एमबी आस्थालाई पुरस्कार

आदर्श समाज सम्वाददाता
असार २६, २०७८
Kaura pic

पोखरा । यस वर्षको राष्ट्रिय मौलिक कौरा संरक्षण पत्रकारिता पुरस्कार पत्रकार एमबी आस्थामगरलाई प्रदान गरिने भएको छ ।
राष्ट्रिय मौलिक कौरा संरक्षण समितिद्वारा स्थापित तथा नेपाल मगर पत्रकार संघ, कास्कीद्वारा सञ्चालित सो पुरस्कारको राशि १० हजार र ताम्रपत्र छ । एमबी आस्था हाल एबिसी न्यूज टेलिभिजनका गण्डकी प्रदेश ब्युरो प्रमुख हुन् ।
पुरस्कारका लागि गठित प्रतिभा छनौट समितिले सिफारिस गरे अनुसार मगर पत्रकार संघ, कास्कीको शनिबार सम्पन्न बैठकले उनको नाम अनुमोदन गरेको संघका अध्यक्ष रूद्रबहादुर हितानमगरले जानकारी दिए । संघका केन्द्रीय उपमहासचिव रूद्रबहादुर श्रीसमगरको संयोजकत्वमा गठित छनौट समितिमा हर्क आलेमगर, तारामाया थापामगर, नरमाया आलेमगर र रूद्रबहादुर हितानमगर सदस्य थिए ।
मगर जातिको मौलिक संस्कृतिको रुपमा रहेको कौरा नाचको उत्थान र प्रवद्र्धनमा पत्रकारितामार्फत योगदान पुर्‍याउने मगर पत्रकारलाई हरेक वर्ष सो पुरस्कार प्रदान गरिँदैआएको छ । पुरस्कार हरेक वर्ष जेठ १५ गते कौरा संरक्षण समितिको स्थापना दिवसका दिन प्रदान गरिने भए पनि कोरोना महामारीका कारण ढिलाइ भएको समितिका अध्यक्ष हर्क आलेमगरले जानकारी दिए । अब सो पुरस्कार साउने संक्रान्ति अवसरमा प्रदान गरिनेछ ।
यसअघि, सो पुरस्कार नवलपुरकी कमला रानामगर, कास्कीका तिलकप्रसाद पुनमगर र तनहुँका प्रताप रानामगर पुरस्कृत भइसकेका छन् ।

Related News

सम्बन्धित समाचार

    hero news full width

    Gandaki University

    sanil ads

    wordlink ads