पोखरा । नेपाली कांग्रेस कोभिड १९ सूचना समिति कास्कीले बुधबार २ स्वास्थ्य संस्थालाई कन्सन्ट्रेटर र स्वास्थ्य सामग्री सहयोग गरेको छ । दुवै संस्थालाई १/१ वटा अक्सिजन कन्सन्ट्रेटर र स्वास्थ्य सामग्री सहयोग गरेको हो ।
समितिले कास्कीको अन्नपूर्ण गाउँपालिका २ स्थित नागडाँडा स्वास्थ्य चौकी र माछापुच्छ्रे गाउँपालिका २ स्थित सार्दीखोला स्वास्थ्य चौकीलाई सहयोग गरेको हो । समितिका संयोजक दिवसमान प्रधानांगले ती सामग्री हस्तान्तरण गरेका हुन् । यसअघि पनि समितिले स्वास्थ्यकर्मीलाई पिपिइ प्रदान गरेको थियो ।
समिति संयोजक प्रधानांगले महामारीमा बेला सबैले सहयोग गर्नुपर्नेमा जोड दिए । कार्यक्रममा नेपाल लोकतान्त्रिक खेलकुद महासंघका अध्यक्ष देवेन्द्र शेरचन, कास्की कांग्रेसका प्रवक्ता नवीन सिग्देल, सदस्य उमेशराज पराजुली, अन्नपूर्ण गाउँपालिका २ का अध्यक्ष चुडामणि अधिकारी, नेपाली कांग्रेस अन्नपूर्ण गाउँपालिका सचिव कृष्णप्रसाद सुवेदी, वडा नं २ का सभापति लोकराज भण्डारी, माछापुच्छ्रे गाउँपालिका वडा नं १ का अध्यक्ष वीरेन्द्र गुरुङ, २ का अध्यक्ष विक्रम गुरुङ, नेपाली कांग्रेस माछापुच्छ्रे गाउँपालिका सभापति मधुसुदन अधिकारी, समिति सदस्य महेश तिमिल्सिना र स्वास्थ्यकर्मी लक्ष्मी बयलकोटीले बोलेका थिए ।