्रदेश स्वास्थ्य आपतकालीन कार्यसञ्चालन केन्द्र पोखराका संयोजक नवराज शर्माले बिहीबार विज्ञप्तिमार्फत जनाएका छन् ।
Related News
सम्बन्धित समाचार
निसीखोला दुर्घटनाका घाइते भन्छन्- चालकको लापरबाहीले दुर्घटना भयो
सहकारी प्रकरणमा गृहमन्त्री लामिछाने दोषी प्रमाणित भए कारबाही गर्नेे प्रधानमन्त्रीको प्रतिबद्धता
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०