गण्डकीमा एक महिनायताकै उच्च संक्रमित

आदर्श समाज सम्वाददाता
श्रावण ८, २०७८
Corona Banner

पोखरा । लकडाउन खुकुलोसँगै जनजीवन सहज बन्दै गए पनि गण्डकी प्रदेशमा कोरोना जोखिम कायमै छ । परीक्षण गरिएकामा मध्ये झण्डै आधामा संक्रमण देखिने गरेको छ ।
गण्डकीमा बिहीबार १ हजार ३२ जनाको नमुना परीक्षण भएकोमा करिब ४६ प्रतिशत अर्थात् ४ सय ७१ जनामा कोभिड–१९ पुष्टि भएको हो । यो संख्या एक महिनायताकै सबैभन्दा उच्च हो । यसअघि गत असार ८ मा प्रदेशमा ४ सय ८० जनामा संक्रमण देखिएको थियो । त्यस दिन भएको १ हजार ७ सय ९६ परीक्षणमा कुल संक्रमित करिब २७ प्रतिशत हुन आउँछ । त्यसको तुलनामा बिहीबार देखा परेको संक्रमण दर हेर्दा थप सचेतना अपनाउनुपर्ने हुन्छ ।
गत साउन ५ मा पनि परीक्षण तुलनामा संक्रमित धेरै देखा परेका थिए । त्यसदिन १२ सय नमुना परीक्षणमा ४ सय ३८ मा संक्रमण देखिएको प्रदेश स्वास्थ्य निर्देशनालयल जनाएको छ । एक महिना अवधिमा सबैभन्दा कम असार २६ मा मात्र १ सय २५ मा संक्रमण भेटिएको थियो । त्यस दिन ८ सय ८८ को नमुना परीक्षण भएको थियो ।
प्रदेशका ११ जिल्लामध्ये बिहीबार कास्कीमा मात्रै २ सय ७४ जनामा संक्रमण देखा परेको छ । तीमध्ये १ सय ३९ पुरुष र १ सय ३५ महिला हुन् । कास्कीमा सक्रिय संक्रमित संख्या अझै पनि हजार माथि छ । जिल्लामा १ हजार २ सय ६८ जना सक्रिय संक्रमित छन् ।
प्रदेश स्वास्थ्य निर्देशनालयका अनुसार कास्कीपछि सबैभन्दा बढी नवलपुरमा ५७ र गोरखामा ३९ जनामा संक्रमण पुष्टि भएको छ । यसैगरी, तनहुँका ३४, बागलुङका ३१, स्याङ्जाका २१, म्याग्दीका ७, पर्वतका ५ र लमजुङका ३ जनामा संक्रमण देखा परेको छ । हिमालपारिका जिल्ला मनाङ र मुस्ताङमा संक्रमण शून्य छ ।
यसैगरी, गएको २४ घण्टामा प्रदेशमा ६ सय ५५ जना निको भएका छन् भने ३ जनाको मृत्यु भएको छ ।

तेस्रो लहरको चेतावनी
स्वास्थ्य तथा जनसंख्या मन्त्रालयले कोरोना भाइरस संक्रमणको तेस्रो लहर आउन सक्ने भएकाले सचेत रहन आग्रह गरेको छ । मन्त्रालयका सहप्रवक्ता डा समीरकुमार अधिकारीले बिहीबार विज्ञप्ति जारी गर्दै निषेधाज्ञा खुकुलो भएसँगै संक्रमण दर बढ्दो देखिएकाले तेस्रो लहर आउन सक्ने बताएका हुन् ।
तेस्रो लहर आउनसक्ने भएकाले सबै स्वास्थ्य संघसंस्थालाई अक्सिजन, शय््यालगायत पूर्वाधार तयारी अवस्थामा राख्न अनुरोध गरिएको छ । मन्त्रालयबाट तेस्रो लहर आएर भयाभह स्थिति नआओस् भन्न सबै स्वास्थ्य संस्थालाई तयारी अवस्थामा राख्न अनुरोध गरिएको अधिकारीले बताए ।
‘सबै अस्पताललाई अक्सिजन भर्न र शय्या तयारी अवस्थामा राख्न निर्देशन दिएका छौं,’ उनले भने, ‘तेस्रो लहरले बालबालिकालाई बढी प्रभाव पार्ने भएकाले बालबालिकाका लागि सघन उपचारकक्ष (आइसियु) र भेन्टिलेटर तयारी अवस्थामा राख्न भनेका छौं ।’ नेपालमा गत चैत दोस्रो सातादेखि दोस्रो लहरको संक्रमण छ । नेपालमा अहिलेसम्म ७ लाख २४ हजार ४ सय ५५ जनामा संक्रमण पुष्टि भएको छ । यस्तै, ६ लाख ३६ हजार ४ सय २ जना निको भइ घर फर्किएका भने ९ हजार ६ सय ३७ जनाको ज्यान गइसकेको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width