वृद्धाश्रमको ४ कोठ भवन उद्घाटन

आदर्श समाज सम्वाददाता
श्रावण ५, २०७८
building udgatan

लेखनाथ । पोखरा ३२ को राधाकृष्ण मन्दिर वृद्वाश्रम परिसरमा नवनिर्मित ४ कोठे भवनको सोमबार उद्घाटन गरिएको छ । महिला बालबालिका तथा ज्येष्ठ नागरिक मन्त्रालयकी सचिव यमकुमारी खतिवडाले भवन उद्घाटन गरेकी हुन् । उनले वृद्धवृद्धाहरु समाजका पथप्रदर्शक भएको बताउँदै वृद्धआश्रममा आश्रित ज्येष्ठ नागरिकको दैनिकीलाई सरल र सहज बनाउने उद्देश्यले निर्माण भएको भवनले उनीहरुको दैनिकी सहज हुने विश्वास गरिन् । स्थानीय, प्रदेश र केन्द्रीय सरकारमार्फत थप सहयोग गर्नुपर्ने बताउँदै आगामी वर्षका लागि मन्त्रालयबाट १५ लाख विनियोजन गरेको जानकारी दिइन् । महिला बालबालिका तथा ज्येष्ठ नागरिक मन्त्रालयको ३० लाख सहयोगमा भवन निर्माण गरिएको हो ।
कार्यक्रममा पोखरा राधाकृष्ण मन्दिर वृद्धाश्रमका अध्यक्ष प्रेम लिगल, प्रथम उपाध्यक्ष विश्वराज लामिछाने, संस्थाकी पूर्व कोषाध्यक्ष पवित्रा अधिकारी, संस्थाका अक्षयकोष दाता महेन्द्रकुमार श्रेष्ठलगायतले बोलेका थिए ।
यसैबीच ज्येष्ठ नागरिकको सेवामा समर्पित राधाकृष्ण वृद्धाश्रमको स्थापना र श्रीवृद्धिमा योगदान पु¥याएका संस्थाका पूर्व कोषाध्यक्ष पवित्रा अधिकारी, संस्थाका सदस्य चन्द्रबहादुर सुवेदी, सुष्मिता चापागाईं र पार्वती घिमिरेलाई सम्मान गरिएको थियो ।
आश्रममा रहेका ज्येष्ठ नागरिकको दैनिकी सहज बनाउन पोखरा ३०, पावरहाउसका हाल अमेरिका बस्ने कृष्णराज लिगलले १ लाख २० हजारको अक्षयकोष स्थापना गरेका छन् । यस्तै पोखरा १७ ड्यामसाइड निवासी महेन्द्रकुमार श्रेष्ठले ५५ हजार ५ सय ५५ रुपैयाँको अक्षयकोष स्थापनाका लागि संस्थाका अध्यक्ष प्रेम लिगललाई रकम हस्तान्तरण गरेका छन् ।
२०६८ सालमा स्थापित राधाकृष्ण वृद्धाश्रममा हाल ६० जना ज्येष्ठ नागरिकले आश्रय लिइरहेका छन् । वृद्धाश्रमका अध्यक्ष प्रेम लिगलको अध्यक्षता भएको कार्यक्रममा प्रथम उपाध्यक्ष विश्वराज लामिछानेले स्वागत र महासचिव शोभामोहन पौडेलले सञ्चालन गरेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width