पोखरा । नेपाली कांग्रेसका नेता शुक्रराज शर्माले पार्टीलाई केन्द्रबिन्दुमा राखेर सबैले काम गर्नुपर्ने बताएका छन् ।
३९ औं बिपी स्मृति दिवस अवसरमा कांग्रेस क्षेत्र २, कास्कीले बुधबार भलाममा आयोजना गरेको वृक्षरोपण तथा बिरुवा वितरण कार्यक्रममा बोल्दै उनले सो कुरा बताएका हुन् । उनले प्रजातन्त्रमा मात्रै सबैको आदर र सम्मान हुने उल्लेख गरे । कम्युनिष्टले मुलुकलाई धेरै बिगारेको आरोप लगाउँदै उनले मुलुक र जनताका लागि कांग्रेसले इमान्दारपूर्वक काम गर्नुपर्नेमा जोड दिए ।
कांग्रेसका महासमिति सदस्य सोभियतबहादुर अधिकारीले अहंकारका कारण कम्युनिष्ट पतन भएको बताए । महिलानेतृ बृन्दादेवी रानाले कांग्रेस नेतृत्वको सरकारले जनमुखी कार्यक्रमलाई प्राथमिकता दिनुपर्ने बताइन् । महासमिति सदस्य देवराज चालिसेले पार्टी भित्र व्यक्तिवादी प्रवृत्ति मौलाएको भन्दै चिन्ता व्यक्त गरे ।
गण्डकी प्रदेश सभा सदस्य बिन्दुकुमार थापाले जनताका काममा आफू प्रतिवद्व भएर काम गरिरहेको बताए । कांग्रेस कास्की क्षेत्र १ (ख) का सभापति कृष्ण कोइरालाले पार्टीका लागि सबैले योगदान गर्नुपर्नेमा जोड दिए ।
कार्यक्रममा महासमिति सदस्य गुरु बराल, गिरिराज गौतम, ऋषि काफ्ले, केशर निर्दोषी, वीरेन्द्रनारायण बिजुक्छे, पूर्व क्षेत्रीय सभापतिहरु शोभाचन्द्र बराल, निर्मलप्रसाद कर्माचार्य, कास्की कांग्रेसकी सहसचिव रंगीला आचार्य, प्रवक्ता नवीन सिग्देल, सदस्य मुकुन्द बास्तोला ‘ज्वाला’, कांग्रेस क्षेत्र २ (क) का सभापति विजयराज आचार्य, नेपाल महिला संघ पोखरा महानगर सभापति माया बराल, पूर्व केन्द्रीय सदस्य आनन्दी राणा, पोखरा वडा ९ का वडाध्यक्ष रामराज लामिछाने, वडा ११ का वडा अध्यक्ष मोहन बास्तोला, नेपाल विद्यार्थी संघका पूर्व केन्द्रीय सदस्य देवकृष्ण पराजुली, कांग्रेस वडा कार्यसमिति पोखरा ७ का सभापति नवीन बराल र पोखरा २ का सभापति तीलबहादुर गुरुङले बोलेका थिए ।
कांग्रेस कास्की क्षेत्र २ का सभापति माधव बास्तोला ‘मधु’ को अध्यक्षतामा भएको कार्यक्रमको सञ्चालन २ (ख) का सभापति दीपेन्द्र मर्सानीले गरेका थिए ।
Related News
सम्बन्धित समाचार
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
अधिकारी सरकारको भविष्य के होला ? सर्वाेच्चमा सुनुवाइ आज
मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
चुमानलाई पहिलोपटक ढुकुटीको साँचो, मनाङे फेरि भौतिकमा
hero news full width
मुख्य समाचार
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१