पोखरा । नेपालमा डिजिटल प्रविधिमार्फत सहकारीहरुको आर्थिक कारोबार गर्ने गराउने उद्देश्यले काठमाडौंमा स्थापित हब कोअपरेटिभ सर्भिस लिमिटेडले कास्की सेवा केन्द्र शुभारम्भ गरेको छ । गण्डकी प्रदेशका मुख्यमन्त्री कृष्णचन्द्र नेपाली पोखरेलले शुक्रबार केन्द्र उद्घाटन गरे ।
हब कोअपरेटिभको यो पहिलो शाखा हो । केन्द्र उद्घाटनपछि मुख्यमन्त्री पोखरेलले वित्तीय कारोबारलाई पूर्ण रुपमा प्रविधीकरण गरी सहज र सुरक्षित सेवा प्रदान गर्न ढिलो गर्न नहुने बताए । उनले हब कोअपरेटिभले विकास एवं प्रवद्र्र्धन गरेको प्रविधिमा जोडिएर आफ्ना आर्थिक कारोबारलाई पारदर्शी, सर्वसुलभ एवं सुरक्षित बनाउन सहकारीलाई आग्रह गरे ।
हब कोअपरेटिभले सहकारीहरुमा राष्ट्रिय एवं अन्तर्राष्ट्रिय विप्रेषण सेवा, रकमान्तर, भुक्तानी तथा फछ्र्यौट सेवा, क्लियरिङ, मोबाइल बैंकिंग, बैंक एवं सहकारीबीच रकमान्तरण र बिलहरु भुक्तानीका सेवाहरु उपलब्ध गराइरहेको छ ।
संस्थाले नेपालभर कार्यक्षेत्र रही देशका जुनसुकै स्थानमा रकम पठाउन वा प्राप्त गर्न सक्ने संस्थागत व्यवस्था मिलाइएको संस्थाका अध्यक्ष तथा राष्ट्रिय सहकारी विकास बोर्डका सहअध्यक्ष दक्ष पौडेलले बताए । ‘यस संस्थाले नेपाल भर ७ वटै प्रदेशका १५ वटा जिल्लामा आफ्नो सेवा बिस्तारका लागि नेपाल सरकारबाट अनुमति लिइसकेको र संस्थाले आगामी ३ वर्षभित्र सहकारीमार्फत् २० लाख व्यक्तिमा विद्युतीय कारोबार सेवाको पहुँच पुर्याउने लक्ष्य लिएको छ,’ पौडेलले भने ।
सेवा शुुभारम्भको दिनमै पोखराका विभिन्न २० वटा सहकारी संस्था आबद्ध भई ५ करोड निक्षेप संकलन भएको पौडेलले जानकारी दिए । कार्यक्रममा जिल्ला सहकारी संघ लिमिटेड कास्कीका अध्यक्ष सावित्रा कोइराला, नेफ्सकुन सञ्चालक कमला गिरी, संविधान सभा सदस्य प्रकाश पौडेललगायतले संस्थाको सफलताको शुभकामना व्यक्त गरे ।
संस्थाका अध्यक्ष तथा राष्ट्रिय सहकारी विकास बोर्डका सहअध्यक्ष दक्ष पौडेलको अध्यक्षतामा भएको कार्यक्रममा जिल्ल सहकारी संघ कास्कीका निवर्तमान अध्यक्ष रविरमण तिवारीले धन्यावाद ज्ञापन गरे । कार्यक्रम सचिव राजेन्द्र पौडेलले सञ्चालन गरेका थिए ।
Related News
सम्बन्धित समाचार
कथा सुन्न भक्तजनको आकर्षण
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१