व्यास नगरको बजेट पारित

आदर्श समाज सम्वाददाता
असार २४, २०७८
byans nagars

दमौली  । व्यास नगरपालिकाको ३५ औं नगरसभाले आगामी आर्थिक वर्षको नीति तथा कार्यक्रम र बजेट पारित गरेको छ । गत असार १० मा नगर प्रमुख वैकुण्ठ न्यौपाने र उपप्रमुख मीरा जोशीले नगर सभामा नीति तथा कार्यक्रम र बजेट प्रस्तुत गरेकोमा सोबारे आवश्यक छलफलपछि परिमार्जनसहित पारित गरिएको हो ।
नगरपालिकाले १ अर्ब ७७ करोड ८९ लाख १२ हजार रुपैयाँको बजेट आगामी आर्थिक वर्षमा कार्यान्वयन गर्ने भएको छ । नगरले कुल बजेटमध्ये चालुतर्फ ५७.८३ र पुँजीगततर्फ ४२.१७ प्रतिशत बजेट विनियोजन गरेको छ । बुधबार नगरसभापछि पत्रकार सम्मेलनमा बोल्दै नगर प्रमुख न्यौपानेले स्वास्थ्य, कृषि, पर्यटन, पूर्वाधार लगायतलाई प्राथमिकतामा राखेर बजेट पारित गरिएको जानकारी दिए ।
नगरपालिकाले नगरस्तरीय अस्पताल निर्माणमा १ करोड, समता विद्यालय सञ्चालनमा १ करोड, कोभिड–१९ नियन्त्रणमा १ करोड २५ लाख बजेट विनियोजन गरेको न्यौपानेले बताए । नारेश्वरताल, मानुङकोट पूर्वाधार विकास, मादी ताल परियोजना, १ सय ८ फिटको व्यासमूर्ति निर्माणका लागि समेत बजेट विनियोजन गरिएको नगर प्रमुख न्यौपानेले बताए ।
नगरपालिकाका अनुसार कुल बजेटमध्ये आर्थिक विकासतर्फ १० करोड ११ लाख ९६ हजार, सामाजिक विकासमा ९३ करोड १७ लाख ७५ हजार, पूर्वाधार विकासमा ४५ करोड ३८ लाख २५ हजार, वातावरण तथा विपद् व्यवस्थापनमा ४ करोड ६६ लाख ५० हजार, संस्थागत विकास सेवा प्रवाह र सुशासनमा २ करोड ५४ लाख ६६ हजार विनियोजन गरिएको छ ।
कुल विनियोजित बजेटमध्ये चालुतर्फ १ अर्ब २ करोड ८७ लाख १२ हजार र पुँजीगततर्फ ७५ करोड २ लाख विनियोजन गरिएको छ । उक्त बजेटमध्ये संघ सरकारबाट सशर्त अनुदान बापत ५६ करोड १७ लाख, संघ सरकारको सामाजिक सुरक्षा अनुदानवापत २१ करोड, आन्तरिक स्रोतको आयबाट २० करोड ५० लाख, संघ सरकारको वित्तीय समानीकरण अनुदान १९ करोड ७६ लाख, सञ्चित कोष अल्याबाट १५ करोड ३७ लाख १२ हजार, संघ सरकारको राजस्व बाँडफाँडबाट १२ करोड ९८ लाख ५१ हजार, राजस्व बाँडफाँडअन्तर्गत मालपोत रजिष्ट्रेसनबाट १० करोड आम्दानी हुने अनुमान छ । नगरसभाले विनियोजन विधेयक, आर्थिक विधेयक, पुरातात्विक, ऐतिहासिक स्थलको संरक्षण गर्न बनेको विधेयक, कर्मचारी समायोजन ऐन पारित गरेको छ ।
त्यस्तै, नगर विकास कोष ऋणबाट १० करोड, प्रदेश वित्तीय समानीकरण अनुदानबाट २ करोड ४४ लाख ७८, प्रदेश सरकारको राजस्व बाँडफाँडबाट १ करोड ७४ लाख ७५ हजार, गाउँ नगर साझेदारी कोषबाट १ करोड ६५ लाख, संघ विशेष अनुदानबाट १ करोड ३७ लाख, प्रदेशको विशेष अनुदानबाट १ करोड, प्रदेशको सशर्त अनुदानबाट १ करोड आम्दानी हुने अनुमान छ ।

पत्रकार आचार्य सम्मानित

व्यास पत्रकारिता पुरस्कारबाट पत्रकार महासंघ तनहँुका निवर्तमान अध्यक्ष ओमकार आचार्य सम्मानित भएका छन् । समाचार माध्यमबाट नगरको विकासमा योगदान पु¥याएकोमा उनलाई सम्मान गरिएको हो । उनलाई १० हजारसहित दोसल्ला ओढाएर सम्मान गरिएको हो । उनी मादीसेती प्रवाहका सम्पादक र मादीसेती एफएमका स्टेसन म्यानेजर पनि हुन् ।

Related News

सम्बन्धित समाचार

    • ‘जनताको भावनाअनुसार काम गर्नू’

      आदर्श समाज सम्वाददाता श्रावण १५, २०७८
      पोखरा । हेमजावासीले जनताको भावना अनुसार काम गर्न गण्डकी प्रदेशका अर्थमन्त्री रामजीप्रसाद बराललाई आग्रह गरेका छन् । बिहीबार हेमजामा आयोजित…
    • चामे सडक खोल्न दिनरात काम

      आदर्श समाज सम्वाददाता श्रावण १५, २०७८
      पोखरा  । डेढ महिनादेखि ठप्प वेंसिसहर–चामे सडक सञ्चालनमा ल्याउने तयारी गरिएको छ । डुम्रे–वेंसिसहर–चामे सडक आयोजनाले पहिरोका कारण अवरुद्ध सडक सुचारु…
    • जनप्रतिनिधिले नै रोपे सडकमा कोदो

      रासस श्रावण १४, २०७८
      गोरखा । सडक निर्माणलाई छिटो सम्पन्न गर्न माग गर्दै गोरखा आरुघाट–सडकखण्डमा जनप्रतिनिधिसहितका स्थानीयवासीले कोदो रोपेका छन् । ठेकेदारको चरम लापरवाहीका…
    • प्रेस युनियनद्वारा गण्डकी प्रदेशका मन्त्रीलाई बधाई

      आदर्श समाज सम्वाददाता श्रावण १३, २०७८
      पोखरा, १३ पोखरा । गण्डकी प्रदेशका नवनियुक्त मन्त्रीहरुले लोकतन्त्र र प्रेस स्वतन्त्रताप्रति आफूहरु प्रतिबद्ध रहने बताएका छन् । उनीहरुले कोरोनाविरुद्धको खोप…
    • सार्दिखोला स्वास्थ्य चौकीमा अक्सिजन कन्सन्ट्रेटर

      आदर्श समाज सम्वाददाता श्रावण १३, २०७८
      पोखरा । गैर आवासीय नेपाली संघ (एनआरएनए) हङकङले कास्कीको माछापुच्छ्रे २ स्थित सार्दिखोला स्वास्थ्य चौकीलाई २ थान अक्सिजन कन्सन्ट्रेटर उपलव्ध गराएको…

    hero news full width

    Gandaki University

    sanil ads

    wordlink ads