परासी । भारतीय नम्बर प्लेटका मोटरसाइकललाई प्रहरीले नियन्त्रणमा लिन थालेपछि पश्चिम नवलपरासीका सांसददेखि दलका नेता सिडिओ कार्यालय धाउन थालेका छन् । अपराध नियन्त्रण र शान्तिसुरक्षामा सहज ल्याउन भन्दै आइतबारदेखि जिल्ला प्रहरी कार्यालयले भारतीय नम्बर प्लेटका मोटरसाइकलसहित चारपांग्रे गाडी चेकजाँचमा कडाइ गर्न थालेको छ । नेताहरु आफ्ना कार्यकर्ताले छुटाउन दबाब दिन थालेका हुन् । कार्यकर्ताको दबाबलाई थेग्न नसकेका नेताहरु सर्वदलीय डेलिगेसन भन्दै प्रशासन कार्यालय पुगेर चेकजाँचलाई कडाइ नगर्न प्रमुख जिल्ला अधिकारीलाई दबाब दिएका हुन् ।
आइतबार डेलिगेसन पुगेका नेतामा प्रदेश सांसद बैजनाथ जयसवालदेखि नेकपा एमाले, कांग्रेस, माओवादी केन्द्र, जनता समाजवादीलगायत दलका छन् ।
प्रहरीले आइतबारमात्रै ३० भन्दा बढी मोटरसाइकललाई नियन्त्रण लिएको छ । सीमावर्ती ग्रामीणदेखि सहरी क्षेत्रमा भारतीय नम्बर प्लेटका सवारीसाधन छ्याप्छ्याप्ती सञ्चालन हुने गरेका छन् । सर्वसाधारणदेखि जिल्लाका नेताले समेत भारतीय सवारीसाधन लिएर हिंड्ने गरेका छन् । त्यसरी सञ्चालन हुने अधिकांश मोटरसाइकलमा आवश्यक कागजपत्र नरहेको र भन्सार सुविधा र सहुलियतबिनै खुलेआम चल्न थालेपछि सुरक्षा समितिको बैठकले अभियान नै सञ्चालन गरेर नियन्त्रण लिने निर्णय गरेको प्रजिअ धर्मेन्द्रकुमार मिश्रले बताए । ‘कागजपत्र नबोक्ने र मोटरसाइकल चालकले हेलमेट नलगाउने र ३ जना सवारी राखेर हिड्ने कार्यले प्रहरीलाई नै चुनौती भयो । त्यतिमात्र होइन दुर्घटना गराएर फरार हुँदा सोधखोज गर्न समेत समस्या भएकाले अभियान सञ्चालन गरेका हौं,’ जिल्ला प्रहरी कार्यालयका उपरीक्षक मनोज कुमार यादवले भने ।
सीमावर्ती क्षेत्रमा लागुऔषध ओसारपसार र अन्य अपराधमा समेत भारतीय नम्बर प्लेटका मोटरसाइकल प्रयोगले समस्या ल्याउन थालेकोले चेकजाँच कडाइ गर्न मातहतका सबै युनिटलाई पत्रचार गरेको प्रहरी उपरीक्षक यादवको भनाइ छ । जेकजाँचमा पर्ने सबै भारतीय नम्बर प्लेटका सवारीसाधनका लागि प्रहरीले तयार गरेको फर्मेट भर्न अनिवार्य गरिएको छ ।
यसैबीच, जनता समाजवादी पार्टीका अध्यक्ष धरेन्द्र यादवले प्रहरीलाई दबाब दिन नभई चेकजाँचलाई सहज बनाउन र व्यवहारिकता बुझिदिन डेलिगेसन गएको दाबी गरे । ‘अहिले नाका बन्द छ । भन्सारबाट सुविधा समेत काट्न पाइँदैन । त्यस्ता मोटरसाइकलबारे सोचि दिन आग्रह गरेका छौं । कागजपत्र नहुनेलाई कानुनी कारबाहीमा हाम्रो कुनै गुनासो छैन । सहयोग नै रहन्छ,’ यादवले भने ।
विदेशबाट आउने सवारीसाधनको हकमा कार, जीप र भ्यानमा दैनिक ५ सय रुपैयाँ र मोटरसाइकल र स्कुटरमा १ सय रुपैयाँ भन्सार महसुल तिरेपछि १ दिनका लागि अस्थायी पैठारी पाउने आर्थिक अध्यादेश २०७८ मा उल्लेख छ । त्यसरी अस्थायी पैठारी पाएकाहरु सोही दिन फर्कनु पर्ने व्यवस्था छ । सोही अध्यादेशमा बिना शुल्क सुविधा लिएर सीमाबाट नजिकको बजारसम्म पुग्न सकिने उल्लेख छ । तर यहाँ सञ्चालन हुने अधिकांश सवारीसाधनले महसुल र सुविधा नलिई महिनौंसम्म निर्धक्क टाढाका बजारसम्म पुग्ने गरेका छन् ।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१