पोखरा  । बालहितकारी परियोजना नेपालले किडासाको आर्थिक सहयोगमा पोखरा १० का ३ सय ८ विपन्न बालबालिकाका तथा तिनका परिवारलाई राहत वितरण गरिएको छ । बन्दाबन्दीका कारण अति प्रभावित बालबालिका तथा तिनका परिवारलाई स्थानीय बाल क्लबको माग तथा सिफारिसमा राहत वितरण गरिएको हो ।
उनीहरुलाई ऊर्जा जिरा मसिनो चामल ७ हजार ७ सय केजी, रातो दाल ९ सय २४ केजी वितरण गरियो । साथै प्रत्येक परिवारलाई चना, ठूलो भट्टमास, सेतो केराउ, मैदा, चिउरा, सोयाबिन मस्यौरा, कुन्दन सोयाबिन खानेतेल, आयो नुन १–१ किलो वितरण गरिएको हो । साथै खुर्सानी, मिक्स मसाला पाउडर, बेसार, साबुन वितरण गरिएको बालहितकारी परियोजना नेपालका फिल्ड संयोजक केशव पौडेलले बताए ।
बालहितकारी परियोजना नेपालले पोखरा वडा १,३,५,८,९,१३,१४,१५,१७ र ३० मा २ वर्षदेखि किशोरकिशोरी स्वास्थ्य तथा समृद्धि कार्यक्रम सञ्चालन गरिरहेको छ ।