रोटरी पोखरा न्यूरोडको पदस्थापन

आदर्श समाज सम्वाददाता
श्रावण ३, २०७८
Rotary newroads

पोखरा । रोटरी क्लब अफ पोखरा न्यूरोडको १२ औं पदस्थापन भएको छ । पदस्थापन अधिकृत एवं रोटरी इन्टरनेशनल डिष्ट्रिक्ट ३२९२ नेपाल–भुटानका डिष्ट्रिक्ट गभर्नर इलेक्ट जितेन्द्रबहादुर राजभण्डारीले वर्ष २०२१÷०२२ का क्लब अध्यक्ष एवं पदाधिकारीलाई पदस्थापन गराएका हुन् ।
राजभण्डारीले नेपालमा रोटरीको आवश्यकता र महत्व बढ्दै गएको बताउँदै थप जिम्मेवार भएर अघि बढ्न सुझाव दिए । उनले रोटरियन सधैं समाजका सारथि हुन्, अहिले विश्वमा देखिएको संकटले रोटरीलाई थप जिम्मेवार बनाएको बताए । सामाजिक क्रियाकलापलाई तिव्रता दिनका लागि रोटरियन सक्रिय भएर लाग्न आह्वान गरे ।
निवर्तमान डिष्ट्रिक्ट गभर्नर किरणलाल श्रेष्ठले पदस्थापित अध्यक्षलाई बधाई दिँदै सफल कार्यकालको लागि शुभकामना प्रदान गरे । उनले रोटरी क्लबले गरेको सामाजिक कामको प्रशंसा गर्दै सामाजिक सेवामा लाग्न सबैलाई आग्रह समेत गरे । समारोहमा डिष्ट्रिक्ट गभर्नर नोमिनी राजेन्द्रप्रसाद ध्वजु, क्लबका संस्थापक अध्यक्ष रविराज बराल लगायतले नयाँ कार्यसमितिलाई सफल कार्यकालको शुभेच्छा दिए ।
कार्यक्रममा निवर्तमान अध्यक्ष पशुपति शर्माले वर्ष २०२१/०२२ अध्यक्ष सुवर्ण कोइरालालाई रोटरी ग्राभेल तथा ह्याम्मर हस्तान्तरण गरे । शर्माले आफ्नो कार्यकालमा सहयोग गर्ने सबैलाई धन्यवाद ज्ञापन गर्दै अध्यक्ष सहितको नयाँ टिमलाई सफल कार्यकालको कामना गरे ।
यस्तै, क्लबको प्रोजेक्ट पाटर्नर बाबा फाउन्डेसन नेपाललाई सम्मान गरिएको पूर्व अध्यक्ष एवं कार्यक्रम संयोजक दिनेशचन्द्र बास्तोलाले जानकारी दिए । डिष्ट्रिक्ट गभर्नर इलेक्ट राजभण्डारीले फाउन्डेसन सचिव टंकराज अधिकारीलाई सम्मानपत्र हस्तान्तरण गरेका हुन् ।
अध्यक्ष कोइरालाले क्लबले गरेका कार्यको निरन्तरता दिँदै कोभिड–१९ ले निम्ताएको संकटलाई चुनौतीबीच अवसरको पहिचान गरी क्लबमा एउटा इँट्टा भए पनि थप गर्ने प्रतिबद्वता ब्यक्त गरे । कार्यक्रममा क्लब प्रेसिडेन्ट इलेक्ट गीता सिग्देल, प्रेसिडेन्ट नोमिनी रामविक्रम अधिकारी, भाइस प्रेसिडेन्ट दीपेन्द्र शर्मा, सचिव अमृतप्रसाद बास्तोला लगायतले बोलेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width