पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो । दोस्रो भेरियन्टको कोरोना लहर सुरुसँगै वैशाख १५ बाट कास्कीमा निषेधाज्ञा लागु गरिएको थियो । तैपनि त्यसको ५ दिनपछि निषेधाज्ञाबीच फुटबल स्टेडियम निर्माण पुनः सुरुआत गरिएको पोखरा रंगशालाका प्रोजेक्ट इन्जिनियर पुरुषोत्तम बरालले जानकारी दिए ।
रंगशालाको लागत करिब १ अर्ब २८ करोड रुपैयाँ रहेको छ । १६ हजार ५ सय दर्शक क्षमताको अन्तर्राष्ट्रिय मापदण्डको रंगशाला ४ महिनामा बनाउने लक्ष्यसहित शिलान्यास भए पनि लामो समय रंगशालाको ढाँचा तयार नहुँदा ढिलाइ भएको थियो । भारतको ग्रेट स्पोर्टस् इन्फ्रा (जिएसआई) र नेपाली कम्पनी एमए कन्स्ट्रक्सनको ज्वाइन्ट भेन्चरले रंगशालाको काम गरिरहेको छ ।
बजेट अभाव र कोरोना महामारी देखाउँदै यसअघि पटक पटक स्थगित हुँदै आएको रंगशालामा छाना हाल्ने काम सकिएको छ । इञ्जिनियर बरालका अनुसार निषेधाज्ञाकै समयमा विशेष पास बनाएर भारतीय कामदार ल्याइएको थियो । उनीहरूलाई क्वारेन्टिनमा राखेर नेगेटिभ सुनिश्चितपछि मात्र काममा लगाएको उनले जनाए । भिआइपी प्यारापिट माथि जडान फेब्रिक (छाना) पानीले नबिगार्ने र ५० वर्षसम्म टिकाउ हुने उनले बताए ।
बारम्बार निर्माण अवधि थप्दै गत असार मसान्तसम्म निर्माण पूरा नभएपछि पुनः ६ महिना थपिएको छ । अब यसै वर्षको दसैंसम्म काम सक्ने कम्पनीको दाबी छ । सम्झौता बमोजिम स्टेडियम वरिपरि कालोपत्रे गर्न नाला बनाउने काम भइरहेको छ । नाला बनाउने सहित १६ वटा ट्वाइलेट ब्लकको फिनिसिङको काम बाँकी छ । साथै फुटबल मैदानमा भिआइपीतर्फको काम र कार्यालयदेखि चेन्जिङ रुमसम्मको कामसहित प्यारापिटतर्फ रहेका ट्वाइलेट बनाइने जनाइएको छ । निर्माणका लागि आवासीय सुविधासहित हाल पनि ४० जना कामदार निरन्तर खटिएका छन् ।
करिब १ अर्ब २८ करोड रुपैयाँ लागतमा रंगशाला निर्माण हुन लागेको हो
रंगशाला बनाउन २०७५ पुस १३ मा राष्ट्रिय खेलकुद परिषद् (राखेप) सँग सम्झौता भएको थियो । ६ महिनाभित्र स्टेडियम बनाउनुपर्ने सम्झौतामा उल्लेख भए पनि २ महिना ढिलो काम सुरु भएको थियो । रंगशालाको पूर्वी भागमा ५ हजार २ सय ६८, पश्चिममा ३ हजार ८ सय १४, उत्तरमा ३ हजार ४ सय ४४ र दक्षिणमा ३ हजार ६ सय ९० सिट (कुर्सी) जडान गरिएको छ । त्यसैगरी, अति विशिष्ट कक्ष (भिभिआइपी) मा २८, विशिष्ट कक्षमा २ सय २८ तथा अशक्तका लागि २८ सिट जडान गरिएका छन् । निर्माणाधीन रंगशालामा यसअघि २ संस्करणको आहा रारा गोल्डकप फुटबल प्रतियोगिता भइसकेको छ ।
राखेपकै योजना अनुसार प्यारापिटमा सिट संख्या बढाएर २० हजार सिट क्षमता पु¥याउने योजना थियो । तर अहिलेसम्म त्यसको कुनै जानकारी नआएको इन्जिनियर बरालले बताए । ‘२० हजार सिट क्षमता बनाउने कुरा त चलेको हो तर अहिलेसम्म माथिबाट कुनै जानकारी आएको छैन,’ उनले भने, ‘हामीले पहिलाकै सम्झौता अनुसार काम गरिहेका छौं ।’ उनका अनुसार १६ हजार ५ सय सिट क्षमताको रंगशाला बनाउने सम्झौता भएको थियो । २०३९ सालमा निर्माण गरिएको फुटबल रंगशालाको विशिष्ट कक्ष २०७२ को विनाशकारी भूकम्पबाट क्षति पुगेको थियो । अघिल्लो वर्ष नेपालमा भएको १३ औं दक्षिण एशियाली खेलकुद (साग) लक्षित गरी पोखरामा रंगशालासहित खेलकुदका भौतिक पूर्वाधार निर्माण गरिएको थियो ।
Related News
सम्बन्धित समाचार
निसीखोला दुर्घटनाका घाइते भन्छन्- चालकको लापरबाहीले दुर्घटना भयो
सहकारी प्रकरणमा गृहमन्त्री लामिछाने दोषी प्रमाणित भए कारबाही गर्नेे प्रधानमन्त्रीको प्रतिबद्धता
पोखराका मेयर धनराज आचार्यलाई मातृशोक
जसुलाई रोटरी भोकेसनल एक्सिलेन्स अवार्ड
पोखराको काहुँडाँडामा भीषण आगलागी
hero news full width
मुख्य समाचार
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
चैत्र ५, २०८०दीपक मनाङेलाई भाैतिक मन्त्रालय
चैत्र ५, २०८०चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०