Worldlink ads

पोयुसाप अरुण सम्झिँदै

आदर्श समाज सम्वाददाता
श्रावण ७, २०७८
arun thapa~

पोखरा । पोखरेली युवा सांंस्कृतिक परिवारले सदाबहार गायक अरुण थापाको सम्झनामा शनिबार सांगीतिक कार्यक्रम गर्ने भएको छ । उनको २२ औं स्मृति दिवस अवसरमा अरुण थापा स्मृति दिवस–सांगीतिक कार्यक्रमलाई निरन्तरता दिने भएको हो ।
गीतसंगीतमार्फत गायक थापाप्रति सम्झना, सम्मान र श्रद्धाञ्जली प्रकट गर्ने कार्यक्रम तय भएको पोयुसापका अध्यक्ष मोती भुजेलले बताए । अध्यक्ष भुजेलका अनुसार सो कार्यक्रम पोखराको न्यूरोडस्थित ‘न्यूरोड रोधी क्लब’ मा सम्पन्न गरिने तयारी रहेको छ ।
पोयुसापका संस्थापक सदस्य समेत रहेका थापाको वर्षौंदेखि निरन्तररुपमा स्मृतिमा सांगीतिक कार्यक्रम गर्दै आएको परिवारले यो वर्ष पनि निरन्तरता दिएको पोयुसापका संगीत संयोजक एमडी काफ्लेले बताए ।
कोभिड १९ का कारण विगतको जस्तो धेरै संख्यामा उपस्थिति गराएर कार्यक्रम गर्न नसकिएको भन्दै उनले संख्यात्मक रुपमा थोरै मानिसको उपस्थिति रहे पनि गुणात्मक रुपमा कार्यक्रम भव्य गर्ने तयारी गरिएको बताए ।
संस्थाका संगीत विभाग सल्लाहकार गायक विनोद बानियाँले सो कार्यक्रम फेसबुक र युट्युब च्यानलमार्फत जहाँ बसेर पनि प्रत्यक्ष प्रसारण हेर्न सकिने प्रबन्ध मिलाइएको बताए ।
२००९ मा जन्मिएका थापा २०३० सालमा पोखरा आएर बसोबास गर्न थालेको पोयुसापका पूर्व अध्यक्ष विक्रम गुरुङले जानकारी दिए । गुरुङकै ‘कतै टाढा तिमीबाट पुगें भने म..’ नै अरुणको पहिलो रेकर्ड भएको गीत हो ।
अरुण थापाले पोखरामा पहिलो पटक तीसको दशकमा पोयुसापमा पनि पहिलो कार्यक्रममा गीत, संगीत प्रस्तुत गरेका थिए । उनको २०५६ सालमा निधन भएको हो ।

Related News

सम्बन्धित समाचार

    • कमेडी च्याम्पियनका फाइनलिष्ट सन्तोष पोखरामा

      आदर्श समाज सम्वाददाता भाद्र २९, २०७८
      पोखरा । कमेडी च्याम्पियनमा उत्कृष्ट ३ मा पर्न सफल हास्य कलाकार सन्तोष थापालाई गण्डकीका मुख्यमन्त्री कृष्णचन्द्र नेपाली पोखरेलले शुभकामना दिएका…
    • पोखराकी आकांक्षा मिस पेटिट ग्लोबलमा सहभागिता जनाउने

      आदर्श समाज सम्वाददाता श्रावण २०, २०७८
      पोखरा, २० साउन । मिस ग्रेस पोखरा–२०२१ आकांक्षा विश्वकर्माले मिस पेटिट ग्लोबलमा सहभागिता जनाउँदै छिन् । सोको लागि उनले तयारी…
    • प्रज्ञाको ‘सिंन्दुर’ ट्रेन्डिङमा

      आदर्श समाज सम्वाददाता श्रावण १९, २०७८
      पोखरा । प्रज्ञा जोशीको टेलिसिरियल सिंन्दुर युट्युबको ट्रेन्डिङमा छ । निर्माता प्रज्ञा जोशीले दर्शकको यो मायालाई हाम्रो टिमले ठूलो सम्मान…
    • ‘वन डढेको देखिन्छ हजुर…’

      आदर्श समाज सम्वाददाता असार ९, २०७८
      पोखरा, ८ असार । विश्व संगीत दिवस अवसरमा पोखराबाट ‘वन डढेको देखिन्छ हजुर…’ गीत सार्वजनिक गरिएको छ । जोजिजु म्युजिक…
    • नर्स सरस्वतीको ‘छाता ओढेर’ बजारमा

      आदर्श समाज सम्वाददाता वैशाख १६, २०७८
      पोखरा । गायक उज्ज्वल गिरी र सरस्वती पुरीको गीत ‘छाता ओढेर’ सार्वजनिक भएको छ । युट्युबमार्फत बुधबार भिडियोसहितको गीत सार्वजनिक…

    hero news full width

    Jewellery

    sanil ads

    wordlink ads