लेखनाथ । दश दिनयता आन्तरिक पर्यटक फाटफुट देखिन थालेपछि बेगनास तालका डुङ्गा व्यवसायीको मुहारमा खुशी देखिन थालेको छ । कोरोना सङ्क्रमणका कारण तीन महीनादेखि ठप्प डुङ्गा व्यवसाय चलायमान हुँदा व्यवसायीको मुहारमा खुशी देखिन थालेको हो ।
विशेषगरी शनिबार र बिदाका दिनमा बेगनास ताल वरपर आन्तरिक पर्यटकको चहलपहल शुरु हुने गरेको डुङ्गा व्यवसायी चन्द्रा सापकोटा बताउनुहुन्छ । “शनिबार ताल वरपर आन्तरिक पर्यटकको चहलपहल बाक्लै देखियो, २० डुङ्गा सञ्चालनमा आए”, डुङ्गा व्यवसायी सापकोटाले भन्नुभयो, “पोखरा तथा वरपर गाउँका मानिस बिदाका दिन परिवारसहित बेगनास तालमा घुम्न आउने क्रम शुरु भएको छ ।”
आन्तरिक पर्यटक नौका बिहार र माछाका परिकार खान बेगनास पुग्ने गर्छन् माछाका परिकारको लागि बेगनास ताल वर्षौदेखि प्रसिद्ध मानिँदै आएको छ । बेगनास ताल डुङ्गा व्यवसायी समितिका सचिव शोभाखर कँडेलले भन्नुभयो, “कोरोना सङ्क्रमणकै कारण अघिल्लो वर्ष सात महीना ठप्प बनेको डुङ्गा व्यवसाय यसवर्ष तीन महीनामै चलायमान हुँदा खुशी लागेको छ, अब नेपाल सरकारले डुङ्गा व्यवसायी र सर्वसाधारणलाई कोरोना विरुद्धको खोप लगाइदिएमा ढुक्क भएर डुङ्गा सञ्चालन गर्ने थियौंँ ।”
यहाँ कार्यरत डेढसय डुङ्गा व्यवसायीमध्ये एक जनालाई पनि यसवर्ष कोरोना सङ्क्रमण नदेखिनु खुशीको कुरा भएको उहाँले जानकारी दिनुभयो । दुई वर्षअघि स्वदेशी तथा विदेशी पर्यटकले खचाखच हुने बेगनास तालमा लकडाउन खुकुलो भएसँगै आन्तरिक पर्यटकको आकर्षण बढेको छ ।
साउनको शुरुदेखि नै दैनिक पर्यटक बढ्दै आएका छन् । पोखराकै दोस्रो ठूला ताल बेगनासमा डेढ सयको सङ्ख्यामा डुङ्गा व्यवसायी र २४९ डुङ्गा सञ्चालनमा छन् । सचिव कँडेलले भन्नुभयो, “यो ताल ३७३ हेक्टर क्षेत्रफलमा फैलिएको छ, ताल वरपर बाक्लो बस्ती नभएकै कारण तालको पानी सफा भएकाले पोखराको फेवा तालभन्दा बेगनासमा नै नौका बिहार गर्न अन्तरिक एवं बाह्य पर्यटकले मन पराउने गरेका छन् ।”
दश दिनअघि ताल वरपर आन्तरिक पर्यटक फाटफुट देखिन थालेपछि डुङ्गा व्यवसायी समितिले स्वास्थ्य सुरक्षाका मापदण्ड पूरा गरेर डुङ्गा सञ्चालन गर्ने निर्णयसँगै पालो अनुसार व्यवसायीलाई सञ्चालन गर्र्ने निर्णय गरेको कँडेलले जानकारी दिनुभयो । उहाँले भन्नुभयो, “अहिले सबै डुङ्गा व्यवसायी तालको छेउमा आउनुपर्दैन, पालो परेका दिन तपाईँको पालो आज परेको छ, डुङ्गा सञ्चालन गर्न आउनुहोस् भनेर समितिका कर्मचारीले नै बोलाउनुहुन्छ ।”
बेगनास तालमा नौका बिहार गर्न आउने आन्तरिक पर्यटकमध्ये कसैले मास्क प्रयोग नगरेको भए प्रयोग गर्ने र हातमा सेनिटाइजर दल्न लगाउने तथा सकेसम्म डुङ्गामा एउटै परिवारका सदस्यलाई मात्र राख्ने गरिएको डुङ्गा व्यवसायी राम कोइराला बताउनुहुन्छ ।
बेगनास तालमा एक घण्टा नौका बिहार गरेबापत व्यवसायीले रु ६०० र पाइडलबोटको रु एक हजार लिने गरिएको छ । डुङ्गाबाट ताल वरपरका जङ्गल, बेगनास तथा माझठाना गाउँ, अन्नपूर्ण हिमशृृंखला, कालिकाको ठूलाकोट तथा बेगनासको सुन्दरी डाँडाको मनोहर दृष्र्यावलोकन गर्न सकिन्छ ।
कोरोनाका कारण यहाँ कार्यरत २५ प्रतिशत डुङ्गा व्यवसायी विस्थापित भएका र केही डुङ्गा व्यवसायी विदेश तथा कतिपयले अन्य व्यवसाय रोजेको डुङ्गा व्यवसायी समितिले जनाएको छ । बेगनास तालमा विसं २०३७ देखि व्यावसायिक रुपमा डङ्गा सञ्चालन हँुदै आएको हो ।
पैतीस वर्षदेखि डुङ्गा व्यवसाय सञ्चालन गर्दै आउनुभएका कँडेल भन्नुहुन्छ, “२०५३ साल अघिसम्म गाउँगाउँमा सडक नखुल्दा यहाँको डुङ्गा व्यवसाय नौका बिहार मात्र नभइ कास्कीको बेगनास, माझठाना, सैमराङ, भाचोक, मिजुरे र लमजुङस्थित पर्यटकीय पसगाउँवासीले डुङ्गामार्फत छोटो बाटोको रुपमा प्रयोग गर्दै आएका थिए ।”
Related News
सम्बन्धित समाचार
बाल मनोविज्ञान र शैक्षिक सुधारबारे गोष्ठी
प्रधानमन्त्री प्रचण्ड र मुख्यमन्त्री पाण्डेले सँगै कम्मर मर्काउँदा
पोखरा अन्तर्राष्ट्रिय विमानस्थलदेखि पृथ्वीचोकसम्म सटल बस
एक्याप र एमक्यापमा नागरिकको स्वामित्व रहने गरी ऐन संशोधन गर्ने प्रधानमन्त्रीको प्रतिबद्धता
प्रधानमन्त्रीले गरे पोखरालाई पर्यटकीय राजधानी घोषणा
hero news full width
मुख्य समाचार
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
चैत्र ५, २०८०मनाङेले लिए मन्त्रीको सपथ, टिक्ला पाण्डे सरकार ?
चैत्र ५, २०८०दीपक मनाङेलाई भाैतिक मन्त्रालय
चैत्र ५, २०८०चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०