शिलान्यासको ८ वर्षसम्म पनि बनेन पुल

आदर्श समाज सम्वाददाता
असार २८, २०७८
nabalpur

नवलपरासी । पश्चिम नवलपरासीको सरावल गाउँपालिकास्थित धनेवा खोलामा निर्माण थालनी गरेको पक्की पुल ८ वर्ष बितिसक्दा पनि बनेको छैन । निर्माण कम्पनीको लापर्बाही र सडक डिभिजन कार्यालयको उदासिनता कारण निर्माणाधीन पुल अलपत्र अवस्थामा छाडिएको हो । पुल निर्माण हुन नसक्दा १५ मिनेटमा पुग्ने गाउँका लागि स्थानीय १ घण्टा लगाएर आवतजावत गर्नुपर्ने बाध्यता छ ।
गाउँपालिकाको भुजहवा र मधौलिया गाउँ जोड्ने पुल निर्माणका लागि २०६९ असार २६ मा सम्झौता भएको थियो । पूर्वमन्त्री हृदयेश त्रिपाठीको निर्वाचन क्षेत्रमा पर्ने उक्त पुल तत्कालीन भौतिक, योजना निर्माण तथा यातायात मन्त्री हुँदा उनैले शिलन्यास गरेका हुन् ।
सडक डिभिजन कार्यालय बुटवलअन्तर्गत उक्त पुलको कुल लागत ५ करोड ५४ लाख हो । तर निर्माण कम्पनीले ३ करोड ७१ लाखमा ठेक्का लिएको डिभिजन कार्यालयका इ. अशोक पौडेलले बताए । २ वर्षभित्र काम सक्ने गरी काठमाडौं मैनाचोली बक्सिङ्ग जेभी कम्पनीलाई ठेक्का दिइएको हो ।
समयमा काम नसकेपछि हालसम्म ३ पटक म्याद थपिएको छ । क्षतिपूर्ति लगाउने गरी अन्तिम पटक २०७७ जेठ २६ भित्र काम सक्न म्याद थप गरिएको थियो । तर सो अवधिमा पनि काम पूरा गर्न नसकेको इ. पौडेलले जानकारी दिए ।
पुलको अन्य काम अरुलाई दिएर निर्माण कार्य अघि बढाउन समेत कार्यालयले पहल गरेको छैन भने कालोसूचीमा समेत राखिएको छैन । ‘ठेक्का तोडर अरुलाई दिँदा झन्झटिलो र लामो समय लाग्ने भएकाले क्षतिपूर्ति लिएर भए पनि सोही कम्पनीलाई काम गर्न भनेका छौं,’ इ. पौडेलले भने । अहिलेसम्म ८८ प्रतिशत काम सकिएको पौडेलको दाबी छ ।
अहिलेसम्म निर्माण कम्पनीले ५० प्रतिशत भन्दा बढी रकम लागिसकेको कार्यालयले जनाएको छ । २ वर्षदेखि बाँकी काम भएको छैन । काम तत्काल सुरु गर्न निर्माण कम्पनीलाई पटक पटक ताकेता गरिरहेको र काम सकिएपछि क्षतिपूर्ति कटाएर रकम भुक्तानी गरिने कार्यालयले जनाएको छ ।

Related News

सम्बन्धित समाचार

    • सातामै करिब २९ सय संक्रमित

      आदर्श समाज सम्वाददाता श्रावण ११, २०७८
      पोखरा  । गण्डकी प्रदेशमा पछिल्लो साता थप २ हजार ८ सय ८९ जना संक्रमित भएका छन् । लकडाउन खुकुलो भएसँगै संक्रमित…
    • ओढारमा २२ नाल भरुवा बन्दुक भेटियो

      रासस श्रावण ११, २०७८
      गलकोट । बागलुङमा लुकाइराखेको अवस्थामा प्रहरीले २२ नाल भरुवा बन्दुक फेला पारेको छ । आइतबार दिउँसो प्रहरीचौकी बुङ्गादोभान बागलुङबाट खटिएको…
    • गुणस्तरीय स्वास्थ्य सेवा प्रदान गर्ने प्रतिबद्धता

      आदर्श समाज सम्वाददाता श्रावण ११, २०७८
      नवलपुर । गण्डकी प्रदेशका स्वास्थ्य तथा जनसंख्यामन्त्री मधु अधिकारी गुरुङले नवलपुर जिल्लामा रहेका स्वास्थ्य कार्यालय, अस्पताल तथा आर्युुबेदिक कार्यालयहरुको अनुमगन…
    • पदभार ग्रहणसँगै मन्त्री शर्माका २ निर्णय

      आदर्श समाज सम्वाददाता श्रावण ११, २०७८
      पोखरा । गण्डकी प्रदेशका पर्यटन, उद्योग, वाणिज्य तथा आपूर्ति मन्त्री मणिभद्र शर्माले आइतबार पदभार ग्रहण गरेका छन् । पदभार ग्रहणका…
    • चन्द्रबहादुरको आम्दानी ३० हजार, भाडा डेढ सय

      सविन लामिछाने श्रावण ११, २०७८
      दमौली । पृथ्वीराजमार्गको छेउमै टिनले छाएको र टिनले नै बारेको टंकी । त्यही टंकीको सहारामा पालिन्छन् चन्द्रबहादुर नेपालीको परिवारका ९…

    hero news full width

    Gandaki University

    sanil ads

    wordlink ads