Worldlink ads

ट्राफिक कार्यालयको सूचना सम्प्रेषण अभियान

आदर्श समाज सम्वाददाता
श्रावण १३, २०७८
Traffice Photo

पोखरा । जिल्ला ट्राफिक कार्यालय, कास्कीले सूचना सम्प्रेषण अभियान सुरुआत गरेको छ । कोरोना नियन्त्रण र सवारी दुर्घटना कम गर्न कार्यालयले मंगलबारदेखि सो अभियान सुरु गरेको हो ।
कार्यालयका प्रमुख प्रहरी निरीक्षक अमृतबहादुर बस्नेतले पिएसए (पब्लिक सर्भिस अवारनेस) सुरुआत गरिएको जानकारी दिए । चालक, सहचालक र यात्रुको हितका लागि बनाइएको अडियो सामाग्री तयार पारिएको उनको भनाइ छ ।
कोरोना र सवारी दुर्घटनाका लागि तयार सामग्री प्रत्येक बसमा बजाउन लगाइने कार्यालय प्रवक्ता प्रहरी नायव निरीक्षक पूर्णबहादुर अधिकारीले जानकारी दिए । सूचनामूलक सामग्री पोखराबाट छुट्ने प्रत्येक लामो दूरीको बसमा पेन ड्राइभमा दिइने प्रवक्ता अधिकारीको भनाइ थियो । ‘यो अभियान पोखराबाट सुरु भएको छ । हामीले पेनड्राइभमा हालेर बसका सहचालकलाई त दिन्छौं नै,’ उनले भने, ‘कास्कीका प्रत्येक टिकट काउण्टरमा नियमित बजाउन अनुरोध गरेका छौं ।’ सूचनामा कोभिड नियन्त्रण उपाय साथमा सवारी दुर्घटना न्यूनीकरणका सूचना समावेश छन् । जसले गर्दा कोरोनासँगै सवारी दुर्घटना कम हुने उनको विश्वास थियो । ‘हामीले सम्प्रेषण गर्ने सूचनामा कोरोना नियन्त्रणका उपाय पनि समावेश गरेका छौं,’ उनले भने, ‘कोरोनासँगै टिकट अनिवार्य, ६/६ घण्टामा चालक परिवर्तन गर्ने, चालकले मादकपदार्थ सेवन गरे नगरेको चेक गर्ने जस्ता विषय समेटेका छौं ।’

Related News

सम्बन्धित समाचार

    • स्पोर्ट्स क्यासल लगातार शीर्षमा

      आदर्श समाज सम्वाददाता असाेज १२, २०७८
      पोखरा  । पोखरामा जारी ‘ए’ डिभिजन फुटसल लिगअन्तर्गत सोमबारको खेलमा फुटसल फाइभ, प्रभातफेरी र स्पोट्र्स क्यासल विजयी भए । पहिलो…
    • मिस कल्चर प्रतीक्षा वृद्धाश्रममा

      आदर्श समाज सम्वाददाता असाेज १२, २०७८
      पोखरा । मिस कल्चर २०२० विजेता प्रतीक्षा बास्तोलाले आफ्नो जन्मदिन मानवसेवा आश्रममा मनाएकी छन् । पोखरा २५ मा रहेको मानव…
    • पोखरामा यात्रु सहायता कक्ष स्थापना

      आदर्श समाज सम्वाददाता असाेज १२, २०७८
      पोखरा । जिल्ला प्रहरी कार्यालय कास्की र ट्राफिक प्रहरी कार्यालय, कास्कीले चाडपर्वमा यात्रुको सहजताका लागि यात्रु सहायता कक्ष सञ्चालनमा ल्याएको…
    • पोखराको सुन्दरतामा रमाए राजदूत

      विजय नेपाल असाेज ११, २०७८
      पोखरा । नेपालस्थित विभिन्न राष्ट्रका ११ राजदूतसहित कुटनीतिक नियोगका पदाधिकारी सम्मिलित विशिष्ट पाहुनाको टोली पोखराको सुन्दरतामा रमाएको छ । गण्डकी…
    • लेखनाथ उद्योग वाणिज्य संघको निर्वाचित टोलीलाई व्यवसायीको बधाई

      आदर्श समाज सम्वाददाता असाेज ११, २०७८
      पोखरा । पोखरा उद्योग वाणिज्य संघले लेखनाथ उद्योग वाणिज्य संघको नवनिर्वाचित अध्यक्ष छत्रधर आत्रेय नेतृत्वको कार्यसमितिलाई बधाई एवं कार्यकाल सफलताको शुभकामना…

    hero news full width

    Jewellery

    sanil ads

    wordlink ads