पोखरा । गण्डकी प्रदेशको दोस्रो केबलकारको निर्माण अन्तिम चरणमा पुगेको छ । गोरखाको मनकामना केबलकारपछि पोखरामा नयाँ पर्यटकीय गन्तव्यरुपमा निर्माणाधीन केबलकारको निर्माण करिब ९७ प्रतिशत सकिएको अन्नपूर्ण केबलकारका निर्देशक तीर्थराज त्रिपाठीले बताए ।
केबलकारका लागि हाल १८ गोण्डोला (डिब्बा) सहित लठ्ठो (डोरी) समेत टाँगेर तयारी अवस्थामा राखिएको छ । कोरोना संक्रमणको अवस्था सामान्य भएसँगै परीक्षण गरेपछि व्यावसायिक रुपमा सञ्चालनमा ल्याउने उनको भनाइ छ ।
केबलकार परीक्षणको काममात्र बाँकी छ । केबलकार सञ्चालनमा आएपछि सेदी बगरदेखि सराङकोट डाँडासम्म करिब ९ मिनेटमै पुग्ने सकिनेछ । ‘कोरोना महामारीको बीचमा पनि काम रोकेनौं, लगभग काम सकियो,’ उनले भने,’ ‘अब परीक्षणको काममात्र बाँकी रहेको छ, त्यो काम जापानबाट प्राविधिक आएपछि हुन्छ ।’ केबलकारको तल्लो तथा माथिल्लो स्टेसन कंक्रिट संरचनामा निर्माण भएको छ भने दुवै स्टेसन भवनमा रेस्टुरेन्ट, पार्किङ, बगैंचा, टिकट काउन्टर, शौचालय लगायत भौतिक संरचनासमेत निर्माण भइसकेका छन् । राष्ट्रिय वाणिज्य बैंक, सनराइज बैंक र नेपाल बंगलादेश बैंकले उक्त परियोजनामा बैंकिङ पार्टरको रुपमा रहेको उनले बताए ।
परियोजना सञ्चालन आएपछि पोखरामा पर्यटनमा नयाँ आयाम थपिनुका साथै स्थानीय कृषि प्रवद्र्धनमा पनि टेवा पुग्ने उनले जानकारी दिए । ‘हामीले राष्ट्रिय गौरवको आयोजनाको रुपमा बनाएका हौं,’ उनले भने, ‘सञ्चालनमा आएपछि पर्यटनमा टेवा त पुग्ने नै भयो, स्थानीय कृषिले पनि छिटो बजार पाउँछ ।’
गोरखाको मनकामना केबलकारपछि पोखरामा नयाँ पर्यटकीय गन्तव्यरुपमा निर्माणाधीन केबलकारको निर्माण करिब ९७ प्रतिशत सकिएको छ
फेवाताल र सराङकोट जोड्ने गरी पोखरामा पर्यटनको नयाँ प्रोडक्ट रुपमा विकसित गर्न खोजेकोे त्रिपाठीले बताए । २.४ किमी लम्बाइको केबलकारमा एउटा गोण्डोलाबाट ८ जना आउजाउ गर्न सक्नेछन् । १८ वटा गोण्डोलामध्ये एक सामानमात्र राख्न प्रयोग हुन्छ । कम्पनीले बनाएको केबलकारको लठ्ठाले ३४ गोण्डोला धान्ने भए पनि परीक्षणका लागि अहिले १८ वटा मात्र राखिएको निर्देशक त्रिपाठीले जानकारी दिए । सञ्चालनपछि चाप बढ्दै गएमा क्षमताले धान्ने गरी गोण्डेला राखिने उनको भनाइ छ । केबलकारका सबै सामान जापानको निप्पोन केबलबाट ल्याइएको हो । केबलकार सञ्चालनमा आएपछि प्रतिव्यक्ति ६ सय रुपैयाँमा ओहोरदोहोर गर्न सक्नेछन् । ‘कम्पनीको समिति र महानगरको १ टोली बनाएर भाडाको विषय टुंग्याएका छौं,’ उनले भने, ‘एउटा एडल्टका लागि ६ सय निर्धारण गरिएको छ, बालबालिका, विद्यार्थी, अपांग, वृद्धवृद्धा र स्थानीयका लागि छुट्टै हुन्छ ।’
४ वर्षअघि सुरुमा ९० करोडको लगानीमा डेढ वर्षमा सक्ने गरी काम थालनी गरिए पनि विविध कारणले ४ वर्षभन्दा बढी लागेको हो । केबलकारको स्टेसन भवनको संरचना बनावटमा परिवर्तन हुनु, जग्गा विवाद र दक्ष प्राविधिक कर्मचारीको अभावलगायत समस्याले हाल करिब २ अर्ब लगानी पुगेको उनले जनाए । अन्नपूर्ण केबलकार कम्पनीमा युवा व्यवसायी कालु गुरुङसहित नेपाली व्यवसायीहरुको ८० प्रतिशत, पूर्व जापानी नागरिक स्वर्गीय टाकासी मियाहारा (सोगो काइआयु क.लि.) को १० प्रतिशत र स्थानीयको १० प्रतिशत लगानी रहेको प्रालिले जनाएको छ । सराङकोटको माथिल्लो स्टेसन र सेदीको तल्लो स्टेसन, टावरसहित कुल ७५ रोपनी क्षेत्रफलमा आयोजना निर्माण भएको हो ।
नेपालमा सञ्चालित मनकामना र चन्द्रागिरी केवलकार जस्तै भएपनि यो केवलकारमा नयाँ प्रविधि प्रयोग गरिएको दाबी प्रालिको छ । नेपालमै सबैभन्दा पहिले मनकामना केवलकार सन् १९९८ देखि सञ्चालनमा आएको हो ।
Related News
सम्बन्धित समाचार
स्याङ्जा जिल्लाकै पहिलो विद्यालयको ७१ औं वार्षिकोत्सव
पोखराको चाउथेमा गएराति स्कुटर दुर्घटनामा एक किशोरीको मृत्यु
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
रोजगार खोज्दै मेलामा
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१