गण्डकी प्रज्ञा प्रतिष्ठानमा २०८ औं भानु जयन्ती

आदर्श समाज सम्वाददाता
असार ३०, २०७८
dhunma kavitas

पोखरा । गण्डकी प्रज्ञा प्रतिष्ठानले पहिलो कार्यक्रमका रूपमा नेपाली साहित्यका जरो मानिने आदिकवि भानुभक्त आचार्यको २०८ औं जन्मजयन्ती मनाएको छ ।
प्रतिष्ठानले विद्वत प्रवचन, धनुमा कवितावाचन र सम्मानसहित विविध कार्यक्रमका साथ जयन्ती मनाएको हो ।
प्राज्ञ तीर्थ श्रेष्ठले देशमा सबैको आ–आफ्नै सत्ता भएकाले सत्ताको सत्य जोगाउने जिम्मा तिनै जिम्मेवार व्यक्तिको भएको बताए । उनले नेपाली भाषा, साहित्य र सर्जकको उपेक्षा गरेर विदेशीको गुलामी संस्कार मोलाउनु दुःखद् भएको धारणा राखे ।
प्राज्ञ श्रेष्ठले मौरीले सुवास, झिँगाले फोहर दिने स्मरण गर्दै दुनियाँमा एउटै व्यक्तिले सबै दिन नसक्ने भएकाले केही झिँगाले भानुभक्तको योगदानको उपेक्षा गर्नु हास्यास्पद रहेको बताए ।
भानुभक्तको चिनारी प्रस्तुत गर्दै प्राडा रविलाल अधिकारीले भानुभक्तलाई राष्ट्रियताका प्रतीकका रुपमा चिनाए । बिम्ब कवि रमेश श्रेष्ठले भानुभक्त आचार्यले नेपाली भाषाको प्रचारप्रसार र महत्वमा भानुभक्तको योगदान अतुलनीय रहेको उल्लेख गरे ।
प्रतिष्ठानका कुलपति सूर्य खड्का बिखर्चीले प्रतिष्ठानले स्रष्टाको सम्मान जिउँदैमा गर्नुपर्ने मान्यतानुरुप आफ्ना कार्यक्रम तय गरेको बताए ।
प्रतिष्ठानले आयोजना गरेको धुनमा कविता कार्यक्रममा ६ जिल्लाका कविले आफ्ना रोजा कविता सुनाएका थिए । कविता सुनाउने कविमा कास्कीका शिव त्रिपाठी, शंकरमणि त्रिपाठी, लक्ष्मी थापा, स्याङ्जाका डा. नारायणप्रसाद अधिकारी, सुदर्शन पौडेल, तनहुँका अम्बिकाप्रसाद भट्टराई, लमजुङका कुमार तामाङ, सरस्वती श्रेष्ठ सरु, गोरखाका लोकनाथ पुडासैनी र पर्वतका डा. जगन्नाथ रेग्मीले कवितावाचन गरेका थिए ।
कवितावाचनका क्रममा कलाकर्मी तथा संगीतकर्मी अम्मर राना मगर, युमिन गुरुङ र रोशन गुरुङले मुरली, मादल र सारंगीमा साथ दिए ।
कुलपति सूर्य खड्का बिखर्चीको अध्यक्षतामा भएको कार्यक्रममा उपकुलपति गोरे गुरुङले स्वागत गरे भने सदस्य सचिव मनकुमार श्रेष्ठले सञ्चालन गरेका थिए ।

यता, भानु वाङ्मय प्रतिष्ठान पोखराले भानुको प्रतिमामा माल्यार्पण तथा उनको योगदानको स्मरण गर्दै २०८ औं भानु जयन्ती मनाएको छ । पोखरा–११ फूलबारीस्थित आदिकवि भानुभक्त आचार्यको पूर्णकदको प्रतिमामा मंगलबार बिहान माल्यार्पण गर्दै जयन्ती मनाइएको हो ।
प्रतिष्ठानका अध्यक्ष सरुभक्त श्रेष्ठको अध्यक्षतामा भएको उक्त कार्यक्रममा सचिव अम्बिकाप्रसाद भट्टराई, डा. चैतन्य अधिकारी, भानु मार्ग आमा समूह क का अध्यक्ष मीठुदेवी गुरुङ, प्रतिष्ठानका सदस्य कृष्णप्रसाद बास्तोला, पद्मराज उदासी, धर्मराज पौडेल अल्पायु, साहित्यकार भीम रानाभाटलगायतले आदिकविको योगदानको स्मरण गरेका थिए ।
आदिकवि भानुभक्तको २०८ औं जन्मजयन्तीको अवसरमा भानु वाङ्मय प्रतिष्ठान पोखराले २०७१ सालमा भानुको पूर्णकदको प्रतिमा निर्माण गरेको थियो ।

Related News

सम्बन्धित समाचार

    • कोलकातामा भानुको सम्झना

      आदर्श समाज सम्वाददाता श्रावण ७, २०७८
      पोखरा । भारतको कोलकातामा २०८ औं भानुजयन्ती मनाइएको छ । नेपाली जनकल्याण समिति, दासनगर–५, हावडा कोलकाताको आयोजनामा भर्चुअल माध्यमबाट आदिकवि…
    • शुक्ला साहित्यमा स्रष्टा छनोट समिति

      आदर्श समाज सम्वाददाता श्रावण २, २०७८
      पोखरा । शुक्ला साहित्य प्रतिष्ठान बाटुलेचौर पोखराले स्रष्टा छनोट गर्न समिति गठन गरेको छ । प्रतिष्ठानका मानार्थ सदस्य रामबहादुर बानियाको…
    • नेपाल सांस्कृतिक संघद्वारा मुख्यमन्त्रीलाई बधाई

      आदर्श समाज सम्वाददाता असार १२, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलसमक्ष नेपाल सांस्कृतिक संघ केन्द्रीय समितिले शुक्रबार भेट गरेको छ । संघका केन्द्रीय…
    • मेनकाजी : कर्मशील, निष्ठावान, अब्बल संस्कृतिकर्मी

      रेम विक जेठ १९, २०७८
      पोखरा ।  ‘जे काम होस्, त्यो समयमै हुनुपर्छ ।’ मेनकाजी यस्तै भन्थे अनि गर्थे पनि । मेनकाजी गुरुङको पर्याय नै…
    • हेमजा प्रतिष्ठानमा बाल प्रतिभा गोष्ठी

      आदर्श समाज सम्वाददाता जेठ १८, २०७८
      हेमजा । हेमजा साहित्य प्रतिष्ठानको आयोजनामा राष्ट्रिय बाल प्रतिभा भर्चुअल काव्य गोष्ठी भएको छ । कार्यक्रममा सर्जक रमेशचन्द्र घिमिरेले बालबालिकाले…

    hero news full width

    Gandaki University

    sanil ads

    wordlink ads