स्वतन्त्रता सेनानी पाण्डेको श्रद्धाञ्जली सभा

आदर्श समाज सम्वाददाता
असार २७, २०७८
narayan bahadur pandey a

पोखरा । स्वतन्त्रता सेनानी नारायणबहादुर पाण्डेको निधनप्रति नेपाली कांग्रेसका महामन्त्री शशांक कोइराला र गण्डकी प्रदेशका मुख्यमन्त्री कृष्णचन्द्र नेपाली पोखरेलले श्रद्धाञ्जली व्यक्त गरेका छन् ।
लमजुङको मध्य नेपाल नगरपालिका ९ स्थित उनकै निवासमा शनिबार आयोजित श्रद्धाञ्जली सभामा कोइराला, पोखरेलसहित केन्द्रीय तथा स्थानीय नेता, कार्यकर्ता सहभागी थिए । उक्त अवसरमा महामन्त्री कोइरालाले मुलुकमा स्वतन्त्रता स्थापनाका लागि पाण्डेसहितका अगुवाहरुको अतुलनीय योगदान रहेको बताए । अग्रज नेताहरुको सम्मानले नै पार्टी थप मजबुत हुने भनाइ उनको थियो ।
गण्डकीका मुख्यमन्त्री पोखरेलले पञ्चायतकालमा अनेक हन्डर खेपेर नारायणबहादुर पाण्डेले संघर्ष गरेको स्मरण गर्दै उनको निधनले पार्टीमा अपुरणीय क्षति पुगेको भनाइ राखे । मुलुकमा राजनीतिक सचेतना र स्वतन्त्रता कायम गर्न लमजुङ र लमजुङवासीको भूमिका उल्लेखनीय रहेको भन्दै उनले प्रशंसा गरे । केन्द्रीय सदस्य डा. मीनेन्द्र रिजालले नारायणबहादुरले असल राजनीतिक संस्कार सिकाएर गएको र त्यसको अनुशरण छोराहरुले गरेको बताए ।
कार्यक्रममा केन्द्रीय सदस्य दीपक गिरीले लमजुङको ग्रामीण भेगमा रहेर पनि नारायणबहादुरले राजनीतिसँगै शिक्षा र सामाजिक विकासको क्षेत्रमा काम गरेर अमिट छाप छाडेको बताए । कार्यक्रममा पूर्व मन्त्री यज्ञबहादुर थापा, संविधासभा सदस्य शारदा पौडेल, राजु थापा, चन्द्रबहादुर कुँवर, कास्की कांग्रेस सभापति कृष्ण केसी, नवलपुर सभापति विष्णुप्रसाद लामिछानेसहित नेता कार्यकर्ता सहभागी थिए ।
उपप्रधानपञ्च हुँदै प्रधानपञ्चसमेत भएका ८० वर्षे पाण्डेको असार २१ गते सोमबार निधन भएको हो । उनकै अग्रसरतामा गाउँमा विद्यालय स्थापनादेखि विकास निर्माणका थुप्रै कामहरु भएका छन् । उनका जेठा छोरा रमेश पाण्डे लमजुङकै मध्यनेपाल नगरपालिकाका मेयर हुन् । कान्छा छोरा महेश पनि पार्टीमा क्रियाशील छन् ।
जेठा छोरा रमेशले बुबाबाट आफूले राजनीतिक संस्कार सिकेको भन्दै पार्टीले अब ग्रामीण भेगमा लुकेर रहेका हस्तीहरुको खोजबिन गरी सम्मान गर्नुपर्ने बताए । जीवनले राजनीतिक स्वतन्त्रताका लागि बिताएका कार्यकर्ताको मूल्यांकन नेतृत्व तहले गर्नुपर्ने त्यस्तो नभएको उनको भनाइ थियो ।

Related News

सम्बन्धित समाचार

    • जसपामायादव पक्षको बहुमत

      रासस श्रावण ११, २०७८
      काठमाडौं । निर्वाचन आयोगले जनता समाजवादी पार्टी (जसपा) का कार्यकारिणी सदस्यको सनाखत लिएको छ । जसपाका अध्यक्ष उपेन्द्र यादव र…
    • युवा संघको प्रदेश कार्यालय नयाँबजारमा

      आदर्श समाज सम्वाददाता श्रावण १०, २०७८
      पोखरा । राष्ट्रिय युवा संघ नेपाल गण्डकी प्रदेश कमिटीले पोखराको नयाँबजारस्थित प्रदर्शनी केन्द्रअगाडि कार्यालय खोलेको छ । शनिबार युवा संघले…
    • माओवादीको जिल्ला कार्यालय उद्घाटन

      आदर्श समाज सम्वाददाता श्रावण १०, २०७८
      कावासोती । पूर्वी नवलपरासीमा नेकपा माओवादी केन्द्रले पार्टी कार्यालयको शनिबार उद्घाटन गरेको छ । कावासोतीमा जिल्ला पार्टी कार्यालयको माओवादी केन्द्रका…
    • कांग्रेसको वडा अधिवेशन स्थगित

      आदर्श समाज सम्वाददाता श्रावण १०, २०७८
      पोखरा । नेपाली कांग्रेसमा क्रियाशील सदस्यताको ढिलाइका कारण आसन्न १४ औं महाधिवेशनअन्तर्गत अन्य महाधिवेशन कार्यतालिका प्रभावित भएको छ । कांग्रेस पदाधिकारी…
    • जनयुद्धका योद्धादेखि अर्थमन्त्रीसम्म

      आदर्श समाज सम्वाददाता श्रावण १०, २०७८
      पोखरा । जनयुद्धका योद्धा रामजीप्रसाद बराल ‘जीवन’ ले यतिखेर गण्डकी प्रदेशमा महत्वपूर्ण मन्त्रालयको जिम्मा पाएका छन् । सादा जीवन उच्च…

    hero news full width

    Gandaki University

    sanil ads

    wordlink ads