नवलपुर । पश्चिम नवलपरासीका सीमावर्ती नाकाबाट भारततर्फ हरियो केराउ (मटर) तस्करी हुने गरेको छ । केराउ तस्करीका लागि यो जिल्लाका सीमा नाका ट्रान्जिट प्वाइन्टजस्तै बनेका छन् । प्रहरीले पटकपटक केराउ पक्राउ गर्ने गरे पनि तस्करी भने रोकिएको छैन । कानुनी झन्झटका कारण तस्करीको केराउ पक्राउ गर्न सकस भएको प्रहरीको भनाइ छ ।
तेस्रो मुलकबाट आउने केराउ भारतमा पुर्याउँदा प्रतिकेजी २० देखि ३० रुपैयाँ नेपाली नाफा हुने भएकाले तस्करी बढेको हो । केराउ तस्करी बढेपछि केही महिनाअघि निषेधाज्ञाको कारण देखाउँदै मटर ओसारपसारमा प्रतिबन्धसमेत लगाइएको थियो । अहिले फेरि केराउ तस्करी हुन थालेको छ ।
वीरगन्ज हुँदै भन्सार तिरेर ल्याइने अधिकांश केराउ राख्ने फर्मको नाम दसगजा नजिक रहेको स्थानमा तोकिएको हुन्छ । भूजहवा, झोलनीपुर, महेशपुरलगायत दसगजा क्षेत्रमा फर्मका गोदाम छन् । केही गोदाम परासी, गोपीगन्जमा रहे पनि सीमा क्षेत्रका गोदाममा लैजाने भन्दै बिल काटेर टेक्टर, जिप र ट्रकहरुबाट ती क्षेत्रमा पुर्याउने गरिएको छ । त्यहींबाट सीमा पार गर्ने गरिएको छ । बिलमा समेत दसगजा नजिकको गोदाम उल्लेख भएका कारणबीच बाटोबाट पक्राउ गर्न सकस भएको प्रहरीको भनाइ छ । विगतमा तस्करीलाई नियन्त्रण गर्न प्रहरीले आवश्यक अनुसन्धानका लागि भन्दै बीच बाटोबाट समेत केराउ पक्राउ गर्ने गरेको थियो । तस्करीलाई हतोत्साहित गर्न त्यसरी पक्राउ गरिएका केराउ ८÷१० दिन राखेर छाड्ने गरिएको थियो । अनलाइन बिलसहित सम्पूर्ण कागजपत्र भएकाले प्रहरीले कानुनी रुपमा राख्न नमिल्ने भएकाले छाड्ने गरिएको १ अधिकृतले बताए । दसगजा क्षेत्रमा सशस्त्र प्रहरी र नेपाल प्रहरीका पोस्ट छन् । चौबिसै घन्टा दसगजा क्षेत्रमा रहने सशस्त्र प्रहरीले समेत तस्करी नियन्त्रणमा वास्ता नगरेको स्थानीयको आरोप छ ।
केही ठूलो मात्राका केराउ प्रहरीले दसगजा वरपरका क्षेत्रबाट समेत पक्राउ गर्ने गरेको छ । हप्ता दिनअघि मात्र २२ लाख बराबरको केराउ जिल्ला प्रहरी कार्यालयले पक्राउ गरेको थियो । केराउ तस्करी बढ्न थालेपछि ३ साताअघि सरुवा भएर आएका प्रहरी उपरीक्षक मनोजकुमार यादवले निगरानी बढाउँदै हप्तादिन अघि उक्त मूल्य बराबरको १ सय ८० सय क्विन्टल केराउ पक्राउ गरेका हुन् । बेवारिसे अवस्थामा रहेको भन्दै उक्त केराउ आवश्यक कारबाहीका लागि महेशपुर भन्सार पठाइएको छ । ‘जिल्लाको जनसंख्याको आधार हेर्दा यहाँ आउने केराउ अधिक छ । त्यो सबै केराउ भारत तस्करी गर्न हो,’ यादवले भने । आफ्नो पहिलो प्राथमिकता अपराध नियन्त्रण र तस्करी निरुत्साहित पार्ने रहेको उनले बताए । गलत नियत राखेर तस्करीमा सहयोग गर्ने कोही मातहतका इन्चार्ज संलग्न भएको पाइए तत्काल कारबाही गरिने र सोही अनुसार नियन्त्रणका लागि निर्देशन दिइएको प्रहरी उपरीक्षक यादवले बताए ।
‘ जिल्लाका नाकाहरुबाट केराउ, मरिच, सुपारीजस्ता सामग्रीहरु भारततर्फ तस्करी हुने गरेको जानकारी पाएका छौं । तर गोदाम नै दसगजामा लगेर राख्नाले समस्या भएको छ ।’ उनले भने । यस्ता वस्तुहरुको गोदाम सदरमुकाम वा राजमार्ग क्षेत्रमा मात्र राख्न पाइने प्रावधान हुन सके प्रहरीलाई तस्करी नियन्त्रणमा सघाउ पुग्ने प्रहरी उपरीक्षक यादवको सुझाव छ ।
Related News
सम्बन्धित समाचार
अधिकारी सरकारको मुख्य न्यायाधिवक्ता चिरन्जीवी शर्मा !
कामचलाउ सरकारको आयु लम्बियो
गण्डकी सरकार विरुद्धको रिट सपना र सारंगाको बेन्चमा
अधिकारी सरकारको भविष्य के होला ? सर्वाेच्चमा सुनुवाइ आज
चुमानलाई पहिलोपटक ढुकुटीको साँचो, मनाङे फेरि भौतिकमा
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१