Worldlink ads

अम्बिका शिशु पोषण अक्षयकोष हस्तान्तरण

आदर्श समाज सम्वाददाता
श्रावण १२, २०७८
ambika ma ve progrem photo

हेमजा । अम्बिका मावि, सुइँखेतअन्र्तगत समितिमातहत रहेको शिशु पोषण अक्षयकोष आइतबार विद्यालयलाई हस्तान्तरण गरिएको छ । कोषका संस्थापक अध्यक्ष नेत्रपाणि भण्डारीले विद्यालय व्यवस्थापन समिति अध्यक्ष सुवास भण्डारी, प्रधानाध्यापक ओमप्रसाद पौडेल लगायतलाई सो कोषको सम्पूर्ण अभिलेख हस्तान्तरण गरे । विद्यालयका शिक्षक भण्डारी आइतबारदेखि निवृत्त भएका हुन् । सो कोषमा हाल २१ लाख १५ हजार छ ।
२०७१ पुस २९ मा विद्यालय वार्षिकोत्सव अवसरमा कोष स्थापना गरिएको हो । स्थापनाकै दिनमा करिब साढे २ लाख बढी संकलन भएको थियो । कोषमार्फत शिशुदेखि कक्षा ५ सम्ममा विद्यार्थीलाई खाजा खुवाउँदै आएको छ । खाजा कार्यक्रम सञ्चालनसँगै तत्कालीन समयदेखि नै विद्यार्थी संख्यामा वृद्घि हुँदै आएको छ । विद्यार्थी अभावका कारण झण्डै बन्द हुने अवस्थामा पुगेको सो विद्यालय कोषको अवधारणासँगै जुझारु रुपमा अगाडि बढेको पाइन्छ ।
कोषमा १ सय ४ जना संस्थापक र अन्य पछिका ३५ सदस्य छन् । जसमा निवृत्त शिक्षक तथा कोषका संस्थापक अध्यक्ष नेत्रपाणि भण्डारीले भत्ता स्वरुप पाइने तलबको २० प्रतिशत रकम जम्मा गर्दै आएका छन् ।
विद्यालय अध्यक्ष भण्डारीले विद्यालय सञ्चालनमा कोषको महत्वमाथि चर्चा गर्दै कोष स्थापना लगायत विद्यालयका सम्पूर्ण गतिविधिमा शिक्षक भण्डारीको योगदान उल्लेख्य रहँदै आएको स्मरण गरे । पछिल्लो पटक विद्यालयमा सञ्चालित महायज्ञमार्फत जग्गा व्यवस्थापन गर्न र प्राविधिक धार सञ्चालनमा पनि भण्डारीको योगदान अविष्मरणीय रहेको उनको ठहर छ ।
प्रअ पौडेलले अम्बिकालाई नमुना विद्यालय बनाउन शिक्षक भण्डारीले विभिन्न सपना देखेको औँल्याउँदै ती सपना पूरा हुने क्रममा रहेको बताए । शिशु पोषण अक्षयकोष पनि भण्डारीकै सोचको उपज भएको प्रअ पौडेलले स्पष्ट पारे ।
कोषका संस्थापक अध्यक्ष तथा निवृत्त शिक्षक भण्डारीले आफूले विद्यालय प्रगतिका लागि असम्भव सपना देखे पनि सरोकारवाला सबैको सहयोगबाट सम्भव भएको औल्याए । कोष स्थापनामा तत्कालीन प्रअ हरिकुमार श्रेष्ठ, विद्यालयका अध्यक्ष केदारनाथ अधिकारी, मित्रलाल पौडेल, चन्द्रमा पौडेल, ठाकुरप्रसाद पौडेल, पूर्णलाल भण्डारी, शेषमणि पौडेल लगायतको बदलिँदो परिस्थितिमा कोष सञ्चालनको प्रभावकारी अझै बढाउनुपर्ने, कोषका संस्थापकलाई प्रमाणपत्र दिनुपर्ने लगायत सुझाव राखे ।
विद्यालयमा हाल कक्षा १ देखि १२ सञ्चालित छ । जसमध्ये ९ देखि १२ प्राविधिक धारतर्फ कम्प्युटर इन्जिनियरिङको पढाइ सुरु गरिएको छ । यहाँ कुल ५ सय बढी विद्यार्थी रहेकोमा प्राविधिक धारतर्फ ७४ जना छन् ।

Related News

सम्बन्धित समाचार

    • स्पोर्ट्स क्यासल लगातार शीर्षमा

      आदर्श समाज सम्वाददाता असाेज १२, २०७८
      पोखरा  । पोखरामा जारी ‘ए’ डिभिजन फुटसल लिगअन्तर्गत सोमबारको खेलमा फुटसल फाइभ, प्रभातफेरी र स्पोट्र्स क्यासल विजयी भए । पहिलो…
    • मिस कल्चर प्रतीक्षा वृद्धाश्रममा

      आदर्श समाज सम्वाददाता असाेज १२, २०७८
      पोखरा । मिस कल्चर २०२० विजेता प्रतीक्षा बास्तोलाले आफ्नो जन्मदिन मानवसेवा आश्रममा मनाएकी छन् । पोखरा २५ मा रहेको मानव…
    • पोखरामा यात्रु सहायता कक्ष स्थापना

      आदर्श समाज सम्वाददाता असाेज १२, २०७८
      पोखरा । जिल्ला प्रहरी कार्यालय कास्की र ट्राफिक प्रहरी कार्यालय, कास्कीले चाडपर्वमा यात्रुको सहजताका लागि यात्रु सहायता कक्ष सञ्चालनमा ल्याएको…
    • पोखराको सुन्दरतामा रमाए राजदूत

      विजय नेपाल असाेज ११, २०७८
      पोखरा । नेपालस्थित विभिन्न राष्ट्रका ११ राजदूतसहित कुटनीतिक नियोगका पदाधिकारी सम्मिलित विशिष्ट पाहुनाको टोली पोखराको सुन्दरतामा रमाएको छ । गण्डकी…
    • लेखनाथ उद्योग वाणिज्य संघको निर्वाचित टोलीलाई व्यवसायीको बधाई

      आदर्श समाज सम्वाददाता असाेज ११, २०७८
      पोखरा । पोखरा उद्योग वाणिज्य संघले लेखनाथ उद्योग वाणिज्य संघको नवनिर्वाचित अध्यक्ष छत्रधर आत्रेय नेतृत्वको कार्यसमितिलाई बधाई एवं कार्यकाल सफलताको शुभकामना…

    hero news full width

    Jewellery

    sanil ads

    wordlink ads