१८ वर्ष माथिकालाई पनि जोन्सन एन्ड जोन्सन खोप

रासस
श्रावण ६, २०७८
Vaccine

काठमाडौं । कोरोना भाइरस विरुद्धको जोन्सन एन्ड जोन्सन खोप काठमाडौँ जिल्लामा १८ वर्षमाथिका सबैलाई लगाइएको छ ।

खोप अभियानमा काठमाडौँ जिल्लामा सोचेभन्दा कमले लगाएको र खोप बच्ने भएकाले १८ वर्षमाथिका सबैलाई खोप लगाइएको स्वास्थ्य सेवा विभागको परिवार कल्याण शाखाका निर्देशक डा तारानाथ पोखरेलले जानकारी दिनुभयो ।

अहिले खोप लगाउनका लागि काठमाडौँ जिल्लाका ४४ वटा खोप केन्द्रमा भीड रहेको छ । उहाँले खोप भोलिसम्म खोप केन्द्रमा गएर लगाउन सकिने बताउनुभयो । उहाँले जोन्सन एन्ड जोन्सन खोपबारे नकारात्मक हल्ला भएपछि मानिसहरुले कम लगाएको हुनसक्ने भन्दै खोपले कुनै नकारात्मक प्रभाव नपार्ने बताउनुभयो ।

प्रधानमन्त्री शेरबहादुर देउवाले यही साउन ४ गते खोप अभियानको शुभारम्भ गर्नुभएको थियो । भोलिसम्म लगाइने खोप शुरुमा ५० देखि ५४ वर्ष उमेर समूहका सबैलाई भनिएको थियो । अमेरिकाले नेपाललाई १५ लाख ३४ हजार ८५० मात्रा जोन्सन एन्ड जोन्सन खोप कोभ्याक्स सुविधाअन्तर्गत यही असार २८ गते अनुदानमा उपलब्ध गराएको थियो ।

जोन्सन एन्ड जोन्सन खोप पूर्ण र अति अशक्त अपाङ्गता भएका नागरिक, नेपालमा बसोबास गरिरहेका शरणार्थी, स्वास्थ्य संस्थामा कार्यरत स्वास्थ्यकर्मी र सरसफाइकर्मी, यसअघिको अभियानमा खोप लगाउन छुट भएकालाई लगाइँदैछ । नेपालमा अहिलेसम्म ३१ लाख ५० हजार ९५६ जनाले पहिलो मात्रा र ११ लाख ५८ हजार १३० जनाले दोस्रो मात्रा खोप लगाइसकेका छन् ।

Related News

सम्बन्धित समाचार

    • आज कांग्रेस पदाधिकारी बैठक बस्दै

      रासस श्रावण १२, २०७८
      काठमाडौं । नेपाली कांग्रेसको पदाधिकारी तथा पूर्वपदाधिकारीको बैठक बस्ने भएको छ । आज बिहान १०ः०० बजे प्रधानमन्त्री एवं पार्टी सभापति…
    • ऋषिङका पहिरो पीडितलाई सिर्जनशीलको सहयोग

      आदर्श समाज सम्वाददाता श्रावण १२, २०७८
      दमौली । तनहुँको ऋषिङका बाढी पहिरो पीडित ४० घर परिवारलाई सिर्जनशील युवा मञ्चले राहत सामग्री वितरण गरेको छ । ऋषिङका…
    • अम्बिका शिशु पोषण अक्षयकोष हस्तान्तरण

      आदर्श समाज सम्वाददाता श्रावण १२, २०७८
      हेमजा । अम्बिका मावि, सुइँखेतअन्र्तगत समितिमातहत रहेको शिशु पोषण अक्षयकोष आइतबार विद्यालयलाई हस्तान्तरण गरिएको छ । कोषका संस्थापक अध्यक्ष नेत्रपाणि…
    • नेपाल सांस्कृतिक संघ गण्डकी समन्वय समिति गठन

      आदर्श समाज सम्वाददाता श्रावण १२, २०७८
      पोखरा । नेपाली कांग्रेसको शुभेच्छुक संस्था नेपाल सांस्कृतिक संघ गण्डकी प्रदेश समन्वय समिति गठन भएको छ । सोमबार बुद्धिबहादुर राना…
    • मुक्तिनाथले ल्यायो मासिक व्याजको खाता

      आदर्श समाज सम्वाददाता श्रावण १२, २०७८
      पोखरा । मुक्तिनाथ विकास बैंकले निक्षेपकर्तालाई अत्यन्त लाभदायी र बचत खातामध्ये सर्वाधिक ब्याजदर प्रदान गर्ने तथा मासिक व्याज आर्जन हुने…

    hero news full width

    Gandaki University

    sanil ads

    wordlink ads