Worldlink ads

२ मन्त्री पाएसँगै स्याङ्जावासी खुसी

आदर्श समाज सम्वाददाता
श्रावण ९, २०७८
mantri

स्याङ्जा । स्याङ्जाले गण्डकी प्रदेश सरकारमा २ मन्त्री पाएको छ । शुक्रबार मन्त्रिपरिषद् पूर्णसँगै ४ प्रदेशसभा निर्वाचन क्षेत्र रहेको स्याङ्जाले २ मन्त्री पाएको हो ।
कांग्रेसतर्फका समानुपातिक उम्मेदवार मेखलाल श्रेष्ठ शिक्षा, संस्कृति, विज्ञान तथा सामाजिक विकास मन्त्री र नेकपा गठबन्धनबाट प्रत्यक्षतर्फ निर्वाचित दीपक थापा (चर्तिमगर) वन, वातावरण तथा भू–संक्षण मन्त्री नियुक्त भएका हुन् । उनीहरुले शुक्रबार नै मुख्यमन्त्री कृष्णचन्द्र नेपाली पोखरेलको उपस्थितिमा प्रदेश प्रमुख सीताकुमारी पौडेलसमक्ष सपथ लिए ।
मुख्यमन्त्री पोखरेलले एक महिनापछि मन्त्रिमण्डललाई पूर्णता दिदै शुक्रबार थप ६ जना मन्त्री नियुक्त गरेका थिए । यसअघि २९ जेठमा मुख्यमन्त्री नियुक्त हुँदा उनले ५ सदस्यीय मन्त्रिमण्डल बनाएका थिए ।
प्रत्यक्षतर्फका ४ र समानुपातिकतर्फका १ सांसद रहेको स्याङ्जाले यसअघि एमालेका पृथ्वीसुब्बा गुरुङ नेतृत्वको सरकारमा एउटा पनि मन्त्री पाएको थिएन । गुरुङ नेतृत्वको सरकार ढलेसँगै पोखरेल नेतृत्वको सरकारमा एकै पटक २ मन्त्री पाएकोले जिल्लावासी खुसी छन् ।
बढ्दो कोरोना संक्रमण नियन्त्रणका लागि सर्वसुलभ रुपमा खोप छिटो उपलब्ध गराउनुपर्नेमा नवनियुक्त मन्त्रीसँग जिल्लावासीको प्रमुख अपेक्षा छ ।

शिक्षामन्त्री श्रेष्ठ
साविक दार्सिङ दहथुम गाविस हाल भीरकोट १ निवासी श्रेष्ठले नेविसंघबाट राजनीति यात्रा सुरु गरेका हुन् । वालिङ बहुमुखी क्याम्पसमा नेवि संघको इकाइ सभापति, जिल्ला उपसभापति, नेपाल तरुण दलको पूर्व केन्दीय सदस्य हुँदै कांग्रेस महासमिति सदस्य भएर जिम्मेवारी पूरा गरेका छन् ।
समानुपातिकतर्फ पहिलो नम्बरमा सूचिकृत थिए, उनी । उनी कांग्रेस संसदीय दलको उपनेतासमेत हुन् ।

वन मन्त्री चर्तिमगर
साविक बिरुवाअर्चले गाविस हाल बिरुवा २ निवासी चर्तिमगरले कम्युनिष्ट पार्टीको सदस्य लिई राजनीतिक यात्रा सुरु गरेका थिए । पूर्व शिक्षक उनी २०५२ सालदेखि नेकपा माओवादीमा आवद्ध हुन् । उनले पार्टीको जनसरकार स्याङ्जाको प्रमुख, राज्य समितिको सचिवालय सदस्य भएर काम गरिसकेका छन् ।
पहिलो संविधानसभा सदस्य निर्वाचनमा स्याङ्जा क्षेत्र १ मा उम्मेदवार भई पराजित उनी २०७४ को प्रदेशसभा चुनावमा क्षेत्र १ (क) मा तत्कालीन बाम गठबन्धनबाट निर्वाचित भएका थिए ।

Related News

सम्बन्धित समाचार

    • आँधीदोभानमा ८ स्टिमरमा क्षति

      आदर्श समाज सम्वाददाता असाेज १२, २०७८
      स्याङ्जा । कालीगण्डकी गाउँपालिका ७ स्थित आँधीदोभानमा राखिएका ८ वटा स्टिमर पुरिएको छ । कालीगण्डकी जल यातायात प्रालिअन्तर्गत सञ्चालित ती…
    • स्याङ्जाका १० पालिकामा मतदानबाट सभापति चयन

      आदर्श समाज सम्वाददाता असाेज १२, २०७८
      स्याङ्जा । नेपाली कांग्रेस स्याङ्जाका ११ वटै पालिकाको नतिजा सार्वजनिक भएको छ । चापाकोट नगरपालिकामा सर्वसम्मत नेतृत्व चयन भएको हो…
    • टिमुर खेती बिस्तारमा मन्त्री थापाको जोड

      रासस असाेज १२, २०७८
      पोखरा । गण्डकी प्रदेशका वन, वातावरण तथा भू–संरक्षण मन्त्री दीपक थापाले प्रदेशका सबै उच्च पहाडी क्षेत्रमा व्यनवसायिक टिमुर खेती बिस्तार…
    • पोखराको सुन्दरतामा रमाए राजदूत

      विजय नेपाल असाेज ११, २०७८
      पोखरा । नेपालस्थित विभिन्न राष्ट्रका ११ राजदूतसहित कुटनीतिक नियोगका पदाधिकारी सम्मिलित विशिष्ट पाहुनाको टोली पोखराको सुन्दरतामा रमाएको छ । गण्डकी…
    • नागरिकले अनुभूति गर्ने गरी सेवा दिन मुख्यमन्त्री पोखरेलकाे निर्देशन

      आदर्श समाज सम्वाददाता असाेज ११, २०७८
      पोखरा । गण्डकी प्रदेशका मुख्यमन्त्री मुख्यमन्त्री कृष्णचन्द्र नेपाली पोखरेलले नागरिकले अनुभूति गर्ने गरी सेवाप्रवाह गर्न स्थानीय तहका कर्मचारीलाई निर्देशन दिएका…

    hero news full width

    Jewellery

    sanil ads

    wordlink ads