पोखरा । स्याउ उत्पादन हिसाबले मुस्ताङ अधिक राम्रो जिल्ला मानिन्छ । स्वादका कारण मुस्ताङी स्याउको बजार राम्रो छ । जिल्लाभर १ हजार २ सय हेक्टरमा स्याउ खेती हुने तथ्यांक छ । १ हजार ५ सय हेक्टरमा स्याउ खेती हुने सम्भावना छ । हाल ५ सय हेक्टरबाट मात्रै उत्पादन भइरहेको जानकारहरु बताउँछन् । ९ मेट्रिक टन प्रतिहेक्टर उत्पादन क्षमता छ । किसानले वार्षिक ६ हजार मेट्रिक टन स्याउ बेचेर ६० करोडभन्दा बढी भित्र्याउँछन् । तर अधिकांशको बारीमा अझै रैथाने बिरुवा छ ।
पछिल्ला वर्षमा मुस्ताङमा धमाधम उन्नत जातका बिरुवा भित्रिन थालेका छन् ।४ वर्षदेखि किसानले आफ्नै लगानीमा इटालीका स्याउ ल्याउन थालेका थिए । संघ सरकारले २ वर्षअघि अनुदानमा स्याउ जोनमार्फत बिरुवा वितरण गर्न थाल्यो । प्रदेशले पनि प्राथमिकतासाथ स्याउ उत्पादनलाई जोड दिएको छ । अघिल्लो वर्ष ४२ हजारभन्दा बढी बिरुवा ल्याएको गण्डकीले अहिले २६ हजार बिरुवा ल्याएको छ ।
धेरै उत्पादन गरेर किसानलाई लाभ पुर्याउने उद्देश्यले सरकारले उच्च घनत्वका बिरुवा वितरण गरेको हो । यो वर्ष मुस्ताङलाई मात्रै फोकस गरेर बिरुवा बाँडिएको छ । ‘कृषक समूह र फर्मसहित २८ समूहलाई बिरुवा वितरण गरेका छौं,’ अधिकृत प्रकाश बस्ताकोटीले भने, ‘ल्हो घेकरसम्म बिरुवा पुर्यायौं । जिल्लाभर उन्नत बिरुवा पुगेको छ ।’ जलवायु परिवर्तनका कारण लोमान्थाङसम्म पनि स्याउ फल्न थालेको छ । यसअघि त्यहाँ स्याउ फलेको रेकर्ड छैन । एक्याप लोमान्थाङका अनुसार किसानले धमाधम स्याउको बिरुवा सार्न थालेका छन् । गाला, फुजी र डेलिसियस जातका स्याउ सरकारले ल्याएर वितरण गरेको हो ।
मुस्ताङी किसानले वार्षिक ६ हजार मेट्रिक टन स्याउ बेचेर ६० करोडभन्दा बढी भित्र्याउँछन् ।
‘पोहोर मराङसम्म पुगेको थियो । अहिले ल्हो घेकरका किसानले लगेका छन्,’ बस्ताकोटी भन्छन्, ‘किसानमा नयाँ बिरुवाले ठूलो उत्साह छ । केही वर्षपछि मुस्ताङ स्याउ उत्पादनका हिसाबले कायापलट हुनेछ ।’ स्याउ जोन कार्यक्रमले पनि थप ७ हजार बिरुवा वितरण गरेको छ । इटालीबाट ल्याइएका बिरुवा सुरुमा धेरै लगानी हुने र छिटो उत्पादन दिने खालका हुन् । यो बिरुवाले रैथाने जातमा कुनै असर नगर्ने विज्ञहरु बताउँछन् । ‘रुट स्टकमात्रै फरक हो । जात उही हो । यसको उत्पादन बढी हुन्छ,’ भूमि व्यवस्था, कृषि, सहकारी तथा गरिबी निवारण मन्त्रालयका उपसचिव गृष्म न्यौपानेले भने, ‘स्वादमा खासै फरक पर्दैन । धेरै फलाएर लाभ धेरै लिन सकिएला भन्ने विश्वास छ ।’
गण्डकी सरकारले अघिल्लो वर्ष मनाङमा २३ हजार र उत्तरी गोरखामा ६ हजार बिरुवा वितरण गरेको थियो । ‘अहिले अरु जिल्लामा कार्यक्रम भएन । मुस्ताङको सम्भावना राम्रो देखियो । बिरुवा पनि त्यतै गयो,’ उनले भने, ‘लकडाउनका कारण १ महिना कोलकत्तामै होल्ड भयो । नत्र पहिले नै वितरण हुन्थ्यो ।’ तर किसानले भने यो बिरुवाको लागत खर्च बढी भएको बताए । यो वर्ष प्रतिबिरुवा ९ सय ४९ रुपैयाँ लागत परेको छ । त्यसमा प्रदेश सरकारले ७५ प्रतिशत व्यहोरेको छ भने किसानले २५ प्रतिशतमात्रै तिर्छन् ।
‘अनुदान बिरुवामा मात्रै भयो । बगैंचा व्यवस्थापनमा समस्या छ । पशुपालन क्षेत्र पनि भएकोले तारबार गर्नुपर्ने ठाउँ छ,’ बस्ताकोटीले भने, ‘एकीकृत खेती गर्न किसानलाई प्रोत्साहन गर्नु छ । अघिल्लो वर्ष रोपेका स्याउबाट राम्रो उत्पादन हुन थालेको छ । उहाँहरु उत्साही हुनुहुन्छ ।’ उनका अनुसार रोपेको ३ वर्ष पूरा भएको बिरुवाबाट १५ किलोसम्म उत्पादन हुन थालेको छ । यो बिरुवा १ रोपनीमा १ सय ५० वटासम्म रोप्न मिल्छ । उच्च घनत्वका बिरुवा उत्पादन गर्न मुस्ताङमा नर्सरी पनि स्थापना गरिएको छ । प्रदेशले ३ जिल्लामा स्याउ विशेष कार्यक्रम चलाएको छ । सुरुमा किसानले यो बिरुवामा खासै विश्वास गरेका थिएनन् । तर फल लाग्न थालेपछि आकर्षण बढेको छ ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१